Ә) тәрбиелік: Сабақта мақал – мәтелдер мен жұмбақтарды пайдаланып, Ыбырай шығармаларынан үзінді келтіре отырып еңбексүйгіштікке, адамгершілікке, тәрбиелілікке тәрбиелеу.
Б) дамытушылық: Морфологиялық талдау дағдысын одан әрі жетілдіру, ойын түрлерін пайдалана отырып, оқушылардың ойын дамыту, тапқырлық, ізденімпаздық қасиеттерін қалыптастыру.
Сабақтың түрі: Сайыс сабақ (топтық жұмыс).
Сабақтың әдістері: сұрақ – жауап, иллюстративті, практикалық, әр түрлі ойындар.
Сабақтың көрнекілігі: оқулық, тақта, түрлі – түсті қағаздар,
Сабақтың барысы:
1. Ұйымдастыру кезеңі:
1) оқушылармен сәлемдесу;
2) оқушыларды түгендеу;
3) құрал – жабдықтарын тексеру;
4) сынып тазалығына мән беру;
5) сыныпты қара және қоңыр түстерді таңдатып 2 топқа бөліп отырғызу.
2. Үй тапсырмасын пысықтау кезеңі:
1. 176 – жаттығу. Есімшені жұрнақтарына қарай ажыратып, қалай түрленіп, сөйлемнің қай мүшесі болып тұрғанын анықтаңдар.
2. 179 – жаттығу. Төмендегі етістіктерден әр түрлі есімшелер жасаңдар да, түрлендіріп қолданыңдар.
1 – кезең. «Бинго» ойыны арқылы өткен тақырыптарды пысықтау:
1. Есімше дегеніміз не?
Есімше сөйлемде екі түрлі қызметте жұмсалатын етістіктің ерекше түрі.
2. Есімшенің жұрнақтарын ата.
А) -ған, -ген, -қан, -кен
Ә) -ар, -ер, -р және етістіктің болымсыз тұлғасынан кейін –е
Б) -атын, -етін, йтын, -йтін
В) -мақ, -мек, -бақ, -бек, -пақ, -пек
3. Есімше сөйлемде тұрып, қандай қызмет атқарады?
Есімше әрі есім, әрі етістік мәнінде қолданылатындықтан, ыңғайына қарай сөйлемнің барлық мүшесінің қызметін атқара алады.
4. «Алған» сөзін жекеше түрде жіктеңіз.
I. Мен алған –мын
II. Сен алған – сың
Сіз алған – сыз
III.Ол алған –
5. «Көретін» сөзін септеңіз.
А.с көретін
І.с көретін – нің
Б.с көретін – ге
Т.с көретін – ді
Ж.с көретін – де
Ш.с көретін – нен
К.с көретін – мен
6. «Сөйлер» сөзін жекеше түрде тәуелдеңіз.
I. Менің сөйлер – ім
II. Сенің сөйлер – ің
Сіздің сөйлер – іңіз
III.Оның сөйлер – і
2 – кезең. Кім тапқыр? ойыны
1. Бір құдайға сиынып,
Кел, балалар, оқылық,
Оқы...ды көңілге
Ықыласпен тоқылық.
2. Істің бол... қайыры
Бастасаңыз алдалап,
Оқыма... жүреді
Қараңғыны қармалап.
Сергіту сәті. Бейнебаян арқылы іс – әрекетті қайталау.
3 – кезең. Кім шебер? ойыны
Кім есімшесі бар мақал – мәтелдер біледі?
4 – кезең. Кім жылдам? Ойыны
«Достық» тақырыбында есімшені пайдаланып 4-5 сөйлемді әңгіме құрастырыңыз және морфологиялық талдау жасаңыз.
Үй тапсырмасын беру:
178 – жаттығу. Есімшелерді тауып, қандай қызметте және қандай тұлғада жұмсалғанын көрсетіңдер.
180 – жаттығу. Өлең шумағы мен мақалдардан есімшелерді тауып, олардың қандай жұрнақтар арқылы жасалып тұрғанын көрсетіңдер, сұрақ қою арқылы сөйлемде қандай қызмет атқарып тұрғанын айтыңдар.
Рефлекция кезеңі: оқушылар сабақтан алған әсерін мимикамен немесе іс – әрекетпен көрсету.
Оқушыларды бағалау: оқушыларды топ бойынша берілген жұлдызща санымен бағалау.
