Гущы1эухыгъэр (къэз1отэрэ, упч1э, фэзгъэчэфрэ гущы1эухыгъэхэр)

Темэр: Гущы1эухыгъэр (къэз1отэрэ, упч1э, фэзгъэчэфрэ гущы1эухыгъэхэр)

Мурадыр:Гущы1эухыгъэм мэхьанэ ухыгъэ къызэрик1ырэр к1элэеджак1омэ агурыгъэ1огъэныр. Гущы1эухыгъэр къэ1уак1эмк1э зэрэзэтрафхэрэр аш1эныр.

1.Объяснительнэ диктант.

Гущы1эзэгъусэхэр бзэм хэт гущы1эхэу къызэрэ1уагъэхэр къыхагъэщы:тыгъэ нэбзыир,гъэтхэпэ маф,псынк1эу мак1о, изложениер атхыщт, неущ тык1ощт

2.Унэмк1э гъэцэк1энэу я1агъэм иуплъэк1ужьын.1офш1эным нэбгырэ заулэ къеджэ.

3.Гущы1эзэгъусэхэмрэ гущы1эухыгъэхэмрэ доскэм тетхагъэх

Дэгъоу еджэ. Мы хьамэт дэгъоу еджэ.

Ш1у шъолъэгъу К1алэхэр, грамматикэр ш1у шъолъэгъуа?

Дахэу матхэ Нафсэт дахэу матхэ.

Апэрэ рядым тетхэр гущы1эзэгъусэхэу,ят1онэрэ рядым тетхэр гущы1эухыгъэу зэрэщытхэр к1алэхэм къясэгъа1о.

Мы урокым гущы1эухыгъэр темэу зэря1эр к1элэеджак1охэм ясэ1о ык1и гущы1эухыгъэм ехьыл1агъэу беседэ адэсэш1ы:

1.Сыда гущы1эзэгъусэхэмрэ гущы1эухыгъэхэмрэ зэрэзэтек1хэрэр? (Гущы1эухыгъэм мэхьанэ ухыгъэ къек1ы)

2.Сыда мы гущы1эухыгъэхэу доскэм тетхагъэхэр зэрэзэфэмыдэхэр?

3.Сыда къэз1отэрэ гущы1эухыгъ зыфа1орэр ык1и ащ ыуж тамыгъэу агъэуцурэр?

4.Сыда упч1э гущы1эухыгъ зыфа1орэр ык1и ащ ыуж тамыгъэу агъэуцурэр?

5.Сыда фэзгъэчэфрэ гущы1эухыгъэк1э тызаджэрэр?Сыд фэдэ тамыгъа фэзгъэчэфрэ гущы1эухыгъэм ыуж агъэуцурэр?

6.Сыдэущтэу къегъэжьагъэу гущы1эухыгъэр атхыра?

7).Сыд фэдэ членха гущы1эухыгъэм лъапсэу фэхъухэрэр?(подлежащэмрэ сказуемэмрэ.Гущы1эухыгъэхэр къэшъуугупшысых,подлежащэмрэ сказуемэмрэ къыхэжъугъэщ)

4. Учебникым 1оф даш1эныр

П.8,9 – м къесэгъаджэх.1офш1энэу 38-р агъэцак1э

5.Комментированнэ тхэн.Гущы1эухыгъэмэ ауж тамыгъэу щытын фаехэр агъэуцухэзэ атхы.

Непэ мэфэ дэгъу.К1алэмэ чъыгхэр агъэт1ысых.Чъыг тхьапша,Казбек, бгъэт1ысыгъэр? Непэрэ мафэр фэбэ ш1агъу!

6.Мы гущы1эхэр хэтхэу гущы1эухыгъэхэр къызэхэжъугъэуцох.

К1алэ,зэрегъаш1э,грамматик,школ хатэр,1офы,Биболэт,еш1э,хэлажьэ,спорт,зэнэкъокъу

7.Унэмк1э гъэцэк1эн: п.8,9,1офш1энэу 44.