kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Статья на тему "Активизация познавательной деятельности учащихся на уроках крымскотатарского языка и литературы через интерактивные методы обучения"

Нажмите, чтобы узнать подробности

Стаья о применеии интерактивных методов обучения на уроках крымскотатарского языка и литературы

Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Наладить дисциплину на своих уроках.
Получить возможность работать творчески.

Просмотр содержимого документа
«Статья на тему "Активизация познавательной деятельности учащихся на уроках крымскотатарского языка и литературы через интерактивные методы обучения"»

Къырымтатар тили ве эдебияты дерслеринде интерактив усуллардан файдаланып, талебелернинъ бильги алув фаалиетини активлештирюв.

« Халкънынъ эбедийлиги- онынъ ана тилинен багълы»

Ч. Айтматов

Эр бир инсан, къайсы миллетке аит олгъанына бакъмадан, озь ана тилинде сербест лакъырды этмеге бильмек керек. Озь миллетини севген ве урьмет эткен инсан ич бир вакъыт озь ана тилини унутмаз.

Языкъ ки, сюргюнликни озь башындан кечирген миллетимиз огюнде ана тилинде лакъырды этмекни огренюв ве бунынъ инкишафыны даа юксеклерге котерюв огърунда буюктен буюк вазифелер турмакъта.

Шимдики вакъытта халкъымызнынъ яш несили озь тилини, тарихыны яхшы бильмей. Теджрибемиз косьтере ки, ана тилинде лаф этмеге бильмеген талебелернинъ сайысы йыл-йылдан арта. Балалар эсас тасильни рус тилинде алалар, къорантада ана тили янъгъырамай, шунынъ ичюн ана тилинде сербест лаф этип оламайлар.

Бу исе дерслерде ана тилини менимсев, эдебий эсерлернен танышувда, оларны талиль этювде буюк къыйынлыкълар догъура. Онынъ ичюн интерактив усуллардан файдаланып дерслерни отькерюв, бугуньки куньде пек актуальдир, деп саям.

Интерактив усулларнен кечирильген дерслер талебелерни активлештире, оларда ана тилине меракъ догъура, дерслернинъ даа да гузель олмаларыны теминлей.

« Къырымтатар тили ве эдебияты дерслеринде интерактив усуллардан файдаланып, талебелернинъ бильги алув фаалиетини активлештирюв» мевзусында чалышаракъ, ашагыдаки макъсадларгъа буюк дикъкъат айырам.

Макъсадлар:

- талебелернинъ бильги алув фаалиетлерини активлештирюв, мустакъиль чалышмаларыны инкишаф эттирюв;

- сёз байлыгъыны ве нуткъуны инкишаф эттирюв, ана тилине меракъ ве севги ашлав;

- зенгин бильгили ве ватанпервер инсанларны тербиелев.

Педагогикада окъутув усулларынынъ учь чешити бар:

1. Пассив усул- талебе тек коре ве динълей, яни талим объекти ола.

2. Актив усул- талебе талимнинъ субъекти оларакъ, оджанен берабер мустакъиль ве иджадий ишлер беджере.

3. Интерактив усул- талебелер озьара актив чалышалар, оджанен мусавий ишбирликте олалар.

Бу хусуста айтылгъан къытай аталар сёзлери пек ерлидир:

Айтсанъыз - унутырым,

косьтерсенъиз - акълымда къалдырырым,

джельп этсенъиз - анъларым.

Интерактив усуллардан файдаланып кечирильген дерслерде айрыджа дикъкъатны бойле меселелерге айырмакъ керек:

- лугъат ишлерини кечирюв

- диалоглар тизюв

- метинлер узеринде чалышув

- ифадели окъувны огретюв

- оюн ве раатлыкъ дакъкъалар кечирюв

- икяелер тизюв

- иншалар язув

- иджадий ишлер беджерюв

Дерслерде интерактив усулынынъ бойле шекиллеринден файдаланмакъ мумкюн:

Мий уджюми, актив микрофон, оюнлар, къар топу, кунешчик, юзюм салкъымы, ассоциациялар чалысы, сенкан, Венн диаграммасы, пинг-понг, чифт ве группаларнен чалышув, презентациялар, мунакъаша, саналаштырув, роль оюнлары, булмача, ребуслар ве иляхре.

Мисаллер: «Къар топу»

Бу усул талебелернинъ фикир этюв къабилиетлерини осьтюре.

Сёз - сёз бирикме – джумле (китап- меракълы китап- мен меракълы китапны окъудым).

Джумле- джумлелер- икяе (Оджа бир джумле айта.Талебелер бу джумлеге озь джумлелерни къоша ве икяе тизиле.)

Оджа: Бугунь февральнинъ он беши.

1-талебе: Авасы пек сувукъ.

2-талебе: Азбарда къар ягъа.

3-талебе: Эр ер бем-беяз олды.

4-талебе: Балалар къар топу ойнайлар.

Венн диаграммасы

Бу усул талебелерге предмет, эсер, къараман, девир ве башкъаларнынъ умумий ве фаркълы хусусиетлерини, аляметлерини косьтермеге ярдым эте.

Меселя, Мамут Дибагънынъ «Ферат» ве «Концерт» икяелерини къыяслав:

Умумий: 1.Эсернинъ жанры

2.Дженктен эвельки девир

3.Кой яшайышы тасвирлене.

4.Къараманнынъ зенааткъа авеслиги киби хусусиетлер.

Фаркълар: 1.Эсернинъ колеми. 2. Мундеридже, мевзу ве гъаеси. 3.Образлар. 4.Зенаатларнынъ фаркъы киби хусусиетлери.

«Ассоциациялар» чалысы.

Бу усул талебелернинъ мевзу боюнджа алгъан бильгилерини тешкермеге имкян бере:

Ватан- догъгъан ер- ана топракъ- экинджи ананъ- баба-деделер мекяны- тувгъан тиль- миллет…

«Сенкан»

Бу усул, буюк колемли малюматтан энъ эсасыны тапып, къыскъартылгъан шекильде такъдим этмек ярдым эте. Дерснинъ нетиджесини чыкъармакъ ичюн къулланыла.

Схема: 1 сыра 1 исим

2 сыра 2-3 сыфат

3 сыра 2-3 фииль

4 сыра ибаре, мевзугъа озь шахсий мунасебетини косьтермек

5 сыра исимге синоним (1 сатырдан), я да джумле.

Меселя: 1) Ана 2) Севимли, екяне, назик. 3) Анамны севем, къорчалайым, онъа ярдым этем. 4) Ана-дюньяда энъ якъын инсандыр. 5) Ана киби яр олмаз, Ватан киби ер олмаз.

«Актив микрофон»

Бу усул ярдымы иле талебелер къоюлгъан суальге, я да бир де бир меселеге озь нокътаий назарыны бильдире. «Актив микрофон» усулы иле талебелер меракъненкъонушувгъа къошулалар

«Пинг-понг»

«Пинг-понг» усулыны эв вазифелерини тешкергенде, яда мевзуны текрарлагъанда къулланмакъ мумкюн. Бир талебеге сыныфдашлары суаллер берелер, о исе джевап бермек керек.



Интерактив усуллары талебелерни тюшюнмеге, керекли малюматны тапмагъа, менимсемеге, озь фикирини исбатламагъа огрете. Нетиджеде, талебелернинъ лугъат байлыгъы зенгинлеше, фикир этюв фаалиети инкишаф эте, талебелер озьара ве оджа иле сыкъ къонушалар.


Получите в подарок сайт учителя

Предмет: Прочее

Категория: Прочее

Целевая аудитория: Прочее.
Урок соответствует ФГОС

Автор: Мустафаева Эльзара Бахтиёровна

Дата: 21.01.2018

Номер свидетельства: 451524


Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства