Научная статья:ЗНАЧЕНИЕ ЗДОРОВОГО ОБРАЗА ЖИЗНИ В ВОСПИТАНИИ МОЛОДЕЖИ ИДЕАЛЬНЫМ ПОКОЛЕНИЕМ

ЁШЛАРНИ БАРКАМОЛ АВЛОД ҚИЛИБ ТАРБИЯЛАШДА СОҒЛОМ ТУРМУШ ТАРЗИНИНГ AҲAМИЯТИ

ЗНАЧЕНИЕ ЗДОРОВОГО ОБРАЗА ЖИЗНИ В ВОСПИТАНИИ МОЛОДЕЖИ ИДЕАЛЬНЫМ ПОКОЛЕНИЕМ

Ашуров Эркин Гафурович

Бухоро Абу Али ибн Сино номидаги жамоат

саломатлиги техникуми ўқитувчиси

БУХАРСКИЙ ТЕХНИКУМ ОБЩЕСТВЕННОГО

ЗДОРОВЬЯ ИМЕНИ АБУ АЛИ ИБН СИНО, УЗБЕКИСТАН

В то же время сами по себе такого рода личностные убеждения всегда носят социальную обусловленность, определяются качеством среды и воспитания, ценностными установками общества, под воздействием которых происходит осознание человеком необходимости заботы и сохранения своего здоровья как личностной потребности. И в этом процессе наиболее значительную роль может сыграть воспитание, образование.

Ўқувчи-ёшларнинг соғлигини сақлаш ва мустаҳкамлаш, уларнинг жисмоний камолатга эришишда жисмоний тарбияга бўлган эҳтиёжни шакллантириш ўқув муассасаларининг устувор вазифаларидандир.

Инсон соғлиги биринчи навбатда унинг соғлом турмуш тарзига боғлиқ.

Соғлом турмуш тарзи – бу инсоннинг ҳаёт хавфсизлигини таъминлашга хизмат қилувчи кўникмаларга эга бўлиш асосида ҳаётий фаолиятини йўлга қўйиш ҳамда саломатлиги юқори даражада бўлишига эришишни таъминловчи ижтимоий ҳодисадир.

Соғлом турмуш тарзида, турмуш ва дам олиш гигиенаси, шахслараро муносабатлар маданияти, экологик маданият, ўз организмининг физиологик жиҳатдан нормал ҳолатда сақлаб бора олиш ва атрофдагиларнинг саломатлиги тўғрисида қайғуриш сингари мажмуавий омилларни ўз ичига олади ва ҳоказо. Инсон ҳаётининг ана шундай усули турмуш тарзининг ҳамма томонларини ривожлантириб боришнинг энг муҳим шартлари бўлиб қолди.

Ёшларда соғлом турмуш тарзини шакллантиришда қуйидагиларни ҳал этишни талаб қилади:

- ёшларни маданияти ва ҳаёт даражасини мунтазам равишда ошириш;

- табиий муҳитнинг инсон ҳаёти учун қулай параметрларини асраш;

- ўқиш, ишлаб чиқариш учун оптимал шароитларни яратиш;

- ёшларни жисмоний машқларга, мунтазам равишда машғулотларга онгли, турғун ва позитив муносабатини шакллантириш;

- жисмоний машғулотларга эҳтиёжни фаоллаштириш;

- ўқувчи-ёшларнинг жисмоний тайёргарлигини кучли ва кучсиз томонларини аниқлаш мақсадида жисмоний ривожланиши, жисмоний тайёргарлик ва жисмоний ҳолатини диагностикадан ўтказиш;

- касалликлар профилактикаси, тананинг ташқи муҳитнинг салбий таъсирига қаршилигини ошириш, зарарли одатларни бартараф этиш;

- жисмоний ривожланишини, гавда тузилишини (қадди-қоматини) жисмоний ҳолатини яхшилаш;

- жисмоний ҳолатини бошқариш ва баҳолаш, жисмоний тайёргарлик кўрсаткичлари, дам олишни ташкиллаштириш, фаол хордиқ чиқариш, тўғри овқатланиш, саломатлигини мустаҳкамлаш тамойилларига онгли равишда риоя қилиш асослари бўйича талабаларга билим бериш;

- асаб тизимининг асосий хусусиятларини баҳолаш, талаба шахсиятининг типологик характеристикасини ўқув-соғломлаштириш жараёнини индивидуаллаштириш усуллари билан таништириш;

-бўш вақтдан унумли фойдаланиш, ўз-ўзини баҳолаш, ўз-ўзини назорат қилиш, ҳаракат режимини ташкил этиш кўникмаларини шакллантиришга ўргатиш.

Инсон ўз саломатлигининг тўлақонли ижодкоридир, унинг учун ёшликдан фаол турмуш тарзини олиб бориш, чиниқиш, жисмоний тарбия ва спорт билан шуғулланиш, соғлом турмуш тарзи талабларига амал қилиш орқали тўлиқ эришиш мумкин.

Жамиятимизда ҳозирча соғлом турмуш тарзи инсоннинг эҳтиёж ва қадри иерархиясида биринчи ўринни эгаллагани йўқ. Лекин агар биз боламизни ҳали гўдаклик чоғиданоқ саломатликни асраш, қадрлаш ва мустаҳкамлашга ўргатмас эканмиз, ўзимиз уларга ўрнак намунаси бўлолмас эканмиз, бирор натижага эришишимиз қийин. Уларга намойишкорона ўрнак бўлгандагина келажак авлод нафақат интеллектуал салоҳият жиҳатдан балки, маънавий ва жисмоний жиҳатдан ҳам ривожланган шахс бўлиб камолга етишади.