Научная статья : Инновационные методы на уроках технической механики на узбекском языке

“Texnikaviy mexanika” darslarida innovatsion usullardan foydalanish

Инновационные методы на уроках технической механики.

Урунова Нозима Касимовна

Бухарский колледж нефти и газа, Узбекистан

Modellashtirsh usuli – o’qituvchi bayon qilayotgan hodisa va voqealarni o’quvchi parallel holatda idrok etib, o’z daftarida chizayotgan model orqadi yangi mavzuni mustahkamlaydi. Masalan, «Ichki yonuv dvigateli. Bug’ turbinasi» mavzusini misol qilib ko’rsatish mumkin. Bu mavzuni o’tishdan oldin o’qituvchi ichki yonuv dvigateli modelini guruhga olib kiradi va tushuntiradi.

Quyidagi savollar dvigatel modeliga qarab tushuntiriladi:

1. Qanday dvigatel ichki yonuv dvigateli deyiladi?

Yonilg’i to’g’ridan-to’g’ri dvigatelning ichida, uning silindrida yonayotgani uchun ichki yonuv dvigateli deyiladi.

2. Ichki yonuv dvigateli qanday asosiy qismlardan iborat bo’ladi?

Dvigatel stilindrdan iborat bo’lib, uning ichida porshen yuradi, porshen tirsakli valga shatun yordamida biriktirilgan. Valning tekis aylanishi uchun valga salmoqli g’ildirak (maxovik) o’rnatilgan. Stilindirning yuqorigi qismida ikkita klapan bo’lib, ular dvigatel ishlab turgan vaqtda kerakli vaqtda avtomatik ravishda ochilib, yopilib turadi. Yonuvchi aralashma stidlindrga birinchi klapan orqali kirib, svecha yordamida alanga oladi. Yongandan hosil bo’lgan gazlar ikkinchi klapan orqali chiqarib yuboriladi. Bularning hammasi model orqali ko’rsatib boriladi. Shunday qilib, dvigatelning asosiy qismlari: stilindr, porshen, tirsakli shatun, val, salmoqli g’ildirak, klapanlar, svechalar.

Bug’ turbinasining modeli ham shu asosda modelga qarab tushuntiriladi, ya’ni oldin savollar beriladi. So’ng shu savollar asosida javob berib boriladi. Savollar quyidagilardan iborat:

1. Bug’ turbinalari deb qanday issiqlik dvigateliga aytiladi?

Bug’ yoki yuqori haroratgacha qizdirilgan gaz dvigatelning valini porshen, shatun va tirsakli val yordamisiz aylantiradigan dvigatellar turbinalar deyiladi.

2. Eng sodda bug’ turbinasining asosiy ishlash qismlari nimalardan iborat?

Valga disk o’rnatilgan bo’lib, uning to’g’iniga kuraklar mahkamlangan. Kuraklar yaqiniga kengayib boradigan trubalar-soplolar joylashtirilgan. Demak, sodda bug’ turbinalarning asosiy qismlari: val, disk, kuraklar va soplolardir.

3. Bug’ turbinasi qanday ishlaydi?

Soplolarga qozondan bug’ keladi. Soplolardan otilib chiqayotgan bug’ oqimi kuraklarga ancha katta bosim beradi va turbinaning diskini tez aylantirib beradi.

4. Bug’ turbinalari qayerlarda ishlatiladi?

Ular issiqlik elektr stansiyalarida va kemalarda hamda teplovozlarda ishlatiladi.

5. Bug’ o’rnida boshqa mahsulot ishlatish mumkinmi?

Ha, bug’ o’rnida gazning yonish mahsulotidan foydalaniladigan gaz turbinalari asta-sekin tobora keng ko’lamda qo’llanilmoqda.

Bu usul o’quvchilarda o’zlashtirishning shaxsiy qiziqishlari, qobiliyati, moyilligi borligini hisobga olib, usullarning rang-barang turlarini o’quv jarayoniga kiritish, o’quvchilarda ijod kurtaklari nish urayotganini aytib rag’batlantirib turish lozim. Bu usulning shu tariqa rang-barangligi, o’z kuchlarini har tomonlama sinab ko’rishga har bir o’quvchining shaxsiy qobiliyatini kamol toptirish uchun sharoitlar bilan ta’minlash, ular uchun o’quv jarayoning yana ham qiziqarliroq bo’lishi uchun imkon qidirishi lozim bo’ladi.

Namoyish qilish (Demonstratsiya) usuli. Demonstratsiya – lotincha so’z bo’lib, ko’rsataman, isbotlayman degan ma’nolarni bildiradi.

Bu usul o’kuvchilarni bilimga qiziqtirishni so’ndirib, o’qishda charchatib, zada qilib qo’ymaslik uchun o’quv mavzularini tajriba qilib ko’rsatish va fizik asboblar bilan tanishtirish juda yaxshi natija beradi. O’quvchilar o’quv jarayonida zaruriy bilim, ko’nikma va malakaga ega bo’lmay turib biron bir tajriba mazmunini tushuntirib bera olmaydi. Shuning uchun o’qituvchi har bir sinfdagi mavzuni iloji boricha qiziqarli qilib tajriba o’tkazishi zarur. Masalan, suvli to’pponcha yordamida suvning harakat trayektoriyasini, to’g’ri chiziqli harakatni, dinamometr yordamida kuchni o’lchash, Arximed qonuni Arximed chelagi yordamida, atmosfera bosimini aneroid-barometr bilan, atmosfera bosimi borligini tasdiqlovchi dalillar, suyuqlikning sirt taranglik hodisasini kuzatish, yorug’likning prizma yordamida tarkibiy qismlarga ajralish hodisasi, magnit maydoniningg tokka ta’sirini kuzatish va boshqa namoyishlarni kuzatishlari, o’quvchilarning laboratoriya ishlarini bajarishlariga yordam beradi.

Bu usul o’quvchilarda kuzatuvchanlikni rivojlantiradi.

Kichik guruhlarda ishlash. O’qituvchi mehnatining murakkabligi har bir o’quvchi ko’ngliga yo’l topishda, har bir shaxsdagi yoki guruhdagi imkoniyatlarning rivojlanishiga sharoit yarata bilishdir. Eng muhimi, o’quvchining o’zini shaxs deb tushunishiga o’qituvchi yordam berishi zarur, o’zligini, hayotini, dunyoni idrok etishga ehtiyoj uyg’otishi darkor: unda insoniy g’urur tuyg’usini va uning tarkibiy qismi –o’z hati-harakatlari uchun o’zi, do’stlari, litsey, jamiyat oldida ma’suliyat hissini tarbiyalash kerak. O’quvchilar bilim olish yo’lidagi mashaqqatli mehnatida muvaffaqiyat qozonishi uchun o’qituvchi har bir o’quvchining imkoniyatlariga ishonishi zarur. Bu yo’ldagi muvaffaqiyatlar o’qituvchining qat’iyatiga, toqatiga, o’z vaqtida yordamga kela bilishiga bog’liq. O’quvchilarni 4 ta guruhga bo’lib olish kerak. Keyin ularga nom berish kerak. Masalan, atom, molekula, kuch, ish yoki boshqacha nomlanadi. O’tiladiga mavzudagi muhim so’zlar bilan nomlansa, juda ham maqsadga muvofiq bo’lar edi.

O’qituvchi o’quvchilarga quyidagi masalani berib, har bir guruhning xulosasini eshitadi.

Massasi 2 tonna bo’lgan samolyot 400 m balandlikda 50 m/s tezlik bilan uchayotgan edi. Samolyot dvigateli o’chirilgan holda shu balandlikdan pasaya boradi va qo’nayotganda uning tezligi 30 m/s bo’ladi. Dvigatel ishlatilmagan tarzda samolyot uchishiga havo qarshilik kuchining bajargan ishi topilsin.

Berilganlar: m = 2 t = 2000 kg,

υ₁ = 50 m/s, υ ₂ = 30 m/s, h = 400 m, A = ?

Yechilishi: a) samolyotning keyingi (ikkinchi) vaziyatdagi potensial enegiyasini nolga teng deb hisoblasak, birinchi vaziyatdagi (h balandlikdagi) potensial energiyasi mgh bo’ladi. Shuning uchun samolyotning birinchi va ikkinchi vaziyatlardagi mexanik energiyalarini quyidagicha ifodalash mumkin:

va

b) samalyotning birinchi vaziyatidan ikkinchi vaziyatiga o’tishda unga og’irlik kuchidan tashqari havoning qarshilik kuchi ham ta’sir qiladi. Bu kuchning bajargan ishi to’la mexanik energiyaning o’zgarishiga teng, ya’ni

A = E₂ – E₁ =

c) formulalarga qo’yib hisoblashlarni olib boramiz.

A = 2^.10³ kg^. (30 m/s)²/2 – (50 m/s)²/2 – 9,8 m/s^2. 400 m ) = - 8,6^.10⁶ J.

Javob: Qarshilik kuchi –8,6 MJ ish bajaradi. Bundagi minus(-) harakatga qarshilik ko’rsatadigan kuchlarning ishi manfiy ekanligini ko’rsatadi.

Bundan ko’rinadiki, bu usul guruhni g’oyalar beradigan o’quvchilar va ularni ishlab chiqadigan o’quvchilarga bo’lish kabi qoidalarni o’zida mujassam etadi. Shu bilan bir qatorda guruhlarni o’zaro faol harakat qilishga undaydi. O’qituvchi dars ijodkori, demek, u o’z yo’lini izlashi kerak. O’qituvchi guruhdagi o’quvchilarga nimani nimaga qiyoslashni o’rgatishi zarur. Har qanday hodisani shunday o’rgatish kerakki, o’quvchilar chin ko’ngildan, ya’ni mustahil xulosalarga, qiyoslarga o’rgansin.