Кийимларни конструктив моделлашнинг умумий принцплари

Кийимларни конструктив моделлашнинг умумий принцплари

Ғиждувон маиший хизмат касб – ҳунар коллежи

махсус фан ўқитувчиси Н.Исомова

Кийим конструкциясини мукаммалаштириш даражасининг тахлили кўп йиллар давомида кийим лойихалаш структураси деярли ўзгармаганлигидан дарак беради. Лойихалаш ишлари асосан моделлаштириш ва конструкциялаш ишларидан иборат бўлган. Бу тизимнинг ижобий таъсири замонавий лойихалашда конструктор ва санъаткор-либос дизайнерларнинг ижодини бирлаштира ололмади.Натижада қатор салбий хулоса юз берди ва лойихалаш муддатлари ошаверди. Масалан, тайёр кийимда тўқимачилар, пардозловчилар, материалшунослар ва либос дизайнер-конструкторларнинг ҳамкорлиги етарли даражада сезилмади.

Ривожланган саноат тармоқларига оид лойихалаш тизимининг тажрибаси шуни кўрсатадики, янги буюмлар лойихалашда қатнашадиган барча ишлар турлари бир-бири билан боғланган. Бир системага бирлашган холда мукаммал хужжатлар мажмуини шакллантира олади.

Лойихалаш-конструкторлик ишларининг типовий тузилишини белгилаб берадиган система сифатида конструкторлик хужжатларнинг ягона системаси ( ЕСКД) яратилди. Мазкур система беш босқичдан иборат: 1. -техник топшириқ; 2-техник таклиф; 3-эскиз лойиха; 4-техник лойиха; 5-ишчи хужжатлар.

Кийимлар конструкцияси автоматлаштирилган тизимда ЭҲМ да лойиҳаланса, келтирилган системанинг самарадорлиги ошади. Лойихалаш жараёнида тадқиқот ишлари ҳам ўтказилиши мумкин.

Оммавий тарзда маҳсулот тайёрлашда унинг нархи, материаллар тежамкорлиги ва ишлаб чиқариш ишларини режали ташкил қилишда моделлаштириш усуллари қўлланиши катта ахамият касб этади. "Модел" сўзи лотинча намуна, меъёр маъносини англатади. Лекин кийимлар конструкциялашда дизайнернинг ўз ғояларини амалга оширган кийимидан биринчи намунаси модел дейилади. Моделлаштириш атамаси эса инсоннинг ташқи ва ички дунёси, материаллар хусусиятлари, атрофдаги мухит шароитлари эътиборга олинган ҳолда, янги модел яратишнинг ижодий жараёнини англатади. Моделлаштиришда тикув буюмларнинг шакли ва силуэти, бичими, шакллантириш усули, элементлар композицияси ва рангларга оид ечимлар ўзгариши мумкин. Тайёр базавий модел ёки унинг эскизи бўйича кийимнинг силуэтли конструктив асоси ёрдамида янги модел чизмасини ва намунасини тайёрлаш жараёни техник моделлаш дейилади.

Янги модел конструкциясини тайёрлаш жараёни қуйидаги босқичлардан иборат:

-моделни ўрганиш ва унинг тахлили; моделга мос силуэтли базавий асос танлаш;

-танланган асосни аниқлаш ёки ўзгартириб унга, унга янги моделга хос хусусиятлар киритиш;

-ўхшаш модел бўлмаган ҳолда, янги силуэтли асос ишлаб чиқариш;

-янги модел конструкциясини текшириш;

Базавий конструкцияни ўзгартиришга қараб тўрт хил техник моделлаш йўллари фарқланади.

1. Янги модел ишланганда дастлабки конструктив асоснинг силуэти ўзгаришсиз қолади. Айни холда борт қайтармасининг шакли, ёқалари, тугма ва измаларнинг жойланишива сони чўнтаклар ва бошқа майда деталларнинг шакли ва жойланиши ўзгартирилади. Аёллар кийимида эса, кўкрак виточкаси белгиланган йўналишда кўчирилади. Бу вариант кўпроқ амалий ишларда қўлланилиди.

2. Конструктив асоснинг силуэти янги модел бўйича пропорциялари ва кўкрак, бел, ҳамда бўкса чизиқлари тўкислик даражасини ўзгартиради, этак тамонга кенгайтириб ёки торайтириб боради. Ўзгартириш миқдори тахминий аниқланади. Бу усул ўхшаш моделлар конструкцияси йўқлиги пайтида, янги мода йўналишига мос бўлган кийим намунасини ишлашда қўлланади.

3. Ўтқазма енгли базавий конструкциядан махсус мураккаб ўзгартиришлар орқали реглан, яхлит бичилган ёки комбинациялаштирилган бошқа бичимли конструкцияларни олиш.

4. Кийимларнинг бошқа хилдаги янги моделини ишланади.

Бу усул камдан кам ишлатилади. Янги модел конструкцияси намуна тайёрлаш орқали аниқланади.