kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Bolaga kitib bering

Нажмите, чтобы узнать подробности

Ushbu ishda bolalarni kitob o'qishga o'rgatish kitob bolalar uchun qanchalik foydali ekanligi aytilgan

Просмотр содержимого документа
«Bolaga kitib bering»

Bolaga kitob bering” tadbir ssenariysi


Sahnaga ota va o`g`il chiqib keladi.

Bola osmonga termulib :

  • Dadajon, menga ham qushlarnikiday qanot olib bering. Men ham osmonlarga parvoz qilishni xohlayman.

Dada :

  • Xo`p o`g`lim, ertaga albatta olib kelaman.

Ertasi kun bola otasining yo`lini poylab turibdi. Otasi ishdan qaytadi.

Bola:

-Dadajon, menga qanot olib keldingizmi? Xuddi qushlarnikidaymi? U bilan eng yuqoriga ham chiqa olamanmi?

Dada:

  • O`g`lim, men senga kitob olib keldim. U kelajakda sen uchun eng yaqin hamroh, yuksak marralarni ko`zlashdagi qanoting bo`ladi. Mana sen aytgan qanot.

(”Assalom” qo`shig`i sadolari ostida boshlovchilar sahnaga chiqib keladi.)

1-boshlovchi: ”Kitob- beminnat ustoz . Har daqiqa u bizni donishmandlarning bilim xazinasi bilan oshno eta oladi” degan edi g`azal mulkining sultoni Mir Alisher Navoiy. Assalomu alaykum aziz mehmonlar, muhtaram ustozlar, bilimga chanqoq tengdoshlar!

2- boshlovchi: Qulluq qil demasman, yurt tuprog`in o`p,

Unga qullar emas, fidolar kerak.

Uning sen-u mendek shoirlari ko`p,

Buyuk elga endi daholar kerak.

Assalomu alaykum xayrli ishlar uchun kamarbasta azizlar! Barchangizga ta`lim muassasamizga xush kelibsiz deymiz!

1- boshlovchi: Bugungi ”Bolaga qanot bering” adabiy kechamiz siz aziz mehmonlar uchun armug`on bo`lsin.

2- boshlovchi: Olamshumul sado bo`lib yangrading,

To`marisning metin qalqonlaridan.

Men esa nomingni topmoq istadim

Navoiy , Boburning devonlaridan.

( Mumtoz adabiyot namunalaridan o`qiladi)

1-boshlovchi: “O`zbekday xalq yana qayda bor. Hatto yig`isini ham qo`shiq qilib aytadi” degan edi o`zbekning erka shoiri Muhammad Yusuf. Go`zal shohbaytlarimiz asrlar osha bizgacha qo`shiqlar qanotida yetib kelgan bo`lsa ne ajab. ( Sh. Xolibekov ijrosida “ Lola ” qo`shig`i)

2- boshlovchi: Oybek ta`biri bilan aytganda “Kitob va mutolaa sizni qudratli ijod bulog`iga boshlaydi. Sizni ko`pdan ko`p yangi bosqichlarga ko`taradi”. Hazrat Navoiy bolaligidayoq yirik majoziy asar bo`lgan “Mantiq ut-tayr” asarini yod olganliklari barchaga ma’lum. Ham shaxs sifatida , ham shoir sifatida millatimiz iftixori bo`lgan bu zotga qancha hurmat ko`rsatsak kam.

Marjonaxon “ O`zbek Navoiyni o`qimay qo`ysa” (Erkin Vohidov she’ri)

( Navoiy va Guli suhbati)

“Bo`ldim sango” qo`shig`i ( O. Xolibekov ijrosida)

1- boshlovchi: Abdulla Qodiriy “Yozganlaring o`zingni yig`latmasa, kuldirmasa, o`zgani ham yig`latmas, kuldirmas” deb yozgan edi. Qodiriyni o`qib yig`lamagan kitobxon kitob o`qidim demasin.

( Zaynab nolasi)

1-boshlovchi: Inson- buyuk xilqat. Uning tarbiyasi oila deb atalmish muqaddas dargohdan boshlanadi. Bugun farzand tarbiyasiga mas’ul ota- ona nima bilan mashg`ul? Oilaviy kutubxonalarimiz bugun qay darajada?

Bir yonda biz topib ulgurmay

Ming- minglab savolga javoblar.

Hatto biz varaqlab ham ko`rmay

Javonda yonmoqda kitoblar.

Abbosbek: To`g`ri, besh qo`l baravar emas, lekin bizning oilaviy kutubxonamizda 200ga yaqin badiiy kitoblar bor. Har kuni kechqurun kitob o`qish -bizning oilaviy an’anamiz. Qolaversa, bizning maktab kutubxonamiz ham tumandagi eng ko`p kitob bazasiga ega kutubxona sanaladi. Biz, o`quvchilar, u yerga kirsak, qaytib chiqib ketgimiz kelmay qoladi.

Sherzod: Aziz mehmonlar, yaqinda o`z yakuniga yetgan ona tili va adabiyot fani oyligida bir xayrli loyiha amalga oshirildi. Unda “Eng kitobxon o`quvchilar ligasi” futbol musobaqasi o`tkazildi. Musobaqa bahonasida biz o`g`il bolalar ham o`zimizda kitobxonlikni shakllantirdik. Eng faxrlanarlisi shundaki, bu chempionatda bizning 8-“a” sinfning kitobxon o`g`il bolalari maktabning mutlaq g`olibi bo`lib, kubokni qo`lga kiritdi. O`tgan yillardan buyon bizning sinf ketma- ket uch marta kubok sohibi bo`ldi, lekin bu safargi g`alaba biz uchun juda qadrli. Chunki unda biz ham kitob bilan oshno bo`ldik, ham g`alaba qozondik.

(O`qituvchi bilan suhbat)

1-boshlovchi: Aziz kitobxon yigitlar, ushbu raqs sizlar uchun.

( Raqs)

2- boshlovchi: “ Eng go`zal she’r Vatan haqidagi she’r ” deydi xalqimiz.

Fan oyligi doirasida biz “ Men nechun sevaman O`zbekistonni?!” mushoirasida ishtirok etdik. Vatan haqida eng beqiyos tashbehlar, chizgilarni qidirib, kitob olamiga yana bir bor oshno bo`ldik. Boshqacha aytganda, biz kitob o`qib vatanni sevishni o`rgandik. Shu mushoiradan bir guldasta sizga ham ilindik.

1-boshlovchi: Darvoqe, bu tanlovda Irodaxon Tolibjonova g`olib bo`ldi.

(She’rlar)

2-boshlovchi: Shukrona Odilova – maktabimizning eng bilimdon o`quvchilaridan. U she’r o`qishga, uni kuyga uyg`unlashtirishga juda qiziqadi. Bu o`quvchimiz iuylda Sochida bo`lib o`tgan _______________ tanlovida faxrli 1- o`rinni egalladi. Shukrona nafaqat maktabimiz, balki butun respublikamiz faxriga aylanib ulgurgan. Marhamat , tinglaymiz, Xaziniy g`azali bilan ” Aylagach” qo`shig`i.

1-boshlovchi: O`zbekiston Qahramoni O. Sharafiddinovning so`nggi vasiyatlari shunday bo`lgan edi:”Farzandlarim, kitoblarimni ehtiyot qiling. Ular mening boyligim”. Biz, yoshlar, bugun siz kattalardan ko`p narsa so`ramaymiz. Qimmatbaho kiyim emas, yangi rusumdagi telefon yoki mashina emas, bizga kitob bering.

2- boshlovchi: Har kuni ishdan qaytishingizni intizorlik bilan kutayotgan farzandingiz uchun nur, ziyo hadya qiling: bizga kitob bering.

3- o`quvchi: Agar biz kitob o`qisak, qo`limizdan hech qachon yomonlik kelmaydi.

4- o`quvchi: Kitob o`qilgan yurtda osoyishtalik, tinchlik bo`ladi.

5- o`quvchi: Dunyoga teran nigoh bilan qarang: o`zini ISHIDchilar, Hizbutchilar deb atayotgan buzg`unchilar umrida bitta kitob o`qiganmikan?

6- o`quvchi: O`sha xunrezliklar sababchilari muhabbat haqida she’r qoralab, yaqin do`stiga ko`rsatganmikan?

7- o`quvchi: O`sha vatanfurushlarga yoshligida ota- onasi bitta bo`lsa ham kitob sovg`a qilganmikan?

8- o`quvchi: ”Dunyoning ishlari” qissasini o`qib, ta`sirlanib, chin dildan bir marta bo`lsa ham onasini bag`riga bosganmikan?

9- o`quvchi: Abdulla Oripov ” Kitob o`qiyotgan odamning yuzida farishtasi bo`ladi” deb yozgan edilar. Farzandim farishta yuzli bo`lsin , go`zal xulq va amali bilan yurtimiz koriga kamarbasta bo`lsin desangiz, bizga kitob bering. (qo`shiq sadolari ostida )

10- o`quvchi: Yuzga bering farishta,

Uyg`oq dil- xitob bering.

Sardor bo`lsin har ishda,

Bolaga kitob bering.

11-o`quvchi: Temuriylar avlodi

Ulug`bekning zurriyoti,

Navoiy asli zoti,

Bolaga kitob bering.

12- o`quvchi: Har ishning boshi- kitob,

Ko`ngillarga nur, oftob,

Yosh avloddan shu xitob-

Bizlarga kitob bering,

Bolaga kitob bering.

1- boshlovchi: Shu bilan bugungi “ Bolaga kitob bering” adabiy kechamiz o`z nihoyasiga yetdi. Azizlar, barchamizning yuzimiz, ko`nglimiz va uyimizni farishtamiz hech qachon tark etmasin.

Yana bir bor xush kelibsizlar deb qolamiz.



Получите в подарок сайт учителя

Предмет: Прочее

Категория: Прочее

Целевая аудитория: Прочее.
Урок соответствует ФГОС

Скачать
Bolaga kitib bering

Автор: Ergasheva Bahora Rinat qizi

Дата: 04.04.2020

Номер свидетельства: 545393

Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства