Презентация к уроку эрзянского языка "Эпос "Масторава"

«МАСТОРАВА» ЭПОСОСЬ. ЭРЗЯ – МОКШОНЬ

ПАЗТНЭ – ФОЛЬКЛОРОНЬ ГЕРОЙТНЕ

Эпос «Масторава».

Мордовские божества – герои фольклора.

Васенце урокось

Масторава - модань паз-ава, кона мелявты раськенть паро эрямодонзо, тейтерьаватнень шумбрачидест, сыненст эйдень мак­сомадо, паксятнень малавикс норовдост, ракшатнень раштамо­дост. Сон аравтови кезэрень рузонь Мокош, грекень Деметранть ды индоевропейской модань Ма паз-аватнень ваксс.

Кезэрень шкань эрзятне ды мокшотне ловсть эйсэнзэ паз­авакс, весементь лангсо азоравакс, кона модантень ды ланг­сонзо эриентень максы норов, лади масторлангсо сэтьмечинть.

Вирьава - эрзянь ды мокшонь паз-ава, вирень азорава, ломантненень тевсэ лездыця. Те пазонь образось чачсь кезэрень ломаненть пелеманзо кувалма: ломанесь пельсь кадовомс вирьс, ёмавтомс кинзэ, вастомс идем ракшат. Виресь марявсь ломанентень зыянонь кандыця виекс. Лия ёндо, виресь трясьандсь, лездась весенень кудонь теемстэ, макссь пенгть, идем медь, ленге ды лия эрьва кодат касовкст.

Вирьава

Ашти вирь куншкасо ава, Лемезэ сонзэ Вирьава. Сурсемесэ судри прянзо,

Черь потс ваясть оршамканзо.

Чикорды кичкере пейсэ,

Сон вансты вирензэ эйсэ. Соды тосонь эрийтнеде:

Нармунтнеде, ракшатнеде.

Сонзэ эйстэ ёвкссо ёвтнить, Пелезь эйстэдензэ кортнить. Стяко пелить аванть эйстэ:

Лезды весенень куш мейсэ.

И. Ломшин

«Масторава» эпосось

«Масторава» эрзянь ды мокшонь эпосонь пурныцятне ды теицятне - Г.Я. Меркушкин, В.В. Горбунов, А.Д. Шуляев ды А.М. Шаронов. Те эпосонть лангсо важодсть 30 (колоньгеменде) ламо иеть.

« Масторавась » - алкуксонь казне аволь ансяк эрзятнень ды мокшотнень туртов, сон сюпалгавтызе весе мирэнь-масторонь литературанть, культуранть. Сонзэ юрс путозь кезэрень мифть, эпической морот, ёвтамот ды ёвкст. Эйсэнзэ ёвтневи эрзянь ды мокшонь раськетнень тёжат иеде икеле шкань эрямодост, культурадост, эрямонь койдест, невтеви сынст ёжомарямост, ойме виест, мазычист .

« Мастораванть » покш питнечизэ сы шкань эрзятнень кастомасо. Те художественной произведениятнень истямо пурнавкс, конатнесэ домкасто ды видестэ невтеви кезэрень эрзятнень масторост лангсо эрямось. А стяко кортыть: а ули раськенть вандынь чизэ, бути арась сонзэ ютазь шказо.

• Мезть путозь эпосонть юрс?

Омбоце урокось

МОРДОВСКИЕ БОГИ

Пурьгинепаз - пурьгинень ды сонзэ марто пертьпелькссэ юлмавозь полавкстнэнь - даволтнэнь, цярахмантнэнь, сэтьме пиземетнень - лангсо азор. Пурьгuнепаз валось тееви кавто валтнэнь эйстэ - пурьгине ды паз.

Нишкепаз / Инешкепаз (Верепаз) - эрзятнень ды мок­потнень кезэрень шкань пазост . Устной народной творче­:твасо ванстовсь Нишкепаздонть чарькодемась. Инешкепазось эрзя-мокшонь пазтнэнь прявтост. Сон раськень теиця ды тонавтыця, мирэнь триця ды кирдиця, сонзэ коензэ ванстыця. Нишкепазонть чачозо ломанень, ансяк сон эсь меензэ коряс теевкшни букакс, нумолокс, нармунекс. Лиясто алгони мода лангс ды наказы пежетень теицятнень. Нишкепазонть эрзятне вечкилизь. Сонзэ лемс тейнесть озкст ды кандтнесть каявкст. .

Ведьава - ведень азорава, паз-ава. Сыремтсь ломантнесэ пелемань ёжо. Сынь кемсть: Ведьавась аволь ансяк ваявтни, сон кучни эрьва кодат ормат, секс бажасть васькавтнеманзо, кандтнеме тензэ каявкст. Эрзятне ловсть: Ведьаванть эйстэ aшти эйкакшонь чачомаськак. Теке шкане чарькодсть: ведтеме кодамояк эрямо арась. Ведесь симди паксятнень, лугатнень, виртнень, максы тенст вийть. Лейтне ды эрькетне - те калт, вачо пекень а содамо. Секскак Ведьавань образось сюлмавозь вадря ёнкс мартояк.

Норовава (Паксява) - те Инеава (великая женщина). Эрзятне сонзэ лемдить касыця сюронь, тикшень, умарень, кстыень, пештень паз-авакс.

Эряви арсемс, те пазось Модаванть эйстэ явовсь модань тейнема койтнень кемекставомадо мейле. Неень шкань эрзянь кельсэнть норов валось паксясо сюро - урожай, паксянь не­втемс а ёвтавкшны. Сон полавтовсь пакся валсонть (варштынк: маринь кельсэ нур - пакся, Нурава - паксянь паз).

Эрьва веленть ульнесь эсензэ Паксявазо. Сонзэ эрямо таркакс лововсь межась. Нуицятне тердильть эйсэнзэ мартост ярсамо, вешсть кедьстэнзэ лезкс сюронь урядамсто эли паксянь кочкамсто, а керявомс нуемстэ:

… Паксянь ава, паксянь кирди,

Сак мартонок ярсамо,

Ярсамодо мейле лездамо.

Иляст сэреде кеденек,

Иляст сэреде кутьмеренек.

Ломантне пельсть Паксявадонть, арсесть: сон коласы норовонть, кадсынзе кшивтеме. Паксясо важодемстэ кизэнь пси чистэ эрсекшнесть ёжовтомо пракшномат. Ломантне эзть сода, те - псинть эйстэ. Сынь ловсть тень Паксяванть пельде кежень нолдамокс: мейсэ-бути эзь савтово тензэ. Паксянть велькссэ тунда моры пазонь нармунь - норовжорч.

Найдите в тексте названия растений,

запомните их.

Масторавань утомтнестэ

Вирьга-лаймева касыть пек ламо лезэв тикшеть. Ансяк эряви содамс, кодамо ормадо эрьвась, зярдо сынст эрявить пурнамс ды кода костямс.

Тумонь сэрятнень (начтозь) тевс нолдыть пекеормадо, лакавтозь тумонь керь ведьсэ ёрвалить кирьгапаренть ды пейсывельтнень, зярдо эйстэст тукшны верь.

Овтоумартне пек питнейть тунда, зярдо а сатныть витаминтнэ. Пурныть ды костить сынст кизна, кода вадрясто кенерить.

Пек ламо С витаминдэнть раужо шукшторовсо. Куколокшонь лопатне ды цецятне пек питнейть медицинанть туртов: сынст эйстэ теить вадря ормаменькст седеень сэредемадо.

Пиципалакс ведесь вадрялгавты веренть, пурьгинепалаксось

парсте оймавты, удовты ломаненть.

• Кодат лезэв тикшеть тынь содатадо?
• Мезде лездыть тумонь сэрятне?
• Кодамо лезэзэ тумонь керенть?

• Кодат питнечист куколокшонь лопатнень ды цецятнень?

лайме – пойма овтоумарь – шиповник

пейсывель – десна васькавтнемс – баловать

кирьгапарь – горло керь – кора

тумонь сэря – жёлудь куколокшо – ландыш

Сюкпря!