Конспект урока эрзянского языка "Спортось- шумбрачинтень юр".

Спортось – шумбрачинтень юр Спорт – залог здоровья

Омбоце урокось

Словарные слова :

• Элякалемс – шалить

Кежейгадомс – разозлиться

Абунгадомс – удивиться

1.Опираясь на текст, прокомментируйте хоккейный или футбольный матч. Ответьте на вопросы.

Изнямонь тансть.

Омбоце периодось прядомо лангсо. Тевенек берянть : колмо шайбат тенек чавсть азортнэ – Усад велень цёракайтне, минь тенст- вейкеяк.

Усадонь тейтернетне кецязь сеерить :

– Кобалень «чемпионат»! Мезе, а сатыть виенк миенектнень каршо?

Эх, ков уш эцнетядо : валаня таркасояк пупорькшнетядо!

Меленек седеяк колавсь. Ансяк мезе ёвтат каршост, бути алкускак лепштить эйсэнк усадонсетне…

Вана прядовс омбоце периодоськак. Пурнавинек ве таркас, эйстэнек пар моли. Оймсетяно ды веёдно нетяно : тейтернетне пуромсть эсест-

нэнь перька, пейдить ды сурсо невтнить минек лангс. А вечкеви ми-

ненек, вай, кода а вечкеви!

Тень неезь, Алексей Николаевич, тренерэнек, кувкасто таргизе оймензэ ды мерсь :

– Шкадо икеле кецнить…

Ансяк ялатеке валонзо оймеменьксэкс эзть ара : нусмакадынек,

аштетяно, теке чумонок покштояк покш.

– Лиякс эряви, - сон варштась Агай Валеркань ёнов. – Куншкав а а ютават, эряви чирева …

– Зяроксть снартнинь, ким пирясызь – а тей а тов, - пря иди ялгам.

• Тейть, кода меринь! – керинзе валонзо Алексей Николаевич.
• Ушодовсь меельце периодось. Шайбась Серьгань Колянь кедьсэ.
• Вана сон максызе Киряень Славикнень. Тонань тулкадизь – шайбась кадовсь Валерканень. Сон вейке усадонценть манизе, омбоценть… Колмоцесь аволдась цётмарсонзо, ды Валерканок кадовсь шайбавтомо.
• Потатано. Раужо калгодо киринесь вешкезь ливтивелькскам. Седеем зуйк тейсь: таго гол?!
• Штанга! Уф-ф… Славик таго ёртызе мельгам шайбанть.
• -Чирева, чирева мольть! – маряса тренерэнть вайгелензэ.
• -Монсь содан, - моткодян.
• Кирякстань. Ортатне яла малавгадыть. Икелем кавто сэрей цёрабайть. «Неть а манявить, нельгсызь…» - кивчкадсь прявам.
• Апак вано ёртыя шайбанть удалов, монсь тошказевинь: «Ансяк минектнестэ кияк тосо улевель…»
• Марявсь, кода мезе вий цярадись шайбанть – ортатнесэ сеткась лыказевсь. Гол! Те Валеркань тевесь, секс кургозо пиледе пилес. Тейтернетне аламодо сэтьмелгадсть. Азортнэ жо пряст ветясть икеле ладсо. Ней сынь седе сеедестэ кармасть ёртнеме васолдо, ансяк ортасонок ашти Полякань Сашок, сон теть васолдо а нолдасы.
• Шайбась таго минек кедьсэ, ней эйсэнзэ пани Серьгин. Тулкадизе монень. Чиян мартонзо – сельметнень копачи ливезь. Икелев!Икелев!

Удалом – стака лексема, каршом – ортань ванстысь. Стамбар теке виздезь, шайбаськевериорта палмантнень юткова…Окойники тосо. Эстенгак а кемеви – чавинь гол!

Налксемс кадовсь сисем минутат. Усадонь цёракайтне ваныть лангозонок, секень вант, прянок почакавтсызь. Ансяк минь пря а макстано. Кирянь Славик кувать апак арсе кодак зэрневтизе шайбанть – тона нармунькс ливтясь ортатнес. О-о-о! вана косо кецямось: 3:3! Ней минь вансынек, кие кинь икельдясы!

Окойники, Серьгинь Коля кучкордызе шайбанть Иванкань Шуранень. Шура манинзе Усадонь цёракайтнень ды мазыйстэ сов-

автызе шайбанть ортатнес.

Усадонцетнень тренерэст чамазо кежейгадсь. Пертыпельксэсь абунгадсь – каштмоли. Минек ёно – инечи!

Налксемань шкась прядовсь. Нусмакадозь аштить тейтернетне, сетне, кить покордасть эйсэнек. Ней сынь ваныть лангозонк истя, кода изниця лангозонок истя, кода изниця лангс…

А. Араповонь коряс

Вопросы:

Мекс васня тейтернетне ульнесть весёлат?

А мекс налксеманть прядомадо мейле нолдызь пряст?

2. Ответьте на вопросы.

Косо ютась 2014 иень Телень олимпиадась?

Кодат спортонь видт невтезельть?

Зяро масторт – пелькстыцят ульнесть Телень олимпиадасо?

Кинь кисэ тон сэредить?

Кодамо масторось лиссь изницякс?

Кие омбо масторонь ды россиянь спортсменттнэнь эйстэ тусь мелезэть?

Кие спортсменттнэнь эйстэ пелькстась Мордовия Республиканть пельде?

Зяро сырнень, сиянь ды бронзань казнеть сайсть минек спортсменттнэ?

Кода лемезэ те налксеманть?