Барахъты Гино «Зӕлимхан»

Барахъты Гино «З ӕ лим-хан»

Æрæфтауц кæнын – æфтауц, æфтауцуат – хæхбæсты сугдон кæнæ хосдон.

Цинк – æрвхуыз урсхæццæ æфсæйнаг

Сæфтæг - копыто

• Х æдзардзин адæймагыл нымад уыди Бимбол æгас сыхы æхсæн. Йæ куыст никуы ныууагъта йæ афонæй фæстæдæрмæ. Куысты рагъыл та уыди тынг сæрæн æмæ хъæлдзæг. Куыствæлладæй дæр фæсивæдæй уый хуызæн рог чи ракафыдаид, чи ныззарыдаид! Уæд йæ хъæлдзæгдзинад та афтæ уыдис, æмæ адæм бæллыдысты йемæ балцы ацæуынмæ.

• Фæлæ ноджы хъæлдзæгдæр та фæстаг заман фæци. Грознайы иу байраг балхæдта, æмæ йын тынг хорз рауадис кусынæн. Бимболы цинæн æппын нæ уыди кæрон. Ноджы йæ бæхыл дæр кæд сæвæрдта ном «Зæлимхан».

Зæлимхан æцæг уыдис домбай. Бæрзонд мæсыг, фæтæн син, ставд къабæзтæ, риу – фæтæн, сæфтæг – фидар…

Стыр цæрдæгæй архайдта суг æрæфтауц кæныныл Бимбол. Уый зыдта, Зæлимханыл бирæ сæвæрын кæй хъæу дзæн. «Æз равдисдзынæн уыдонæн мæ бæхы зыввытт», - дзырдта Бимбол.

Фæссихор куы фæци, уæд рараст сты хъæдæй æртæ суджы уæрдоны. Разæй цыди Зæлимхан, тынг уæззау ласгæйæ. Байдзаг кодта æнæхъæн уæрдон ставдцонг сугæй, æмæ хъазуат, тухæнгæнгæ ласы йæ уæрдон Зæлимхан.

Æмбары бæх, ахæм æвзæр фæндагыл, ахæм тухæны никуыма фæци Зæлимхан.

- Гъей, Зæлимхан! Уый куыд у, уый? Уæлæмæ! – æрцавта йæ ехсæй дæр дыууæ хатты, фæлæ Зæлимханæн цæвæн рантæ фезмæлыдысты, æндæр йæ сæр не схъил кодта.