Ашық сабақ "Қазақстан Республикасы Қарулы Күштері, жоғарғы әскери оқу орындары"

Сабақтың тақырыбы:

Қазіргі кездегі Қазақстан Республикасы

Қарулы Күштері,

Олардың құрамы атқаратын қызметтері,

жоғары әскери оқу орындары,

олардың әскери мамандарды даярлаудағы рөлі

Сабақтың мақсаты:

а ) Білімділік: білімгерлерге қазіргі кездегі Қазақстан

Республикасы Қарулы Күштері, Олардың

құрамы атқаратын қызметтері, жоғары

әскери оқу орындары, олардың әскери

мамандарды даярлаудағы рөлі туралы

түсінік беру

ә) Дамытушылық: білімгерлердің білімділігін,өй-өрісін өз

бетінше дұрыс шешім қабылда қасиетерін дамыту

б) Тәрбиелік: білімгерлерді ұлтжанды, отансүйгіш, қажыр-қайраты мол, жан-жақты жетілген азамат

ретінде тәрбиелеу

Сабақтың түрі: Жаңа білім беру сабағы

Сабақтың әдісі: АКТ, СТО, жұптасып талқылау.

Сабақтың көрнекілігі: Power Point программасында презентация, трек-конспект, таратпа қағаздар.

Пәнаралық байланыс: Қазақстан тарихы

Сабақтың барысы:

Ұйымдастыру кезеңі: Взводты сапқа тұрғызу,

взвод командирінің баяндамасын тыңдау және

сәлемдесу , түгелдеу.

Үйге берілген тапсырманы тексеру:

ҚР ҚК қашан құрылды? Бас қолбасшысы кім?

ҚР Конститциясы қашан қабылданды?

Қанша тарау қанша баптан тұрады

ҚР бірінші қорғаныс министрі кім болды?

Қазіргі қорғаныс министрі кім?

ҚР ҚК рәміздері Әскери бөлімнің жуынгерлік туы

Әскери ант қашан қабылданды және кімдер қашан қабылдайды?

Жаңа сабақ :

Қазіргі уақытта Қазақстанда Құрлық әскерлерінен, Әуе қорғанысы күштерінен және

Әскери-теңіз күштерінен тұратын Қарулы Күштердің оңтайлы үш түрлі құрылымы құрылды. Құрлық әскерлерінің құрамына төрт өңірлік қолбасшылықтың әскерлері, сондай-ақ

Аэроұтқыр әскерлері, Зымыран әскерлері мен артиллерия кірді. Бұл Қарулы Күштердің

құрлықтағы жауынгерлік қабілетті құрауышын құруды аяқтауға мүмкіндік берді. Әскер тектерін - Әскери-әуе күштері мен Әуе шабуылынан қорғаныс әскерін тиімді дамыту

үшін Әуе қорғанысы күштерінің құрылымы нақтыланды. Бірқатар стратегиялық бағыттарда жеткілікті қамтылған әскерлер топтамаларын құру аяқталды,

батыс стратегиялық бағытында әскерлер топтамалары нығайтылуда. Мемлекеттің әскери қауіпсіздігін қамтамасыз ету мәселелерінде жоспарлау жүйесін жетілдіру

және ведомствоаралық өзара іс-қимыл процесі жалғастырылуда. Қазақстан Республикасы Ішкі істер министрлігі Ішкі әскерлерінің құрылымы және оны дамыту

кезең-кезеңімен және жоспарлы түрде жүзеге асырылуда, ол ұдайы әзірліктегі, жеке тұлғаның,

қоғам мен мемлекеттің қауіпсіздігін қамтамасыз ету, адам мен азаматтың құқықтары мен

бостандықтарын қылмыстық және өзге де заңға қарсы қол сұғушылықтан қорғауға

арналған ұтқыр, кәсіби даярланған әскерлерді құруға ықпал етеді.

Қазақстан Республикасы Ұлттық қауіпсіздік комитетінің Шекара қызметі

Қазақстан Республикасының Мемлекеттік шекарасын күзету жүйесін жетілдіруде.

Бес өңірлік басқарма құрылды: «Оңтүстік», «Солтүстік», «Шығыс», «Батыс»,

«Жағалық қорғаныс». Кеден одағының жұмыс істеуі мүддесінде Қазақстан

Республикасы Мемлекеттік шекарасының учаскелерін күзетуді күшейту

жөніндегі іс-шаралар жүргізілуде.

Қазақстан Республикасының Қарулы Күштері – Қазақстан Республикасын

сақтау және құру, әскери ұйымдастырудың мемлекеттік негізі үшін:

- қорғанысты қамтамасыз ету;

- агрессияны анықтау;

- тікелей ішкі қауіпті болдырмау;

Қазақстан Республикасы халықаралық міндеттерінен

шығатын тапсырманы орындау.

МІНДЕТТЕРІ:

Қарулы Күштер агрессияға тойтарыс беруге, Қазақстан

Республикасының аумақтық тұтастығы мен егемендiгiн

қару-жарақпен қорғауға, мемлекеттік және әскери объектілерді

күзетуге және қорғауға, әуе кеңiстігін қорғауға, сондай-ақ

Қазақстан Республикасы бекiткен халықаралық шарттарға

сәйкес мiндеттерді орындауға арналады.

   « Қазақстан Республикасының қорғанысы және Қарулы

Күштері туралы» ҚР Заңының 5 тарау, 18 бабы

Қарулы Күштер, басқа да әскерлер мен әскери құралымдар

Әскери доктринаға және Қарулы Күштердi қолдану жоспарына

сәйкес қорғаныс саласындағы мiндеттердi орындайды.

«Қазақстан Республикасының қорғанысы және Қарулы

Күштері туралы» ҚР Заңының 4 бабы

БЕЙБІТ КЕЗІҢДЕ

әскери күштi, жауынгерлiк даярлықты қамтамасыз етiп,

басқару органдары мен әскерлердi ел iшiндегi қақтығыстарды,

Қазақстан Республикасының мемлекеттік шекарасында немесе

аумағының шегiнде туған кез келген заңсыз қарулы күш көрсетудi

тұмшалап, тойтара алатын деңгейде ұстау;

әуе кеңiстiгiн күзету, сондай-ақ, мемллекеттік шекараның жедел-

стратегиялық тұрғыда маңызды өңiрлерiн жабу;

маңызды әскери нысандарды күзету;

елдiң кез келген ауданында жағдайды тұрақтандыру жөнiндегi

батыл iс-қимылға әзiр болу;

халықаралық мiндеттемелерге сәйкес бiтiмгершiлiк және өзге

де операцияларға қатысу.

Қазақстан Республикасының Қарулы Күштері

Құрлық әскерлері

Әуе қорғаныс күштері

Әскери теңіз күштері

Аэроұтқыр әскерлері

Ұлттық қауіпсіздік Комитетінің шекара қызметі

Мемлекеттік күзет қызметі

Ұлттық ұлан

Құрлық әскерлері

Құрлық әскерлері Бас қолбасшысының басқармасы Қазақстан Республикасы Үкіметінің 2009 жылғы 20 сәуірдегі № 554 қаулысы, сондай-ақ Қазақстан Республикасы Қорғаныс министрінің 2009 жылғы 20 сәуірдегі № 145 бұйрығына сәйкес құрылды .

Құрлық әскерлерінің Бас қолбасшысы

генерал-лейтенант Мұрат Жәлелұлы Майкеев

Құрлық әскерлерінің негізгі міндеттеріне мыналар кіреді:

- агрессияға тойтарыс беру үшін әскерлердің әзірлігіне қолдау көрсету;

- Қазақстан Республикасының егемендігі мен аумақтық тұтастығын қорғау;

- мемлекеттік және әскери объектілерді күзету және қорғау;

- мемлекеттік шекараның құрлықтағы бөлігін қорғау;

- бітімгерлік және басқа да тапсырмаларды орындау.

Құрлық әскерлерінің құрамында бірнеше әскер түрлері мен арнайы әскерлер бар.

Әскер түрлері

Мотоатқыштар әскерлері

Құрлық әскерінің артиллериясы

Танк әскерлері

Мотоатқыштар

әскерлеріне мотоатқыштар бөлімдері жатады. Олар жаяу әскердің ұрыс машиналарымен (ЖҰМ), сауытты транспортерлермен және танкілермен жарақталған. Жауынгерлер автоматпен қаруланады және бөлімшелерде танкіге қарсы басқарылатын реактивтік снарядтар (ТҚБРС) болады.

Танк

әскерлері – құрлық әскерлерінің басты екпінді күші. Олар ең басты күрделі міндеттерді орындау үшін қолданылады.

Ракеталық әскерлер және артиллерия қарсыласты атыспен жоюға арналған.

Құрлық әскерінің артиллериясында зеңбіректер, келте зеңбіректер, реактивтік қондырғылар, танкіге қарсы қолданылатын жойғыш зеңбіректер, минаатарлар және алыс қашықтықта әрекет ететін танкіге қарсы басқарылатын реактивтік снарядтар болады. Барлық құралдары моторландырылған.

Арнайы әскерлер

Радиациялық, химиялық және биологиялық қорғау әскерлері (РХБ қорғау)

Инженерлік әскерлер

Байланыс әскерлері

Тыл бөлімшелері, бөлімдері мен құрамалары

Техникалық қамтамасыз ету бөлімдері

Инженерлік әскерлер. Шабуылда әскерлердің жылжуын қамтамасыз етеді, жолдар мен көпірлер салады, сулы тосқауылдардан өту құралдарын жабдықтайды, қарсыластың бөгеттеріне өткелдер жасайды, минасыздандырады. Қорғаныста қорғаныстық шептерді және позицияларды тұрғызады, бөгеттер жасайды.

Радиациялық, химиялық және биологиялық қорғау әскерлері (РХБ қорғау) - ұрыста радиоактивтік, химиялық, биологиялық зақымдану жағдайында әскерлердің шығынын төмендету және қорғану мақсатында қолданылады.

Байланыс әскерлері бөлімшелер мен бөлімдердің арасында берік және тұрақты байланыстың болуын қамтамасыз етеді.

Техникалық қамтамасыз ету бөлімдері ракеталар мен оқ-дәрілерді күтіп ұстауға, сақтауға, әскерлерді қару-жарақпен, техникамен, оқ-дәрілермен қамтамасыз ету және әскери-техникалық барлау, эвакуациялау, бұзылған қару-жарақ пен техниканы жөндеуді ұйымдастырып, оларды уақытында іске қосуға арналған.

Тыл бөлімдері мен құрамалары әскерлердің тылын қамтамасыз етуге арналған. Олар ұрыс жүргізіп жатқан бөлімдерге материалдық құралдарды жеткізу, жаралыларды, бұзылған техникаларды эвакуациялау және басқа да жүктерді тасымалдау міндетін атқарады.

Құрлық әскерлерінің өңірлік қолбасшылықтары

Қазақстан Республикасы Президентінің 2002 жылғы 12 шілдедегі № 354 Жарлығымен өңірлік қолбасшылықтар құрылды

1. «Астана» өңірлік қолбасшылығы әскерлерінің қолбасшысы генерал-майор Сұлтан Бүркітбайұлы Камалетдинов. Штабы Қарағанды қаласында.

2. «Шығыс» өңірлік қолбасшылығы әскерлерінің қолбасшысы генерал-майор Мұрат Карибайұлы Бектанов. Штабы Семей қаласында.

3. «Оңтүстік» өңірлік қолбасшылығы әскерлерінің қолбасшысы генерал-майор Талғат Мамыртайұлы Қойбақов. Штабы Тараз қаласында.

4. «Батыс» өңірлік қолбасшылығы әскерлерінің қолбасшысы полковник Мұрат Кажмұратұлы Нұғманов. Штабы Атырау қаласында.

Әуе қорғанысы күштері

Қазақстан Республикасы Президентінің 1997 жылғы 17 қарашадағы № 3761 Жарлығын және Қазақстан Республикасы Қорғаныс министрінің 1998 жылғы 1 сәуірдегі директивасын орындау мақсатында 1998 жылғы 1 маусымда Әуе қорғанысы күштері құрылды .

Әуе қорғанысы күштерінің Бас қолбасшысы

авиация генерал-майоры Нұрлан Секенұлы Орманбетов

Әуе қорғанысы күштерінің негізгі міндеттері мыналар:

- Қазақстан Республикасының әуе шебін қорғауды қамтамасыз ету;

- мемлекеттік, әкімшілік және әскери объектілерді әуе шабуылынан қорғау;

- Қазақстан Республикасы Қарулы Күштерінің басқа да түрлері мен тектерін авиациялық қолдау жөніндегі жауынгерлік міндеттерді орындау.

Әуе қорғанысы күштері

Әскери әуе күштері майдандық, армиялық және әскери – тасымалдау авиацияларынан тұрады.

Әуе шабуылына қарсы қорғаныс әскерлері (ӘШҚӘ ) зениттік – ракеталық әскерлерден, ӘШҚӘ авиациясынан, радиотехникалық және арнайы әскерлерден тұрады.

Әскери-теңіз күштері

Әскери-теңіз күштерінің Бас қолбасшысы

контр-адмирал Жандарбек Сәдуұлы Жанзақов

Әскери-теңіз күштері Қазақстан Республикасы Президентінің 1993 жылғы

• сәуірдегі Жарлығымен

құрылды.

Әскери-теңіз күштерінің негізгі міндеттері:

- Каспий теңізінің қазақстандық секторында Қазақстан Республикасының мемлекеттік шекарасын, аумақтық тұтастығын, егемендігі мен экономикалық мүдделерін қорғау;

- агрессордың шапқыншылығына лайықты тойтарыс беру, қарулы қақтығыстарды оқшаулау және алдын алуға атсалысу;

- порттық аймақты, мұнай табу нысандары орналастырылған жасанды аралдар және платформаларды қоса алғанда сулы аудандарды қорғау және күзету;

- суасты-диверсиясына қарсы қорғаныс жүргізу;

- құрлықтағы әскерлердің қимылын теңізден қамтамасыз ету, теңіз десантын түсіруге жағдай жасау, әскерлер мен материалдық құралдарды тасымалдау, теңіз миналарын орналастыру;

- еліміздің әуе шабуылынан қорғану мүддесінде теңіздегі радиолокациялық бақылауды қоса алғанда барлау қимылдарын жүргізу;

- халықаралық келісімдерге сәйкес бірлескен қорғаныс бойынша Каспий жағалауы мемлекеттері әскери-теңіз күштерімен бірлескен тапсырмаларды орындау;

- мұнай құйылған және басқа да азаматтық кемелерді шығарып салу;

- теңізде жүру қауіпсіздігін навигациялық-гидрографиялық қамтамасыз ету;

- Қазақстан Республикасы төтенше жағдайлар жөніндегі министрлікпен бірлесе теңізде іздестіру-құтқару жұмыстарын іске асыру;

- Қарулы Күштердің бөлімдері мен құрамалары және Қазақстан Республикасының басқа да әскерлері, әскери құрылымдарымен бірлесе оқу-жаттығу тапсырмаларын орындау;

- Қазақстан Республикасы Қорғаныс Министрлігі Әскери-теңіз институтының базасында әскери-теңіз мамандарын даярлау;

- Қазақстан Республикасының мемлекеттік органдарына табиғатты қорғау және бақылау міндеттерін орындау, сондай-ақ теңіздегі апат немесе экологиялық апаттың зардабын жою барысында көмек көрсету.

Аэроұтқыр әскерлері

Аэроұтқыр әскерлері Қазақстан Республикасы Президентінің 2003 жылғы 7 мамырдағы Жарлығымен құрылды

Аэроұтқыр әскерлері қолбасшысы генерал-майор Дәулет Рысқұлбекұлы Оспанов

Аэроұтқыр әскерлері (десантшылар) әр түрлі ұрыс әрекеттерін жүргізуге, маңызды аудандар мен объектілерді басып алып, шабуыл жасап келе жатқан әскерлер келіп жеткенше ұстап тұруға, қарсыластардың штабтары мен тылдағы бөлімдерін жоюға, қарсыластарды қоршауда және жоюда көмектесуге арналған.

Ұлттық Қауіпсіздік Комитетінің шекара қызметі

Ұлттық Қауіпсіздік Комитетінің шекара қызметі Қазақстан Республикасы Президентінің 1992 жылғы 18 тамыздағы Жарлығымен құрылды.

Шекара әскерлері Отанымыздың аумақтық біртұтастығын және қауіпсіздігін қамтамасыз етеді.

ҚР ҰҚК шекара қызметінің директоры полковник Дархан Айтқалиұлы Ділманов

Мемлекеттік күзет қызметі

Мемлекеттік күзет қызметі қолбасшысы генерал-майор Амантай Жанкеұлы Күреңбеков

Мемлекеттік күзет қызметі Қазақстан Республикасы Президентіне бағынатын жеке әскери құрылым.

Мемлекеттік күзет қызметі Қазақстан Республикасы Президентінің 2014 жылдың 21 сәуіріндегі Жарлығымен құрылды.

Мемлекеттік күзет

қызметінің міндеттері

- Республиканың мемлекеттік билік және басқармалардың жоғарғы органдарын, Президенттің, Вице-Президенттің, Парламент пен Үкімет басшыларының көлік құралдарын Республика аумағында және сырт жерлерде күзету;

- Қазақстан Республикасы Мемлекеттік туы мен Мемлекеттік елтаңбасының эталондарын күзету;

- шетел мемлекет басшыларын күтіп алу, шығарып салу кезінде, Қазақстан Республикасының мейрамдары мен салтанаттарында жоралғылық рәсімдерді орындау;

- мемлекеттік және қоғамдық қауіпсіздікке әсер ететін құқық тәртібін бұзушыларды тоқтату;

- Қазақстан Республикасы аумағындағы конституцияға қарсы сипаттағы қарулы және басқа да әрекеттерді тоқтату;

- Қазақстан Республикасы заңдарында көзделген тәртіпте төтенше жағдай режимі кезінде іс-шаралар жүзеге асыру;

- күзетілетін адамдардың жеке басының қауіпсіздігін қамтамасыз ету;

- күзетілетін адамдардың өміріне, денсаулығына, құқығына, бостандығына, жеке басының қадір-қасиетіне және меншігіне қарсы бағытталған қылмыстар мен әкімшілік құқық бұзушылықты анықтау, алдын алу және жолын кесу;

- күзетілетін адамдардың меншігін күзету, күзетілетін объектілерде және олар болатын басқа да жерлерде қоғамдық тәртіп пен қауіпсіздікті қамтамасыз ету;

- өз өкілеттігі шегінде терроризмге қарсы күресті жүзеге асыру;

- күзетілетін адамдар мен объектілерге төнген қатерді болжау және анықтау, одан сақтандыру мен бейтараптандыру жөніндегі жедел шаралар жиынтығын жүзеге асыру.

Ұлттық ұлан

Ұлттық ұлан Қазақстан Республикасы Президентінің 2014 жылғы 21 сәуірдегі Жарлығымен құрылды. Ұлттық ұлан әскерлері құқықтық тұрақтылықты сақтауға, арнайы мемлекеттік объектілерді қорғауға және басқа да қызметтік - әскери міндеттерді орындауға

арналған

Ұлттық ұлан қолбасшысы генерал-майор Руслан Жақсылықов

Қазақстан Республикасындағы жоғары әскери - оқу орындары

- Құрлық әскерлерінің әскери институты. Алматы қаласы.

- Ұлттық қорғаныс университеті. Астана қаласы.

- Ұлттық Қауіпсіздік Комитетінің әскери институты. Алматы қаласы.

- Радиоэлектроника және байланыс әскери-инженерлік институты. Алматы қаласы.

- Қорғаныс министрлігінің әскери институты. Алматы қаласы.

- Ұлттық Қауіпсіздік академиясы. Алматы облысы, Қарасай ауданы

- Әскери теңіз институты. Ақтау қаласы.

- Екі мәрте Кеңес Одағы Батыры Т. Ж. Бигелдинов атындағы Әуе қорғаныс күштері әскери институты. Ақтөбе қаласы.

- Ішкі Істер министрлігі ішкі әскерлерінің Жоғары әскери институты. Петропавл қаласы.

1

2

3

4

5

Мына белгі қай әскердің белгісі?

Мыналар қай әскердің сарбаздары?

Бұл әскер қашан құрылды?

Мына белгі қай

әскердің белгісі?

Мына сарбаздар қай әскердің

сарбаздары? Орындайтын міндеті қандай?

Мына белгі қай әскердің белгісі?

• ҚОРЫТЫНДЫ : Міне бүгінде еліміздің Қарулы Күштерінің
• негізін ұрысқа қабілетті, қазіргі заманғы техникамен және
• қару-жарақпен жарақталған, қуаты жоғары, ел қауіпсіздігін
• қамтамасыз ету жөніндегі міндеттерді шеше алатын жоғары
• технологиялы, кәсіби армия құрайды.

Назарларыңызға рахмет!!!