Разработка по самопознанию "Жақсылық - жан шуағы"

Сабақ мақсаты: оқушыларға жақсы істер қайнары туралы түсінік бере отырып, сүйіспеншілік құндылығының мәнін ашу

Міндеттері:

• Оқушыларға жақсылық жасау, жамандықты тізгіндеу туралы түсінік беру;

• Оқушылардың қайырымдылық жасау, мейірімділік пен имандылық қатынастарын қалыптарырып, дамыту;

• Оқушыларды мейірімділікке, қайырымдылыққы, жақсылыққа тәрбиелеу.

Ресурстар: (құралдар, мәліметтер)

-интерактивтік тақта;

- қағаз;

- қалам;

- доп;

- смайлик суреттері;

Сабақ барысы:

1. Ұйымдастыру кезеңі.

Тыныштық сәті: «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды үстелге қойыңыз. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

1. Үй тапсырмасын тексеру.

№3 сабақ. 12-14 беттегі Г.Молдағалиеваның «Шипалы гүл» атты әңгімесін оқып келу тапсырылды. Тапсырма бойынша оқушыларға арналған сұрақтар:

1. Әңгіме кім туралы болды?

2. Ернұрдың ауылға келуі әжесін қандай сезімге бөлейтін еді?

3. Адамды жақсылық жасауға, қуаныш сыйлауға итермелейтін қандай сезім?

4. Адамды жақсылық жасауға итермелеуге бола ма?

5. Жақсылық жасаушы адамның үлгісі бола ма?

6. Жақсылық нәтижесін бірден көруге бола ма?

7. Қай кезде адам айналасындағыларға риясыз жақсылық жасай алады?

1. Дәйексөз.

Жақсылыққа жақсылық – әр адамның ісі

Жамандыққа жақсылық – ер адамның ісі

Халық мақалы

Қыз балаларға және ұл балаларға айтқызу. Дәйексөздің мағынасын ашу. Балалардың жауабын тыңдаған соң, мұғалім өзі толықтырып, қорытындылайды. Балалар дәптерлеріне жазады.

1. Мұғалім сыйы:

Мейірімділік туралы өсиет әңгіме

Дүкен сатушысы айналаны бақылап, терезеге ұзақ қарап тұрды. Осы сәтте дүкенге сүйкімді бүлдіршін кіріп келіп, сөредегі заттарға көз жүгіртті. Қаздай тізілген моншақтарды көргенде көздері жайнай түсті. Арада біраз уақыт өткен соң қолын созып, көгілдір інжу жасалған моншақты нұсқады.

- Мұны әпкеме сыйлағым келеді. Оны маған гүл суреті бар қағазға орап бересіз бе? – деп сұрады бүлдіршін.

Сатушы көзі жәудіреген бүлдіршіннің ақшасы бар екеніне күмән танытып:

- Сенің қанша ақшаң бар? – деп сұрады.

Бүлдіршін қалтасынан ақша ораған орамалын алып, үстелдің үстіне бірнеше тиын қойды.

- Бұл жете ме? – деп сұрады. Дауысынан үміт оты ұшқындай түсті.

Бүлдіршін ұсынған ақша моншақтың қорабына да жетпейтін еді.

- Білесіз бе, мен сүйікті әпкеме сыйлық жасағым келеді. Әпкем анамыз қайтыс болғалы бізге қарайлап келеді. Ол өзіне мүлдем назар аудармайды. Бүгін оның туған күні. Мына моншақты сыйлағым келеді. Інжу моншақтың түсі көзінің түсімен жақсы үйлесетін еді, - деп бүлдіршін мақтана түсті.

Сатушы бүлдіршіннің мына сөздерін естіп, жүрегі елжірей түсті. Моншақты қаптамаға салып, сыртын лентамен байлады.

- Ала ғой, құлыным! Жолда абайлап жүр. Жоғалтып алма, - деп моншақты ұсынды.

Қуаныштан жүрегі жарылардай болған бүлдіршін сыйлықты ала салысымен үйіне бет алды. Сатушының жұмыс күні аяқталуға таяп қалған кезде дүкенге жас бойжеткен кіріп келді. Бірден сатушының үстелінің үстіне моншақты, қаптаманы және лентаны бөлек-бөлек қойды.

- Бұл моншақ осы жерден сатып алынды ма? Оның бағасы қанша? – деп сұрады бойжеткен.

- А! – деді сатушы, - Мен кез келген бұйымымды келісімді бағамен сатамын.

- Менің сіңілімнің бірнеше тиыны ғана бар болатын. Ал мына моншақ таза ақықтан жасалған емес пе? Оның бағасы да қымбат болу керек. Мұны қалтамыз көтермейді, - деп ағынан жарылды бойжеткен.

Сатушының жүзіне күлкі үйіріліп, бойжеткенге моншақты қайта ұсынды.

- Ол ең қымбат бағаны төледі. Қолында бардың барлығын берді. Ал мұны мына заманда ересек адамдар да жасай алмас еді...

Дүкеннің ішінде үнсіздік орнап, екі көзден мөлтілдеп жас ағылды.

Сұрақтар:

1. Бүлдіршін қандай дүкенге келді?

2. Ол не сатып алғысы келді?

3. Моншақты кімге, не себепті алғысы келді?

4. Не себепті әпкесі моншақты сатушыға қайтарып әкелді?

5. Сатушы баланың іс-әрекетін қалай бағалады?

6. Бүлдіршіннің бойындағы қандай қасиеттері әпкесіне сыйлық жасауға итермеледі?

7. Бұл әңгімедегі кейіпкерлердің бойынан қандай қасиеттерді байқауға болады?

8. Сатушы бүлдіршінге көмек қолын созғанда қандай сезімде болды деп ойлайсыңдар?

9. Өздерің күнделікті өмірде қандай жақсылықтар жасайсыңдар?

1. Шығармашылық жұмыс.

«Мен саған сенемін...» жаттығуы

Әуен ойнап тұрады. Жұп құрып, бір-бірінің көздеріне қарап отырады. «Мен саған сенемін...» өйткені сен жақсы адамсың.

топтық жұмыс.

Ойын: «Ыстық картоп»

Студенттер бір-бірлеріне доп береді. Оқытушы тоқта дегенде кімнің қолында доп қалса соған тапсырмалар беріледі, берілген тапсырмаларды қимыл-қозғалыспен (жестпен) білдіру қажет.

Мысалы: (гүл сыйла, құшақта, хат жаз, аймала, өз сезіміңді білдір).

1. Топпен ән айту.

Жақсы адамдар

Әні мен сөзі: А. Оралов

1.Сендер аман болыңдар жақсы адамдар,

Жақсы адамдар – бұзылмас тас қамалдар.

Табаныңның астында жатады әлі

Пенделіктен өресі аспағандар

Қайырмасы:

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар, жақсы адамдар,

Сендер аман болыңдар жақсы адамдар.

Жақсы адамдар.

2.Жақсы көрем сендерді жақсы адамдар,

Жүрегіңде өйткені аппақ ар бар.

Сендер жайлы шырқалар асқақ ән бар,

Күйіп кетсін көре алмас бәтшағарлар

Қайырмасы:

Жақсы адамдар, жақсы адамдар

Күйіп кетсін көре алмас бәтшағарлар

Жақсы адамдар, жақсы адамдар,

Күйіп кетсін көре алмас бәтшағарлар

Жақсы адамдар

3.Сендер жайлы шырқалар асқақ ән бар,

Күйіп кетсін көре алмас бәтшағарлар

Сендер аман болыңдар жақсы адамдар,

Қарап өтсін сендерге басқа жандар.

1. Үй тапсырмасы.

17-18 беттегі З.Ахметованың «Шуақты күндер» әңгімесінен үзіндіні оқып келу

1. Соңғы тыныштық сәті.

Бүгінгі айтылған барлық жақсы қасиеттерді жүрегімізге сақтап алайық. Сабақ аяқталды. Рахмет!жасау керек.