Сабақтан тыс шара «Қайырымдылық акциясы»

Күні: 01.11.2019 ж.

Сабақтан тыс шара «Қайырымдылық акциясы»

Курс: 1

Тобы: ББ-19-2

Тақырыбы

«Қарттарым – асыл қазынам»

Құндылық:

Сүйіспеншілік

Қасиеттер:

Мейірімділік, сыйластық,қайырымдылық, бауырмалдық, шынайылық, жанашырлық.

Мақсаты:

- оқушылардың бойына халқымыздың қадір-қасиетін сіңіру, үлкенді сыйлай білуге; - өз ата-бабасын ұмытпай есте сақтауға және аталы сөзден ғибрат алуға тәрбиелеу.

Міндеттері:

Тәрбиелік: студенттердің бойына мейірімділік, бауырмалдық, кеңпейілділік, сыйластық , кешірімділік қасиеттерін дамытып, жауапкершілікпен ата-анасының өміріне қарап, қамқорлық көрсетіп, ата-анасының үмітін ақтауға тәрбиелеу.

Күтілетін нәтиже

• - студенттер өз ата-аналарымен сыйластық қарым-қатынаста болады, кешірімшіл, кішіпейіл қасиеттерді бойларына сіңіріп, қамқорлық көрсетеді.

• - болашақта өз бауырларын шынайылық, сүйіспеншілік, мейірімділік қасиеттеріне баули біледі.

Дереккөздер

1. Баланы тәрбиелеу және оқыту үрдісінде Ш.А.Аманошвилидің тәжірибесін қолдану;

2. Абай Құнанбаев пен Шәкәрім Құдайбердиевтің ізгілікті идеяларының құндылығы;

3. Ыбырай Алтынсарин мен Мағжан Жұмабаевтың ізгілікті идеяларының бала тәрбиесіндегі рөлі;

Қосымша дереккөздер: Ғаламтор желілері.

Модульдер

1. Тәрбие мен тәрбиедегі адамгершілік қасиеттерді дұрыс пайдалану, студенттердің бойына мейірімділік рухани құндылықтарды дарыту.

Әдіс-тәсілдер

Өлең, ән, психологиялық тренинг

Пәнаралық байланыс

өзін-өзі тану, психология, педагогика, этнопедагогика, т.б.

Іс-шараның барысы

Іс-шараның қорытындысы

Жүргізуші:Адамның өмірінің мәні мен  сұлулығы, адамның келешегіне сенімділігі – баланың ата-анасын ардақ тұтып, өзінің перзенттік қарызын бір сәтке де есінен шығармауында. Үлкендіктен ешкім құтыла алмаған. Бірақ кәріліктің өзінің сәні – мәні бар.
Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты.. Сіздер жас ұрпаққа әрқашан төзімділіктің, даналықтың үлгісі болып келесіздер.Сіздерге зор денсаулық,ұзақ ғұмыр тілейміз.

Өлең – Т.Айбергенов «Ана» , Қанатқызы Рысжан.

Жүргізуші:Айтары мол ғұлама,
Көп жасаған бұл адам.
Әкесі ол әкеңнің,
Білер оны сұраған,
Ол кім?    (Ата)

Аймалайды «Күнім»деп,
Мейірімді жүзі күлім деп.
«Тәтті-ақ» дейді немере,
Бал шырындай үнің деп.
Ол кім?    (әже)

Жүргізуші:Ата- ардақты тұлға. Иә, «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының қайырымды,мейірімді,ақылды,іскер болуын тілеп ,сол үшін қамқорлық іс-әрекеттерін басы жерге жеткенше дамыта береді,өнеге көрсетеді,өсиет айтады.
Әже- ақ сүт берген аналардың анасы. Әже әрқашан да балалық бал дәуреннің басы қасында болып,асыраушы,аялаушы,тәрбиелеуші басты кісі,өмір өрнектеріне,тіршілікке көбірек араласқан ана перзентін көбінесе әженің қарауында қалдырады. «Жан жүрегім, жарығым»деп әже немересін,шөбересін жүрегіне теңейді. Жан жүрегін салып нәрестені,бүлдіршін жасөспірімді тәрбиелейді.

Ән: «Асыл әжем»

Жүргізуші:«Бабаларым, рахмет сендерге!
Балаларым болмасын деп бос кеуде,
Қобызыңмен қосып ән мен тіл бердің,
Өмірге мен мылқау болып енгенде
Бабаларым, рахмет сендерге!»,- деп Мұқағали Мақатаев атамыз айтқандай міне, балалар, біз өзіміздің ата-әжелеріміз алдында қарыздармыз. Ол қарызымызды тек жақсы тәрбие арқылы, адамгершілігі мол, мейірімді болу арқылы ғана, оларды көрген жерде құрметтеп сыйлау арқылы ғана қайтара аламыз.

Психологиялық тренинг . «Теңізге саяхат»

Жүргізуші:Қарттарымызды ардақтап өтейік! Оларды сыйлаңдар, қадірлеңдер!