Патриотты? т?рбие са?аты "?скери ант" ?абылдау

Жамбыл орта мектебі

Тақырыбы:

ӘСКЕРИ АНТ ҚАБЫЛДАУ

Өткізген: АӘД жетекшісі Кусаинов М.Е

2015-2016 о/ж

Өтілген күні: 26.09.15ж

Өтілген орны: мектеп залы

Қатысқандар: барлық оқушылар және ұстаздар

Көрнекілік: Әскери ант, ағаш автоматы.

Мақсаты: Оқушылардың бойына ұлттық рухты, патриоттық сезімді ұялату.

ҚР-ның ҚК-інің қатарына әскери борышын өтеуге міндетті екендігін сезіндіру.

Оқушыларға әскери анттың қасиеттерімен таныстыру.

АӘД жетекшісі 10-сынып оқушысын қатардағы жауынгер Ахат Қадырбек Әскери ант қабылдауға маған кел пәрменімен шақырылып,

қатардағы жауынгер Ахат Қадырбек сіздін бұйрығыңызбен Әскери ант қабылдауға келіп тұр,

АӘД жетекшісі Әскери ант қабылдауға рұқсат

Ахат Қадырбек Әскери антты қабылдап болғаннан соң

АӘД жетекшісі сапқа тұр

Ахат Қадырбек оқушыларға қарай бұрылып, Қазақстан Республикасына қызмет етемін деп барып, сапқа тұрады.

Әскери ант- мемлекеттік маңыздылығы зор құжат.

Қазақстан Республикасы Президентінің 1992жылы 25 тамыздағы Жарлығымен бекітілген және заң күші бар.

ӘСКЕРИ АНТ

Мен, Қазақстан Республикасының азаматы (тегі, аты, әкесінің аты), Қарулы Күштердің қатарына кіре отырып ант қабылдаймын және Қазақстан халқы мен оның заңды сайланған Президентіне ақтық демім қалғанша адал болуға, өзімнің егемен Конституциясы мен заңдарын қастерлеп сақтауға салтанатты түрде ант етемін.

Өзіме жүктелген міндеттерді, әскери жарғыларды және командирлер мен бастықтардың бұйрықтарын бұлжытпай орындауға, әскери қызметтің ауыртпашылықтары мен қиыншылықтарын табандылықпен көтеруге ант етемін. Әскери істі дәйекті оқып-үйренуге, әскери және халық мүлкін мұқият ұстауға, әскери және мемлекеттік құпияны қатаң сақтауға ант етемін.

Мен өз Отанымның, тәуелсіз Қазақстанның мемлекеттік мүдделерінің ержүрек әрі батыл қорғаушысы болуға ант етемін.

Егер мен өзім қабылдаған әскери антты бұзсам, онда Қазақстан Республикасының заңдарында белгіленген қатаң жазаны өтеуге әзірмін.

Қорытынды: Оқу ісінің менгерушісі және мектеп басшысына сөз беріледі.