Кітапхана -тәрбие көмекшісі

Кітапхана тәрбие көмекшісі оқушыларға арналған

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Кітапхана -тәрбие көмекшісі»

Тәрбие сағаты

Тақырыбы: «Кітапхана -тәрбие көмекшісі»

Өткізілген уақыты: қазан ,2015жыл

Қатысқандар:1-4 сынып

Мақсаты: Оқушыларға кітаптың адам өміріндегі маңызын түсіндіру, кітап оқуға баулу,кітапты насихаттау.

Көрнекілігі: Кітап көрмесі, кітап туралы ұлағатты сөздер

Кітапханашы: Еліміздің болашағы жарқын болу үшін, ең алдымен ұрпағымыз білімді, рухани деңгейі жоғары болуы қажет. Ол үшін адам көп оқып, көп ізденуі керек. Түсінген адамға кітап – баға жетпес байлық .

«Пайда ойлама, ар ойла,

Талап қыл артық білуге.

Артық білім кітапта,

Ерінбей оқып көруге»

Абай Құнанбаев

Бүгінгі өтетін іс-шарамыз білім көзі болып табылатын кітаптар тұрағы, рухани байлық ордасы - кітапхана туралы. Іс-шарамызға қош, келдіңіздер!

1 жүргізуші:

Білесің бе, кітап білім ұясын,

Келесің мұнда, өмірге азық жиясың.

Оқып, біліп, зерттеп, көріп санаңа

Терең білім, ой маржанын құясың.

Дейді ойшылдар «Кітап -білім бұлағы»,

Кітапхана сол кітаптар тұрағы.

Көп үйреніп, көп оқыған баланың,

Анық тағы білімпаз болып шығары.

2 жүргізуші:

Оқырмандар мен білімпаздар мекені

Бәріңе аян кітапхана екені.

Кітаппенен дос болуға баулитын,

Кітапханашы мұнда қызмет етеді.

Өмір мәні-өнер менен білімде

Құштар болсаң көп құмартып білуге

Қарсы алып, сен дәйім күлімдеп

Жөнін айтып, жол нұсқайды білімге.

1 жүргізуші:

Қазақ халқы кітапты қасиетті, құдіретті зат деп түсінген. «Кітап-білім бұлағы, білім-өмір шырағы», «Кітаппен кеңес-білімдімен теңес» деп кітапты жоғары бағалаған.

2 жүргізуші:

Кітап-адамның досы, ақылшысы, сырласы. Кітап-өнер, кітап-білім бұлағы, адамгершіліктің қайнар көзі, адамзаттың байлығы, өмір айнасы, замана сыры, тарих шежіресі. Барлық қауым, барлық адамзат кітаптан білім алып, соның арқасында өркениетті дамытып отыр.

1 жүргізуші: Бүгінгі пікір алмасуымызды бастасақ, алдымен кітап деген не, не үшін қажет?

2 жүргізуші: «Кітап-ғасырларға сапар шеккен ақыл ескерткіші» дегенді қалай түсінесіздер?

1 жүргізуші: Алғашқы кітаптар қандай болды? Қағазды кімдер ойлап тапты?

1 жүргізуші: Кітапханалар жайлы не білеміз?

2 жүргізуші: Қазақстанда кітапхана қашан пайда болды, қайда?

1 жүргізуші: Неліктен «Кітапхана – рухани байлық ордасы дейміз» ?

2 жүргізуші: Қандай әдеби кітаптарды ұнатасыз?

1 жүргізуші: Соңғы рет қандай кітап оқыдыңыз?

2 жүргізуші: Кітап-қарым-қатынастың, еңбектің, күрестің құдіретті құралы. «Кітап-білім бұлағы» деп бекер айтылмаған екен. Енді біз кітап туралы қандай нақыл сөз, мақал-мәтел, тақпақтар білеміз, соны ортаға салайық .

1 жүргізуші: Кітапхана қызмет көрсету бағытына қарай: ғылыми кітапханалар, көпшілік кітапханалар, балалар кітапханалары және оқу орындары кітапханалары болып бөлінеді.

Кітапханашыға әр түрлі саладағы кітаптар мен ақпаратты сақтап, реттеп дер кезінде, тез арада оқырманға жеткізілуіне кітапхана-библиографиялық жіктеу көмекке келеді.

2 жүргізуші: Кітапхана туралы слайд.

Ғылымның мынандай бөлімдері бар:

1. Жалпы ғылыми және пәнаралық білім.

2. Жаратылыстану ғылымдары.

3. Техника. Техникалық ғылымдар.

4. Ауыл және орман шаруашылығы.

5. Денсаулық сақтау. Медицина.

6. Қоғамдық ғылымдар.

7. Мәдениет. Ғылым. Ағарту.

8. Филология ғылымдары.

9. Әмбебап мазмұндағы әдебиет.

1 жүргізуші: Осы ғылым салаларының қайсысы болсын өз тарихы, негізін қалаушылары бар. Ғасырлар бұрын ашылған ғылым жаңалықтарын кейінгі ұрпаққа жеткізіп, оны одан әрі дамуға септігін тигізіп отырған – кітап. Кітап ғасырлардан ғасырға өз қазынасын сақтап, жеткізбесе Күлтегін, Қорқыт, Әл-Фараби, Ахмет Иассауи, Абылай хан, Шоқан Уалиханов және басқа ақын-билер, қоғам қайраткерлері туралы мәлімет біздің заманымызға дейін жетер ме еді? Кітаптың арқасында ғасырлар бойғы адамзат тәжірибиесі жинақған ой маржанымен таныса аламыз.

2 жүргізуші: Осы асыл қазынаны өміріңе серік етіп, кітап сүйер қауым қатарына қосыл, жас дос!

Кітапханашы:

Кітап көпті көрген көнекөз ақсақалдай тағылымы көп, тәрбиесі мол ақылшың да, сырласың.

Білімді сүйсең кел күн сайын осында,

Кітап сенің айналады досына,

Талаптансаң үйренуге құмартып,

Кел, жас дос, ізденейік қосыла.

Кітап көрмесімен танысу.