Мергендерден осы кезге дейінгі алған білімдері сұрақ-жауап арқылы тексеріледі.
1. Қаруды оқтау.
2. Ату қалпын қабылдау.
3. Көздеу, шүріппені басу, тыныс алу режимі.
ІІІ. Жаңа сабақ – 35 мин
Мергендер төмендегі жаттығуларды орындайды.
Қамтылатын сұрақтар:
1. Көздеудің біркелкілігін бақылауға арналған көздеу станогымен жаттығу.
2. Көздеудің біркелкілігін арттыруға арналған электронды тренажермен жаттығу.
Көздеу біркелкілігін бақылау жаттығулары
Бұл жаттығу үшін Қарулы Күштерде КЯ-73, КЯ-83 командир жәшігі қолданылады. Мектеп жағдайында қолдан жасалған құралдарды да тиімді пайдалануға болады. Мылтық көздеу станогына мықтап бекітіледі. 5(10) м қашықтыққа шамамен 400х300 мм өлшемдегі ақ қағаз ілінеді. Оның жанында көздеу біркелкілігін бақылауға арналған қол көрсеткіші мен қарындаш алып көмекші тұрады.
Жаттығу жетекшісі (бапкер) мылтықты станогымен қағаз бетіне бағыттап, көздейді де көмекшіге көрсеткішті қағаз бетімен қозғауға пәрмен береді: «Жоғары», Төмен», «Оңға», «Солға». Көрсеткіштегі нысана көздеу сызығымен сәйкес келген кезде «Белгіле» пәрмені беріледі. Көмекші көрсеткіштің 1 мм-ге тең орталық тесігі арқылы қарындашпен қағаз бетіне белгі соғады.
Көмекші көрсеткішті алған соң, үйренушілір біртіндеп мылтық бекітілген көздеу станогына келіп, оны қозғамай көздеуішке қарап, көмекшіге көрсеткішті қозғауға тиісті пәрмендер береді. Көмекші «Белгіле» пәрмені бойынша белгілеп тұрады. Мерген бұл операцияны үш рет орындау керек. Белгіленген үш нүктені сызықтармен қосқан соң үшбұрыш пайда болады. Бұл үшбұрыш неғұрлым кіші болған сайын мерген соғұрлым дәл көздеген болып табылады. Бұл жаттығуды бағалау үшін көрсеткішке диаметрі 1,5; 2,5; 3,0; 5,0; 10,0 мм болатын тесіктер жасап қою керек. Бұл жағдайда оқтың шашырау үшбұрышы жетекшінің бақылау нүктесімен шамамен сәйкес келу қажет. Дегенмен кейбір жағдайда олай болмауы да мүмкін. Ең бастысы – мергендерді біркелкі көздеуге дағдыландыру.
Бұл жаттығуды сондай-ақ «Мерген» электронды тренажерімен де орындауға болады. (http://zhaksylyknvp.ucoz.ru/)
Көздеу біркелкілігінің бағалануы.
Бағалар
Ату дистанцияларында көрсеткіштегі көздеу шашырауы шеңберінің диаметрі, мм
