Денелер.Заттар

Қызылорда облысы

Жаңақорған ауданы ст.Аққұм

Негізгі білім беретін №221 Аққұм мектебінің

дүниетану пәнінің мұғалімі Нысанбаев Бақберсін

Дүниетану 3-сынып

Тақырыбы: Денелер.Заттар

Мақсаты:а)Білімділік: Денелер,заттар туралы түсінік беру;

ә)Тәрбиелік:Оқушыларды табиғатты қорғауға, аялауға, білімдікке тәрбиелеу.

б)Дамытушылық:Оқушыларға денелер, заттар жайлы мағлұмат бере отырып білімін,

ой-өрісін дамыту;

Сабақ типі: жаңа материалдарды меңгерту

Сабақтың түрі:сайыс сабақ.

Әдісі: Түсіндіру, сұрақ-жауап, әңгімелеу.

Көрнекілігі: Суреттер, үлестірмелер, интерактивті тақта.

Пәнаралық байланыс: ана тілі, математика,сурет

Барысы: І.Ұйымдастыру кезеңі:

- Амандасу,түгендеу,оқушылардың зейінін, жаттығулар орындау арқылы назарын сабаққа аудару.

ІІ.Үй тапсырмасын тексеру кезеңі:

Ауа райы және оны болжау мәтінін оқыту, материалын талдау.

Тест. Табиғатты тану

1.Температураны өлшейтін құрал?(термометр)

ІІІ.Білімді тексеру кезеңі:

«Кім жылдам?» танымдық ойын

Сұрақтарға жауап алу.

1.Адамденесі неше бөліктен тұрады?

2.Сезім мүшелерін ата.

3.Табиғат дегеніміз не?

4.Қорытындылау

IV.Мақсатын қою кезеңі:

Тақырыбын, мақсатын хабарлау. Денелер, заттар.

V.Жаңа материалды түсіндіру кезеңі:

Ой-қозғау

1.Кіріспе. -Табиғат деген не? Өлі табиғатқа не жатады? -Тірі табиғатты ата?

2.Денелер, заттар дегеніміз не?

3.Оқулық бойынша жұмыс: оқыту.

5.Жаңа материалдарды тірек сызба арқылы түсіндіремін

Денелер

Табиғи

Тірі

Заттар

Жасанды

Өлі

Денелер

Адам ұдайы жан-жағынан қоршаған түрлі нәрселердің ортасында өмір сүреді.Олар:үйдегі үстел, төсек, кітап, дәптер, машина, ғимараттар, өсімдіктер мен жануарлар.

Адамды жан-жағынан қоршаған нәрселердің бәрі дене деп аталады.

Табиғи және адам қолдан жасап шығаратын жасанды денелер болады.

Күн,Ай,жұлдыз, бұлт, тас,аң,құс- табиғиденелер.Адам да- табиғаттың бір бөлігі.

Үй, машина, үстел, орындық, кітап, дәптер,қарындаш, доп, т.б.-жасанды денелер.

Табиғи денелер тірі және өлі денелерге бөлінеді.Тірі денелер қоректенеді, өніп-өседі, мезгілі жеткенде өсуін тоқтатады.Мұндай қасиеттер адамға, жануарларға, өсімдіктерге тән. Тірі денелердің жиынтығы тірі табиғат деп аталады.

Өлі денелер қоректенбейді, өніп-өспейді, көбеймейді.

Олар өлі табиғатқа жатады.

Адам қолынан жасалатының бәрі де тек қана өлі денелерге жатады

(неліктен екенін ойлан)

Заттар

Табиғи және жасанды денелер де заттан тұрады. Мысалы, жаңбыр тамшысы-дене, су-зат,доп-дене, резеңке-зат.

Кез келген дене заттан тұрады.Заттарды бір-бірінен қасиеті жағынан айыруға болады: қатты, жұмсақ, тәтті, ащы, серпінді, т.б.

Тірі дененің құрамы өте күрделі болады.Мысалы, өсімдік бойында су, крахмал, қант және басқа да заттар бар.Дене неден тұрса оны зат дейді.

4.Сергіту сәті

VI.Жаңа материалды меңгергенін тексеру кезеңі:

«Кім зерек?» ойыны

(Суреттерде жасырылған сұрақтарға жауап беру.)

-Дене деген не?

-Тірі және өлі дененің арасында қандай айырмашылық бар?

-Айналадағы табиғи және жасанды денелерді қалай білуге болады?

-Табиғи денелерді ата.

-Жасанды денелерді ата

-Кез-келген дене неден тұрады?

2.Оқушыларға оқыту:дауыстап-тізбектей.

VII.Бекіту кезеңі: Қорытындылау.

Суреттермен жұмыс.

1.Табиғи және жасанды денелерді тауып, айырмашылығын айту.

2.Суреттегі әр дененің жасалған затпен арасын бағыттаушы сызықтармен қосыңдар. (Интерактивті тақтада)

VIII.Үйге тапсырма беру кезеңі: Заттар, денелер мәтінін оқу, мазмұндау.

ІХ.Бағалау.