Оқушылармен амандасу. Тренингке психологиялық тұрғыдан дайындап, ережелермен таныстыру.
2. «Тілек шоғы». Оқушылар өзара қолдан жасалған жауқазын гүлдерін бір – біріне сыйлау арқылы тілек айтып шығады. (Слайд көрсетіліп,әуен ойнап тұрады)
3. Ойын «Театр» (слайд)
Оқушыларды екі топқа бөлемін. Әр топтан бір – бір оқушы ортаға шығып, кез-келген эмоциялық көңіл-күйді көрсетеді. Әр топ мүшелері ол көңіл-күйді жалғастырып әкетуі тиіс. Қарсы топ табуға тырысады.
Соңғы оқушыдан көңіл-күйдің жауабы сұралады.
Бұл көңіл-күйді мимикалық тұрғыдан көргенде қандай сезімде болдыңдар?
Белгілі бір көңіл күйге түсу қандай сезім тудырды? Неге?
Жағымсыз эмоциялар кезінде не істеуге болады? (талқылау)
Енді эмоцияларымызды тежейтін болсақ қандай күйде болатынымызды көзбен көрейікші (ортаға бір оқушы шығарылады, ортаға шыққан оқушының эмоциясын көрсете алады деген мүшелерін түрлі ленталармен ораймыз)
Ауызды – айғайлап ұрсыспау үшін
Көзді – жек көрінішті сезімін көрсетпеуі және жыламауы үшін
Құлақты – артық сөздерді естімеуі үшін
Қолдарды – төбелеспеу үшін
Аяқтарды – жаман жерде жүрмеуі және теппеуі үшін
Жүрегін – қиналмас үшін
Енді қарандаршы, бұл адам не істей алады? Ол айналасындағы жақсылықтарды көре ала ма?, Өз ойын ашық айта ала ма? Қуанып, өзгелерге сене ала ма?т.б
Енді не көріп тұрсыңдар балалар? Бұдан қандай қорытынды шығаруға болады?
(оқушылардың ойлары тыңдалады)
Қорытынды(психолог) :Сезімсіз,эмоциясыз адам болмайды. Қысылып тұрған сезім адамда сенімсіздікпен қорқыныш тудырады. Сонымен ,сезімді тұншықтыруға болмайды екен. Енді, не істейміз? (талқылау)
Психолог: Иә, бүгін біз сезім әлемімен танысып шықтық. Адам баласы кез – келген жағдайға кері әсер көрсетеді екен. Мысалы: қобалжу, қуану, қорқу, қайғыру. Ол қалыпты жағдай. Сол арқылы сыртқа өзінің жай – күйін көрсетеді.
Сонымен қатар, біз эмоцияларды түрлі жолмен көрсетуге болатынын білдік.
Мысалы: сөзсіз қимылдар арқылы, сөзбен, ашумен. Ол екі адамның өзара
әрекетінен пайда болады. Оның екі түрі бар: жағымды және жағымсыз.
Жағымды болса қуанамыз, жағымсыз болса қаймығамыз. Қандай жағдай
болғанда да сезім сыртқа шығарылуы тиіс.
4. «Жағымсыз эмоциялардан арылу»
Оқушылар параққа жағымсыз жайттарын жазып, оны шимайлап, ұсақтап
жыртып қоқысқа тастайды.
5. Енді жаттығуымызды ары қарай көңілді, көтеріңкі көңіл күймен жалғастыру
үшін «күлкілер» суретінен коллаж жасаймыз.Коллажды тақтаға іліп қоямыз.
