"Алматы облысы білім басқармасы"Ақсу ауданының "№6психологиялық педагогикалық коррекциялық кабинеті"коммуналдық мемлекеттік мекемесі

Сыныптан тыс жұмыс тақырыбы “Үлкенге – құрмет, кішіге – ізет”

Сабақ тақырыбы: Үлкенге – құрмет, кішіге – ізет
Мақсаты: «Сыйластық», «құрмет» адамгершілік құндылықтары туралы түсініктерін кеңейту.
Міндеттері:

– үлкендер мен кішілер арасындағы сыйластықты түсіндіру;
– сыйластықты қарым – қатынас жасау іскерліктерін дамыту,
– үлкендерді сыйлауға, кішілерге қамқор болуға тәрбиелеу;
Көрнекі құралдар: себет, гүлдер, үлкен және кіші ағаш суреттері, ақ қағаздар
Қайырлы күн, балалар!
Шеңбер болып тұрайық жылы жүзбен,
Бізге келсін қуаныш нұр іздеген,
Шуақ толған жанымыз, жүрегіміз
Үлгі алсын көрген жан мына бізден
Сендердей ақылды, мейірімді, білімге құштар балаларды көргеніме мен бүгін
өте қуаныштымын.Ендеше, сендерде сондай қуанышты жүзбен бір – бірлеріңе
күлімсірей қарап, бас иіп амандасайық.
Балалардың амандасуы.

ВАЛЕОЛОГИЯ ЖАТТЫҒУ «Менің таңым»

– Рахмет! Балалар, жаңа бір – бірлеріңмен амандасқандарыңдай, бас иіп сәлемдесу, алғыс айту, тіпті бір ауыз сөз айтпай – ақ та жымиып бас ию – адамға деген құрметті, сыйластықты білдіреді.Сенің айналаңдағы адамдарға деген құрметің жымиып тұрып жылы жүзбен амандасудан басталады.Сый, құрмет үлкенге де, кішіге де көрсетіледі.Тіпті үлкендер өзінен жасы кішілердің әдеп тілігін, көргендігін, тәрбиесін сыйлап бірінші болып амандасуы да мүмкін. Ризашылықтарын білдіріп, алғыс айтады, баталарын береді. Ендеше , қазір біз, балалар бүгінгі күнімізге, өзімізге және сабағымызға қатысып отырған апайларға жақсылық , жарасымды көңіл күй тілей отырып ортада тұрған «Бақыт себетін» жылы лебіздерге толы гүл шоқтарымен толтырайық.
Оқушылар тілектерін айтып, себетті гүл шоқтарымен толтырады.
Аспанымыз ашық болсын!
Өміріміз күлкіге толсын!
Деніміз сау, отбасымыз аман болсын!
Әр күніміз жарық болсын!
Жұмыстарыңыз жемісті болсын!
Еліміз тыныш болсын!
Жанұяларыңыз берекеге толсын!
Көк туымыз биікте желбіресін!
Бір – бірімізге мейірімді болайық!
Көңіліміз мөлдір бұлақтай таза болсын!
. Балалар, енді бәріміз мына өлең жолдарын қайталап айтып, орнымызға жайғасайық.
Жақсылықтан үйреніп,
Боламыз біз жақсы адам.
Жамандықтан жиреніп
Үлгі аламыз жақсыдан.

Әңгімелесу
• Өзіңді, өзгені құрметтей білесің бе?
• Өзара сыйластыққа қалай жетуге болады?
• Достарыңмен арада қандай сыйластық бар?
Балалардың өз ойларын еркін айтуына және сыйласымды қарым – қатынас
жасау адамның өзіне байланысты екенін түсіндіру.

Ситуациялық жағдаяттар

Көрініс («Шалқан» ертегісі) музыкасы ойнап тұрады.

Тақтаға жапырақсыз ағаштардың (үлкен, кіші) суреті салынған плакаттар
ілінеді.Оқушыларға қағаздан жасалған ағаш жапырақтары таратылып беріледі.Жапырақтардың артқы бетіне құрметті, ізетті білдіретін сөздер жазылған, ал жолақтарға сөздер жазылмаған.
Оқушылар жапырақтардағы сөздерді дауыстап оқып, осы сөздер үлкендер айтатын сөздер болса – «үлкен ағашқа», кішілер айтатын сөздер болса – «кіші ағашқа» іледі.
Жапырақтардағы сөздердің үлгісі: өтіңіз, жолыңыз болсын, сізге рахмет,
отырыңыз, ғафу етіңіз, сау болыңыз, алыңыз, айтыңыз, кешіріңіз, ала ғой, тыңдай
ғой, кешірім ет, сау бол, айта ғой, көмектес, жол бер, сыйлы бол, әдепті бол, сыпайы бол.

Оқи алмайтын оқушыларға сөздерді оқуға ұстаздар көмектеседі.
Ойын – жаттығу бойынша орындалған тапсырма нәтижесін қорытындылау
– Балалар, енді үлкен ағашқа ілінген сөздер үлкенге құрметті білдіреді, сондықтан оны «Құрмет» ағашы, ал кіші ағашқа ілінген сөздер кішіге ізетті білдіреді, сондықтан оны «Ізет ағашы» деп атайық.
Рахмет!Балалар, тапсырманы ойдағыдай орындап шықтыңдар деп ойлаймын. Адамдар бір – бірін сыйлап, түсіне білсе жақсы қарым – қатынас жасауға қол жеткізеді.Өзара сыйластық достыққа әкеледі.Өмірде адамдар бір – бірін кешіре, түсіне білгенде ізгілікке жетуге болатынын және өзара сыйластық қана достыққа әкелетінін түсіндіру.
Үнемі көмек беремін.
Үлкенді сыйлау – кішілік,
Үлгілі мінез – кісілік.
Осындай жылы жүректерге толы шеңбер аясында тұрып, қуанышты көңілмен ән салып, сабағымызды аяқтаймыз.

«Ақсу ауданының №6 психологиялық –педагогикалық кабинеті» коммуналдық мемлекеттік мекемесі

Үлкенге- құрмет,кішіге- ізет!

Жансгіров 2016жыл