"Адамзаттың бәрін сүй,бауырым деп "

Мақсаты: білімділігі «Махаббат» ұғымының адамгершілік құндылық ретіндегі мәнін ашу

дамытушылығы: Жаныңда жүрген адамдарға деген сүйіспеншіліктерін

дамыту

тәрбиелігі: Сүйіспеншілікке тәрбиелеу

Ресурстар:

Суреттер, түрлі-түсті қағаздар

1. Ұйымдастыру кезеңі

• Сәлемдесу

• Оқушыларды түгелдеу

Тыныштық сәті

-Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер. Ал енді көздеріңді ашсаңдар да болады.

Ертеңге, қалқа, қарасаң,
Қол бұлғап арман тұрғандай.
Шақырып жарқын болашақ,
Бақытың отау құрғандай.

Арманға бірге барайық,
Жүрекке сая табайық.
Махаббат әні әлдилеп,
Алысқа қанат қағайық.

Ол жақта - бұлтсыз көк аспан,
Тұнығы таза лағылдай.
Самалы жанмен сырласқан,
Көктемнің нұрлы таңындай.

Тапсырма

«Махаббатсыз дүние бос» тақырыбына пікірталас ұйымдастыру.

Мәтінмен жұмыс

Ш.Айтматовтың «Жәмила» повесінен берілген үзінді оқу.

• Данияр өз махаббатын қалай білдірді?

• Даниярдың жан дүниесін қалай сипаттап айтып берер едіңдер?

• Махаббат адамға ерекше көңіл күй сыйлайды дегенге келісуге бола ма?

Түйіндеме

Қандай адам болмасын, оның өмірі бөтендердің өмірімен байланысты. Дүние солай жаратылған. Күн, Ай, Жер, Су- бәрі бірімен-бірі үзілместей болып шиеленіскен. Күнсіз Жер жоқ, Жерсіз су жоқ. Бұл табиғат гармониясы. Адамды адам етіп жатқан да сол махаббат гормониясы. Кісі бірін-бірі жек көруден емес, жақсы көруден өркендейді, өрісі кеңиді. Ал адамның жақсы көруі, мейлі әйел мен әйелдің, еркек пен еркектің арасында болсын, бұл адамзатбақытының негізі.

Ойын: «Әріп таңдау»

А Ә Б В Г

Дәйексөз. «Адамның жақсысы адамға сүйіспеншілікпен қарағандар». Абай

Жаңа ақпарат

Махаббат – ұлы сезім. Бұл сезімнің адамға берері орасан зор. Бүкіл жаратылысты жақсы көріп,оны сүю арқылы жан дүниең байып, көңілің өседі. Махаббат ертеңгедеген үмітіңді оятып, сеніміңе серік болады. Үлкен істерге бастап, шабытыңа шабыт қосады.

Сахналау.

Атасы немересіне қалай жауап берді деп ойлайсыңдар?

Сендер қалай жауап берер едіңдер?

Өз нұсқалапрыңды ұсыныңдар.

Атасы:Айналасындағыларды жақсы көрмеген адам әрқашанда өзін бақытсыз сезінеді
немересі: Барлық адамды жақсы көру мүмкін емес қой

Атасы: Мүмкін болғанда қалай. Бұл – өте қарапайым нәрсе. Тек қана барлығына жақсылық тілеп, ниетің мен ойыңды жақсылыққа бағыштасаң болғаны....

Немересі: мен бұған қалай үйренсем екен...

Жүректен-жүрекке.

Міне, саған ойланатын келді күн,

Азамат боп атқа міндің сен бүгін.

Бірақ атқа мінгеніңнен не пайда,

Жүрегіңде қалғып жатса, ерлігің.

А-а-а бозбала,

Қанатыңды талдырма, алай-түлей жаңбырда,

Тізгініңді беріп қойма тағдырға,

Қуанышым.

Жан-тәніңмен бір адамды сүймегенің үшін,

Сүйе алмағаның үшін

Табиғаттың алдында кінәлісің.