"Наурыз – жыл басы" т?рбие са?аты

«Манашы орта мектебі»ММ

Тақырыбы: Наурыз – жыл басы

2015 – 2016 оқу жылы

Наурыз – жыл басы

Күні:

Сабақтың мақсаты:Оқушыларға қазақ халқының тұрмыс – тіршілігінде, әдет-ғұрпында ерекше орын алған – “Наурыз” тойының ерекшелігін, табиғат пен адамның байланысын баланың жас ерекшеліктеріне байланысты әрі өзін қатыстыра сөйлету. Имандылыққа тәрбиелеу.

Көрнекілігі:Нақыл сөздер, ұлттық ойын суреттері.

Сабақтың барысы:

–Құрметті ұстаздар, ата-аналар, оқушылар! Қазақ халқының тұрмыс-тіршілігінде, әдет-ғұрпында ерекше орын алатын, ертеден тойланып келе жатқан мейрамның бірі – Наурыз. Яғни күн мен түннің теңеліп, қар еріп, көк шыға бастайтын көктем әні. Сондықтан наурыз күнін ертедегі адамдар жаңа жылдың басы – Ұлыстың ұлы күні деп есептеп, жақсы тілек, зор қуанышпен қарсы алған. Жұрт ел аралап, үйлерге кірген, наурыз көже ішіп, жастар ән шырқап, палуан күресіп, ойын-сауықпен өткізген.

Жер әлемді жайнатып, әнші құстарды сайратып, Наурыз тойын тойлатып Ұлыстың ұлы күні келді, тойларыңыз құтты болсын! Ақ мол болсын!

1-жүргізуші: Дендеріңіз сау, отбасыларыңыз аман болсын! Тойымыз тойға ұлассын дей отырып, “Наурыз – жыл басы” атты тәрбие сағатымызды бастаймыз.

2-жүргізуші: Наурыз келсе, құт келгені халайық.

Есік ашып,шашу шашып,

Ел боп қарсы алайық.

1-жүргізуші: Той пердесін ашайық,

Тойға шашу шашайық,

Той шашуға тойыңдар,

Бұдан кейін ойын бар.

2-жүргізуші: Уа, жараңдар, жараңдар,

Көңіл – бар, алаң бар.

Наурыз тойы басталды,

Бәрің бері қараңдар.

1-жүргізуші: Ендігі кезек оқушылардың өлең-шумақтары.

1-оқушы: Наурыз келді, жайраң қақты таң күліп,

Жап-жасыл боп кетті дүние жаңғырып.

Жақсылыққа жаршы болған Наурызым,

Сен өмірдің көктемісің мәңгілік.

2-оқушы: Наурыз тойың, наурыз тойың,

Құтты болсын, халайық!

Күй төгілсін, күй төгілсін,

Шырқап әнге салайық.

3-оқушы: Малдар төлдеп, қой қоздап.

Сүттен бұлақ ағызған.

Жаңа жылдың сипаты,

Молшылыққа аңыз боп,

Басталыпты Наурыздан.

4-оқушы: Құтты болсын наурыз той,

Құлпырып тұр қырмен ой.

Күн мен түн теңелді,

Жер шуаққа кенелді.

2-жүргізуші: Ұлыс күні кәрі, жас,

Құшақтасып көріскен

Жаңа ағытқан қозыдай

Жамырасып өріскен.

1-жүргізуші: Келіңіздер, Наурыз күнін

Қарсы алайық, билейік,

Жыр жырлайық, ән салайық.

Ән: Наурыз думан

2-жүргізуші: Ұлыс бақты болсын,

Әр күніміз жақсы болсын,

Достығымыз берік болсын,

Білім-өнер серік болсын.

1-жүргізуші: Ау, жараңдар, келіңдер!

Той қызығын көріңдер!

Наурыз айға бас иіп,

Күнге сәлем беріңдер.

Көрініс:

Қонақ шал: Ассалаумағалейкум! Жылдарыңыз құтты болсын!

Үй иесі шал: Қош келдіңіздер! Төрлетіңіздер!

Қонақ шал: Осы үйде кішігірім той болып жатыр дегенді естіп келіп қалған жайымыз бар.

Үй иесі шал: Иа жақында немерем дүниеге келіп, соны бесікке салайын деп жатырмыз.

Қонақ кемпір: Иа құтты болсын! Баланың атын кім қойдыңыздар?

Үй иесі кемпір: Наурыз айында туылғансоң, мерекеге байланысты немереміздің есімін Наурызбай қойдық.

Үй иесі шал: Жақсы келдіңдер, олай болса баламызды бесікке салайық. Келінім немеремді әкеле қой.\

Үй иесі кемпір: (Тыштырмай жасайды) Тышты ма?

Әлди, әлди ақ бөпем,

Ақ басікке жат бөпем,

Жылама бөпем, жылама

Жілік шағып берейін

Жілігіңнің басына,

Үкі тағып берейін.

Үй иесі шал: Ұлыс күні қазан толса,

Сол жылы ақ мол болар.

Ұлы кісіден бата алсаң,

Сонда олжалы жол болар.

Сіздерден бата сұраймыз!

Қонақ шал: Олай болса мен бата беріп жіберейін.

Ұлыс оң болсын!

Ақ мол болсын!

Ұлыс бақ ты болсын!

Төрт түлік ақты болсын!

Ұлыстың ұлы күнінде,

Ұлың оңға қонсын!

Менің берген ұлы батам,

Алланың құлағына шалынсын!

(Әумин).

Қонақ шал: Қой онда біз тұрайық.

Үй иесі шал: Біздің есігіміз сіздерге әрдайым ашық,келіп тұрыңыздар.

Қыс өтіп, қар еріп.

Шырайлы жаз жетіп.

Мейрамы ежелден,

Құтты болсын Наурыз!

6-оқушы: Ұлыс бақыт әкелсін,

Әр күніміз жақсы болсын!

Достығымыз берік болсын!

Білім-өнер серік болсын!

Ұлыс оң болсын!

Бестік баға мол болсын!

7-оқушы: Көктем жетті көл-көсір шуақ болып,

Қыс барады қиылып жылап тұрып.

Шатырында үйлердің Наурыз жүр,

Мұз көрпесін лақтырып.

1-жүргізуші. Наурыз келіп құлпырып айналаға,

Жан беріп, нәрлендіріп тау-тасқа да.

Нұрланар бар дүние наурызда,

Ормандарда құстар сайрап, бұлбұл да.

2-жүргізуші: Тауларды тол тырып үндерге,

Бауларды толтырып гүлдерге.

Аққулар келеді асығып,

Қонуға көлі көп бір жерге.

Көктемде келеді біздерге.

8-оқушы: Бақта құстар сайрайды,

Жайнап көктем нұрымен.

Жаңа дәстүр жырымен,

Ел наурызды тойлайды.

9-оқушы: Күн мен түн теңелді,

Жер шуаққа кенелді.

Қуанышты ел енді,

Наурыз келді сал тымыз.

Көгерсін деп халқымыз,

Көшеге тал егеміз,

Жарқырады күніміз,

Жайқалып жас гүліміз.

1-жүргізуші: Осымен біздің кешіміз аяқталды, тыңдағандарыңызға көп-көп рахмет.