Болаша??а жол бастар, бастауыш білім данасы.

Бастауыш сынып пәндерінің апталығының ашылуына арналған қойылым

Апталықтың тақырыбы: «Болашаққа жол бастар, бастауыш білім данасы ».

Апталықтың мақсаты: Оқушылардың танымдық көзқарасын, ой-өрісін, дүниетанымын кеңейту, логикалық ойлау, шапшаңдық, ізденімпаздық, іскерлік қасиеттерін қалыптастыру, өз пікірін қорғай алуға үйрету. Ойы жүйрік, танымдық деңгейі жоғары, интеллектуалды оқушылардың дарынын ашу, белсенділігін арттыру, білімділігін көтеру.

Көрнекілігі: Слайд, стенд.

Барысы:

Жүргізуші: Жер бетінде адам өмір өткізер

Бар нәрсеге білім қолды жеткізер.

Бар ізгілік тек білімнен алынар.

Білімменен аспанға жол салынар, -деп Ж. Баласұғыни

айтқандай, бүгінгі күнде ел болашағы жасөспірімдердің сапалы білім мен саналы тәрбиесіне тікелей байланысты.

Сол білімнің көзі бастауышта біріледі емес пе?

Өсіп ой мен санамыз

Өмірге жол саламыз

Білім қуған баламыз

Бастауыш сыныптар арасында жүзден жүйрік, мыңнан тұлпарлар да баршылық.

Бүгін біздің мектебімізде үлкен мереке. Бұл –білім мерекесі. «Болашаққа жол бастар, бастауыш- білім данасы» атты басатауыш пән бірлестігінің апталығын ашуға рұқсат етіңіздер.

Балалар қазір ортаға білім еліне саяхат жасауға Дымбілмеспен Білгішбек келеді.

Дымбілмес: Ау, балалар, тоқтаңдар мыналар неге жиналған, әй.

Білгішбек: Сәлеметсің бе? Дымбілмес бүгін бастауыш сыныптарда аптылқ өткелі жатыр.

Дымбілмес: Апталық, апталық дейсің бе? Е олай болса неге асықтыңдар. Менде осы оқушыларды іздеп жүр едім. Мені білім министрі жіберді арнайы тапсырмамен жіберді . Барлық пәндер бойынша сынақ аламын. Екіліктер қоямын. Ештеңе білмейтіндеріңді дәлелдеп, осы бастауышта қалдырамын.

Білгішбек: Өкпеңізді басыңыз, Дымбілмес біздерді тыңдап білімімізді сынап көріңіз. Біз дайынбыз. Солай ғой балалар.

Дымбілмес: Олай болса алдымен өздеріңнің ана тілідерің-қазақ тілінен білімдеріңді көрейін. Ал кәне кім қандай нақыл сөз біледі?

( Балалар нақыл сөз айтады)

Дымбілмес: Жақсы, нақыл сөздер біледі екенсіңдер. Ал енді Отан, оқу, білім туралы қандай мақал-мәтелдер бар. Кім айтар екен көрейін? (Балалар мақал-мәтелдер айтады)

Дымбілмес: Жарайды, мақал –мәтелдер кім білмейді дейсің. Оданда мықты болсаңдар «Сөз тақпақтарын» айтып беріңдер.

Білгішбек: Олай емес, сөз тақпақтары емес, сөз таптары. Олар – зат есім..... .

Дымбілмес: Жарайды. Оны да біледі екенсіңдер. Енді қандай тапсырма берсем екен?

Таптым! Таптым «Зат есіктер» туралы айтасыңдар?

Білгішбек: Өзің дым білмейді екенсің ғой! Дұрысы зат есімдер.

Дымбілмес: Енді қайттым, ааа етік, етіктер туралы айтыңдаршы?

Білгішбек: Балалар, Дымбілместің айтуы дұрыспа? Етіктер ме еді.

(Балалар жоқ дұрыс емес, етістіктер.)

Дымбілмес: Бұл өмірде есепсіз жүру мүмкін емес. Сондықтан математикаға кезек берейік. (қызықты есептер оқу.)

Дымбілмес: Жарайды, сендерге дайындаған енді бір қиын тапсырмам бар. Соны беріп көрейік. Ол «Бастауыш» атты сөз жұмбақ дайынсыңдар ма?

Балалар: Дайынбыз. (Экраннан сөз жұмбақ көрсетіледі. Балалар жауаптарын айтады).

Дымбілмес: Мыналар, ақылды екен, сөз жұмбақты да шешіп тастады, қой болмас мен басқа ақылсыз балаларды іздестірейін.

Білгішбек: Дымбілмес көрдің бе? Біздің балалар қандай білімді ақылды екенін. Сенде білім алып, оқуды үйренгің келе ме?

Дымбілмес: Иә, оқығым, білгім келеді.

Білгішбек: Олай болса, біздің аптылқта болатын сайыстарға қатысып, біліміңді толықтыр.

Дымбілмес: Жарайды. Сау болыңдар балалар.

Жүргізуші: Ойлантатын есептер

Сандар сыры сиқырлы.

Ғылымдардың патшасы

Математика сабағы , -деп кезек математикалық тапсырмаларға беріледі.

(слайд).

Жүргізуші: Балалар , әдебиеттік оқу кітабынан оқыған ертегілер мен әңгімелерді жақсы көретіндіктері соншалық оларды баяндап беріңдерші. (слайд)

Жүргізуші: Жер байлығы көп екен,

Меңгеруді қалайды.

Осының бәрін білдірген

Дүниетану сабағы, - деп кезекті дүниетанымымызды саралайтын

сауалдарға береміз.(слайд)

Апталықтың жоспарымен таныстыру.

Жүргізуші: Кеудеңнен сезім селі ақтарылсын

Боларсың күні ертең- ақ мақтанышым

Білім алып, тер төгіп еңбек етсең,

Өзіңнің сеніміңді ақтарсың шын.