Ziyrak uch yigit

O‘ZBEKISTON RESPUBLIKASI

XALQ TA’LIMI VAZIRLIGI

NAMANGAN SHAHAR XALQ TA’LIMI

BOSH BOSHQARMASI

NAMANGAN TUMANI XALQ TA’LIMI BO‘LIMIGA QARASHLI

34-MAKTABNING BOSHLANG‘ICH SINF O‘QITUVCHISI

ROBIYAXON KADIROVANING O‘QISH FANIDAN 4-SINF UCHUN

“ Ziyrak uch yigit” MAVZUSIDA

DARS ISHLANMASI

Sinf:4 FAN: Oʻqish

Mavzu: “Ziyrak uch yigit” ertak

Mavzu: “ Ziyrak uch yigit” ertagi
Mavzuga oid tayanch tushunchalar: Ismoil, Ibrohim ,Umar, to‘g‘riso‘z, fahm-farosat, otliq, askar, tuya egasi, tuya, shoh Soatlar soni: 1 soat
Mavzuning qisqacha ta`rifi: ertak o‘quvchilarni , to‘g‘riso‘zlikka, fahm-farosatlilikka o‘rgatadi
Oʻquv jarayonini amalga oshirish texnologiyasi: Dars turi: yangi tushuncha va bilimlarni shakllantiruvchi dars. Dars metodlari: suhbat , ko‘rgazmalilik, tushuntirish, “Sinkveyn” metodi, “Zanjir” usuli, “Rebus bilagʻoni”, “ Qahramonni top” oʻyini. Dars jihozi: darslik, mavzuga oid rasmlar, didaktik va tarqatma materiallar, multimediali ilovalar. Baholash: Oʿquvchilar bilimi reyting mezonlari asosida baholanib,dars oxirida e`lon qilinadi.
Darsning maqsad va vazifalari
Maqsadlar: Ta’limiy: oʻquvchilarni “ Ziyrak uch yigit” ertagining mazmuni bilan tanishtirish, toʻgʻrisoʻzlik va halollik haqida ma’lumot berish, ogʻzaki va yozma nutqini oʻstirish, mustaqil fikrlashga oʻrgatish TK2:mavjud axborot manbalariga (kitob, telefon, kompyuter) foydalana olish; FK1: og‘zaki va yozma matnlar mazmuniga to‘g‘ri baho bera bilish ; Tarbiyaviy: o‘quvchilarni ziyraklik, topqirlik, tadbirkorlik qobiliyatlarini oʻstirish, milliy va umuminsoniy qadriyatlarni e’zozlash va ularga amal qilish ruhida tarbiyalash. TK5 : umuminsoniy qadriyatlarni e’zozlash va amal qilish. Rivojlantiruvchi: o‘quvchilarning bogʻlanishli nutqini oʻstirish, lug‘at ustida ishlash, o’z xatti-harakati, fikr-mulohazalariga tanqidiy yondasha olish, o’zini nazorat qila bilish, og’zaki va yozma matnlar mazmuniga to’g’ri baho bera bilish, mustaqil fikrlash qobiliyatlarini rivojlantirish. FK2: asar mazmunidan ta’sirlana olish;
Dars jarayoni va texnologiyasi
Ishning nomi	Bajariladigan ish mazmuni	Metod	Vaqt
I-bosqich Tashkiliy qism	Oʿquvchilar davomati aniqlanadi. Sinf oʿquvchilariningdarsga tayyorgarligi tekshiriladi.	“ Raqamlar tilsimi” oʿyini	2 daqiqa
2-bosqich Ehtiyoj (refleksiyalarni aniqlash)	Dars shiori tanlanadi. Dars davomida rioya qilish lozim boʿlgan qoidalar belgilanadi.	Suhbat	2 daqiqa
3-bosqich Darsning borishi	1.Otgan darsni soʿrab baholash, oʿqish malakalarini tekshirish 2. Test topshiriqlari yechiladi 3. “ Rebus bilag‘oni” oʻyini 4.Ertakni oʿqishga tayyorgarlik va o`qish 5. Lugʿat ishi. 6. Dam olish daqiqasi	Savol-javob Izlanish Izlanish Suhbat Namoyish	4 daqiqa 5 daqiqa 4 daqiqa 5 daqiqa 2 daqiqa 1 daqiqa
4-bosqich Mustahkamlash	1 “ Zanjir” usulidan foydalanib, ifodali qilib oʻqitiladi. 2. “Qahramonini top” o‘yini 3.”Sinkveyn” metodi 4. O’qituvchi savollariga javob topiladi.	Izlanish Izlanish Suhbat	5 daqiqa 5 daqiqa 5daqiqa 2 daqiqa
5-bosqich Dars yakuni va baholash	Oʿquvchilarning darsda ishtiroki hisobga olinib,reytingi e`lon qilinadi. Dars yakunlanadi.	Baholash	2 daqiqa
6-bosqich Uyga vazifa berish	Ertakni oʿqib, mazmunini soʿzlab berish	Tushuntirish	1 daqiqa

Darsning borishi:

I.Tashkiliy qism.

Salomlashish

O’qituvchi:

-Salom shirintoylarim,yulduzlarim oylarim,

Latofatga boylarim, ham sho’x quvnoqlarim.

Tinglab mening so’zlarim,olgan siz saboqlarim,

O’ylab puxta javob bering,hozir qay dars aytib bering.

O‘quvchi: Hozir o‘qish darsi

B) Darsimiz shiori:

-Bilim ol, hunar tanla!

-Bilim olib, hunarli bo`lishimiz uchun eng kerakli boyligimiz bu_____

-Sog`ligimiz.

O’qituvchi: Sizlar qanday bolalarsiz?

Hamma:Bizlar– buyuk yurt osmonida go’zal kamalak,

Barkamol avlod bo’lmoq –eng ezgu tilak.

Davomatni aniqlash

O

Qani,ayting bolalar,

Kim navbatchi bo’ladi?

Ushbu kunning hisobin

Menga aytib beradi.

’qituvchi:

-Bugun oddiy dars emas,

Balki sinov darsidir.

O’tib olsak sinovdan,

Bu hammadan yaxshidir.

O‘quvchilarni darsga hozirlash.

-Hamma sog` omonmi?

-Ha.

- Juda yaxshi demak darsda hamma bor.

E) Fasl haqida suhbat o`tkazish

-Hozir yurtimizda qaysi fasl ?

-Hozir yurtimizda kuz fasli.

-Kuz faslida tabiatda qanday o`zgarishlar r`oy beradi?

-Kuz faslida havo soviydi, yomg`ir yog`adi, daraxtlarning barglari sarg`ayib to`kiladi, dalalarda yig`im-terim ishlari boshlanadi.

“Raqamlar tilsimi” o‘yini

-Bu faslda yurtimizda qanday bayramlar nishonlanadi?

sonlarni bu faslda yurtimizda nishonlanadigan bayramlarni aytishingiz zarur

1-sentabr “Mustaqillik bayrami”, 1-oktabr “Ustoz va murabbiylar kuni”,

2-sentabr “Bilimlar kuni”,

21-oktabr “Til bayrami”,

18-noyabr Bayrog`imiz qabul qilingan kuni va “Mehrjon bayrami” nishonlanadi

II.Uy vazifasini so‘rash va o‘tilgan mavzuni mustahkamlash.

Oʻquvchilarning ayrimlaridan “Hunarsiz kishi oʻlimga yaqin” ertagining mazmuni so‘raladi. Oʻtilgan mavzular asosida test o‘tkaziladi.

Test topshiriqlari

1 Hunarsiz kishi oʻlimga yaqin “ ertagida qiz nima uchun podshohga turmushga chiqmasligini aytadi?

A) yoqtirgani borligi uchun D) boyligi uchun

B) hunarsiz boʻlganligi uchun E) kambagʻalligi uchun

2. Podshoh qancha muddatda gilam toʻqishni oʻrgandi ?

A) 25 kunda B) 1 oyda D) 1 yilda E) 15 kunda

3. Podshoh nima uchun zindonda tushib qoladi?

A) sayr qilib yurgani uchun D) kabob yegisi kelgani uchun

B) oʻzi yurgani uchun E) qorongʻida yurganligi uchun

4. Vazir gilamning chetida nimani koʻrib qoldi?

A) muhrni D) shtampni

B) belgini E) nuqtani

5. Podshoh va zindondagilarni nima qutqarib qoldi?

A) kuch B) podshoh

B) hunar E) lashkarlar

III. Yangi mavzuni tushunturish.

“Rebus bilagʻoni” oyini

O‘quvchilarning topqirlik, ziyraklik kabi xislatlarini shakllantirish, mantiqiy fikrlash qobiliyatlarini rivojlantirish maqsadida rebus yechiladi

Javob: Ziyrak uch yigit

Bugungi darsda siz bilan ” Ziyrak uch yigit” ertagi bilan tanishamiz. Ertak haqida olingan ma’lumotlari soʻraladi.

Matn mazmuni o‘qituvchi tomonidan tushuntirib beriladi. Matn asosida savol- javob o‘tkaziladi.

1. Ertak kimlar haqida ekan?

2. Ertakda qanday xislatlar ochib berilgan?

Hikoyadagi notanish so‘zlar yuzasidan lug‘at ishi o‘tkaziladi.

Lug‘at ishi:

fahm-farosat-aql-idrok

mabodo-ehtimol

hayratda qolib- hayron bo`lib

IV.Yangi mavzuni mustahkamlash.

Darslik bilan ishlash:

O‘quvchilarga “ Ziyrak uch yigit” ertagii ”Zanjir usuli”dan foydalanib, navbatma- navbat oʻqitiladi. Mavzu mazmuni qismlarga boʻlib soʻzlatib mustahkamlanadi. Darslikdagi savollarga javob topiladi.

1.Aka-ukalar tuyaning qandat belgilarini aytishdi?

2. Hokim ularni nima uchun zindonga tashladi?

“Qahramonni top” o‘yini,

Bu o`yinda o`quvchilar berilgan gaplardan qahramonlarning ismini topishi zarur

Sinkveyn metodi

«Sinkveyn» - berilgan mavzu bo‘yicha bir necha so‘z orqali matnni bayon qilish mumkin bo‘lgan usul.

Bu usuldan mavzuni mukammal o‘rganish maqsadida foydalaniladi.

O‘quvchilar sinkveyn tuzish qoidalari bilan tanishtiriladi. Shu qoidalar asosida ertak mavzusiga oid sinkveyn tuzish taklif etiladi. Hamma sinkveyn tuzganiga ishonch hosil qilingach, xohishiga ko‘ra o‘qitiladi.

Masalan

V.Darsga yakun yasash va baholash.

O‘quvchilarga yangi mavzu yuzasidan olgan bilim, ko‘nikma va malakalarini mustahkamlash maqsadida quyidagicha savollar bilan murojaat etiladi:

1. Darsdan nimalarni bilib oldingiz?

2.” Ziyrak uch yigit” ertagida Ibrohim qanday xislatlarga ega?

3. Ibrohimning qaysi xususiyatlari sizga yoqdi?

4. Ertakni oʻqib qanday xulosa chiqardingiz?

O‘quvchilarning javoblari to‘ldirilib, umumlashtiriladi va dars yakunlanadi.

Dars davomida faol qatnashgan o‘quvchilarning faolliklari tahlil qilinib, baholanadi.

VI.Uyga vazifa berish.

“ Ziyrak uch yigit” ertagini oʻqish, oʻrganish,darslikdagi savollarga javob yozish, soʻzlab berish. Topqirlik, ziyraklik haqida maqollar yozib kelish