Жылы жүрек-жақсы тілек

Мақсаты: Балаларға жылы жүрек-жақсы тілек екендігін сүйіспеншілік құндылығы арқылы түсіндіру.

Міндеттері:

-оқушыларға кешірімшіл болу туралы түсінік беру;

-оқушылардың бойына шынайылық қасиеттерін дамыту;

Оқушыларды адамдарға риясыз қызмет етуге тәрбиелеу;

Сабақтың барысы:

1.Ұйымдастыру кезеңі.Тыныштық сәті

ОРМАНҒА ОЙША СЕРУЕН. (Ескерту: егер бұл сабақ ашық алаңда өткізілсе, онда серуенді сыныпта емес, бақтағы бір орыннан бастау керек).

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желді және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Ресурстар:

2.Үй тапсырмасын тексеру: Е.Өтетілеуовтің «Көңілді балалар әні» сұрау.

1. Адамдарға жылы жүрекпен жақсы тілек тілеген сәтте қандай сезімде боласыңдар?

2. Ал өздеріңе жылы сөз айтып, жақсы тілек тілеген кезде қандай сезімге бөленесіңдер?

Сабақтың барысын талқылау:

3.Әңгімелесу (сұхбат): Е.Шайқыұлы «Жақсы ата»

1. Немересі атасына қандай жақсы тілек айтты?

2. Атасының немересіне деген жылы жүрегі қалай байқалады?

3. Өздерің жылы жүрекпен жақсы тілек айтқан кездеріңді еске түсіріп көріңдер?

4.Дәйек сөз:

Жақсы сөз-жан жылытар.

Халық мақалы

1. Осы дәйек сөзден не түсіндіңдер?

2. Тағы қандай жақсы мақалдар білесіңдер?

5.Шығармашылық жұмыс:

«Жақсы тілек тілеймін достарыма» тақырыбында эссе жазу.

6.Топпен ән айту:

Бала тілегі

Сөзі жазған: С.Молдасынұлы

Әнін жазған: Ф.Лұқпанова

7.Үй тапсырмасын беру: Е.Ашықбаевтің «Мен өсемін» атты өлеңін жаттау.

8.Бағалау: Бүгінгі сабаққа белсене қатысқан оқшыларға рахмет!