Ж?мекен Н?жімеденов «Сен а?ылды болса? екен...», «Жаманы?ды к?рмесем" ?ле?дері

Сабақтың тақырыбы: Жұмекен Нәжімеденов «Сен ақылды болсаң екен...»,

«Жаманыңды көрмесем»

Сабақтың мақсаты: 1) Білімділік: Жұмекен Нәжімеденовтің өмірімен, шығармашылығымен танысады;

2) Дамытушылық: Оқушылардың ойлау қабілеттерін артады; Өз бетімен жұмыстануға машықтанады;

3) Тәрбиелік:Оқушылар бойына қайырым, аяныш, төзім, қайрат, қарапайымдылық секілді қасиеттер қалыптасады; отбасындағы үлкендерді сыйлап, қадірлеуге дағдыланады.

Сабақтың көрнекілігі: слайдтар, өз бетімен жұмыстануға арнайы дайындалған қағаздар.

Сабақтың әдіс-тәсілдері: СТО технологиясының болжау, топтастыру,қылқалам стратегиялары, түсіндіру, сұрақ-жауап

Сабақтың жүрісі:

І Қызығушылығын ояту:

А) - Сәлемдесу, түгендеу:

- Сабаққа даярлығын тексеру.

Ә) – Үй тапсырмасын сұрау:

Жұмекен Нәжімеденов туралы мәлімет беремін.

ІІ -Мағынаны тану:

1. Қылқалам стратегиясын пайдаланып «Әке-отбасы тірегі» тақырыбына эссе жазу.

2. Оқушылар өлеңдерді мәнерлеп оқып шығады.

Сен ақылды болсаң екен...

Сен ақылды болсаң екен, міне -арман ,

Үміт, сүю,түңілуден құралған, 

Жақсы жанның ұнатқаны –тілегім ,

Қауіптенем жамандарға ұнаудан.

Сен әуелі тереңірек көр, үңіл,

Ілер болсаң- биіктіктен көріп іл,

Әрбір жолым қиынрақ қиысса,

Қиындыққа жасаған бір жорығым,

Тек әйтеуір, асықпашы, байқа әлі,

Қарап көрші, қарап көрші қайта алып.

Тілге көнбес нәрселерді кейде мен

Емеурінмен, иегіммен айтамын.

Көркемдікті жасырамын мен кейде,

Түк қалдырмай көз көретін деңгейге

Мен түгілі табиғат та, асылын

Тереңірек, тереңірек көмбей ме?!

Жаманыңды көрмесем

Ала алмаған жау бізден мекендей бір,

Мекендей берік болсаң екен деймін.

Жақсының бәрін өзім мақтан етіп,

Жаманыңды көрмесем екен деймін.

Саған мұным қаталдау жетер, мейлі,

Бұл тілегім кетпес –ау бекер деймін:

Ылғи сенің тойыңда күй тартқаным,

Күйігіңді тарпасам екендеймін.

1. Әр топқа өлеңнің бір шумағы мазмұнын ашып, мағыналық талдау жасауға беріледі.

2. Өлең тақырыптары бойынша сұрақ қою.

1.Ақын өлеңдерін кімге арнап отыр?

2.Барлық Әке арманы не?

3.Автордың айтпақ ойы не?

1. «Кешегі және бүгінгі қазақ отбасы» тақырыбына эссе жазамыз

VІ – Үй тапсырмасын беру:

«Менің отбасым» тақырыбына ойтолғау жазып келу.

VІІ – Оқушыларды бағалау.

Сабақтың тақырыбы: Жұмекен Нәжімеденов

«Сен ақылды болсаң екен...»,

«Жаманыңды көрмесем»

өлеңдері