Жазбаша ?осу мен азайту, кестелік к?бейту мен б?лу жа?дайы, есеп шы?ару, геометриялы? фигураны? периметрі мен ауданын табу білімдерін ?айталау

Математика

Сабақтың тақырыбы: Қайталау.

Мақсаты: Жазбаша қосу мен азайту, кестелік көбейту мен бөлу жағдайы, есеп шығару, геометриялық фигураның периметірі мен ауданын табу білімдерін бекіту.

Білімділік: Есептер шығару, жазбаша қосу мен азайту кестелік көбейту мен бөлу жағдайы, геометриялық фигураның периметірі мен ауданын табу дағдыларын жетілдіру.

Дамытушылық: Оқушылардың логикалық ойлау, танымдық қабілеттерін арттыру.

Тәрбиелік: Қысқы ойындар арқылы балаларды ұйымшылдыққа, жылдамдыққа,өз беттерімен жұмыс істей білуге, шапшаң әрі қатесіз есептей білуге тәрбиелеу.

Сабақ типі: Білімді бекіту, бір жүйеге келтіру.

Сабақтың түрі: аралас сабақ.

Сабақтың әдісі: түсіндіру, сұрақ – жауап, қайталау.

Көрнектіліктер: слайдтар, қысқы ойындар, дидактикалық үлестірмелер, фигуралар.

Пәнаралық байланыс: дене шынықтыру.

Сабақтың барысы:

І. Ұйымдастыру кезеңі. 1. Сабаққа дайындық. Оқушылардың назарын сабаққ аудару. 2. Психологиялық дайындық. «Шаттық шеңбері»

Қайырлы күн досым, Қайырлы күн болсын. Бүгінгі сабақ, Сәттілікке толсын. Біздің алар бағамыз, Барлығыда бес болсын.

Математика – ғалымдар патшасы,- деген екен Абай атамыз. Яғни, математиканы білсек барлығын да біледі екенбіз. – Барлығына сәттілік тілеймін.

ІІ.Үй жұмысын тексеру. 1.Үй жұмысы. 2. Миға шабуыл . Ауызша есептеу. а) 7- ні 5 есе арттыр; ә) 32 – ні 4 есе кеміт; б) 7 мен 8 сандарының көбейтіндісінің мәнін тап; в) 8 – ді 5 арттыр; г) 48 бен 8 сандарының бөліндісінің мәнін тап. Ғ) 56 мен 8 сандарының бөліндісінің мәнін тап. 3. Логикалық тапсырмалар. а) Екі аяғымен түрегеліп тұрған адамның салмағы 50 кг, ал бір аяғымен тұрған адамның салмағы неше килограмм? Ә) 1 жұмыртқаны қайнатуға 3 минут кетсе, 5 жұмыртқаны қайнатуға неше минут кетеді? Б) 2 адам 4 сағат шахмат ойнады. Олардың әрқайсысы неше сағат шахмат ойнады? В) Мектепке келе жатқан балаға қарсы жолда тағы 4 бала жолықты. Мектепке неше бала барады?

ІІІ. Мақсат қою кезеңі. Қайталау.

ІҮ. Жаңа сабақ. – Дәптерімізді ашып, бүгінгі күнді жазамыз. Ақпанның 9-ы. Сынып жұмысы. – Қазір жылдың қай мезгілі? - Қыс мезгілі сендерге ұнай ма? - Ал қыс мезгілінде қандай ойындар ойналады? - Олай болса, бүгінгі сабағымызда осы қысқы ойын түрлерін ойнайтын боламыз. Әр ойының бізге әкелген тапсырмасы бар. Біз сол тапсырмаларды дұрыс орындасақ, біз де ойынды ойнаған болып есептелеміз. – Қыс мезгілінде ойнайтын қандай ойын түрлерін білесіндер?

1-тапсырма. Шаңғы тебу. 39 бет. №2

(10+80)*5= (13+27)*4= (100+80)*5= (100+70)*4=

(24+6)*2= (12+18)*3= (400+60)*2= (200+80)*3=

2 – тапсырма. Аққала соғу. Тік төртбұрыштың ұзындығын, енін, ауданың, периметрін табу. 39 бет. №3

3 – тапсырма. Коньки тебу. Тақтамен жұмыс. Есеп шығару 39 бет. №1

Сағат жөндеуші сағатты ашып, ішін тазалауға 15 минут, ал оны қайта жинауға 5 минут уақыт жұмсады. Ол осындай 3 сағаттың ішін тазалап, қайта жинауға қанша уақыт жұмсады?

Сергіту сәті. (қармен атысып ойнау)

4 – тапсырма. Хоккей ойнау. Амалдарды орындау.

24 + 6 * 8 – 45 : 5 9 * 6 – 3 * 6 + 19 - 27 : 9

6 * 4 : 3 : 2 * 6 48 : 6 : 2 * 6 : 3 * 2

78 – 5 * 4 + 7 * 7 36 : 4 + 5 * 5 – 12 + 6 * 7

5 –тапсырма. Шана тебу . Теңдеулерді шешу.

465+х=1000 1000 – х=465 х – 535 =465

Х : 3 = 80 х * 9 = 810 420 : х =6

ІҮ. Қортындылау.

• Сабақ ұнады ма? Смайлик белгісімен көрсету

• Бүгін сабақта не үйрендік?

• Өткен тақырыпты қайталадық.

Ү. Үйге тапсырма. 39 бет. № 5. Көбейту кестесін қайталау.