Жалпыадамзаттық құндылықтар-мектептің тұтас педагогикалық үдерісінің негңізі

Мақсаты:Рухани-адамгершілік білім беруде жалпыадамзаттық құндылықтар-мектептің тұтас педагогикалық үдерісінің негізі екенін ұғындыру.

Міндеттері:

1.Рухани-адамгершілік білім берудегі жалпыадамзаттық құнды-лықтардың мәнін ашу.

2.Рухани-адамгершілік білім беруде жалпыадамзаттық құндылықтарды сабақ барысында қолдануын дамыту.

3.Рухани-адамгершілік білім беруді мектептің тұтас педагоги- калық үдерісіне интеграциялау

Ресурстары:

Интерактивті тақта,

ватман,маркер

Жоспар:

1.«Өзін-өзі тану» рухани-адамгершілік білім беру бағдарламасының психологиялық-педагогикалық негіздері

2.«Өзін-өзі тану» рухани-адамгершілік білім беру бағдарламасының аксиологиялық негіздері

3.«Өзін-өзі тану»рухани-адамгершілік білім беру бағдарламасын басқа пәндермен интеграциялау

1.Классиктер рухани-адамгершілік білім туралы.

«Болмыстың өткені де, болашағы да жоқ. Болмыс – таза қазіргі сәт».

Парменид

Өмір қарама қайшылықтан туындайды, сол арқылы өмір танылады.

«Ауру - денсаулықтың, аштық - тоқтықтың, шаршау – демалыстың қадірін арттырады»

Гераклит

Ізгілік психологиясының классиктері.

«Адамдар да өсімдіктер сияқты кейбіреулері жарықта, кейбіреулері көлеңкеде өскенді қалайды. Жарықтан гөрі көлеңкені қалайтыңдар да бар».

К.Г.Юнг

Сананың құрылымы туралы айту.

2. Аксиология (грекше ἀξία – құндылық және λόγος – ілім) - «құндылық» категориясын зерттейтін философия саласы.

Адам үшін аса маңызды заттар, құбылыстар, қасиеттер, жай күйлер құндылықтар деп аталады

Т.И. Петракова құндылықтар жүйесін үшке бөліп қарастырды

1.Табиғи құндылықтар.

2.Жүре пайда болған құндылықтар.

3.Жалпыадамзаттық құндылықтар.

Жалпыадамзаттық құндылықтар:

Қиянат жасамау – ешкімге оймен, сөзбен, әрекетпен қиянат жасамау.

Қиянат жасамау –Ақиқат, Сүйіспеншілік, Дұрыс әрекет және ішкі тыныштықтың іс жүзіндегі тәтті жемісі.

Ақиқат –өмір энергиясының өн бойынан өтетін парасатты мәңгілік барлық болмыстың бастапқы табиғаты туралы ғылым. Ол тығыздала отырып, материалдық әлем ретінде көрініс береді.

Сүйіспеншілік- эмоция емес. Ол дүниені өзгертуге бейім, өмір беруші және демеуші қуатты энергия.

Ішкі тыныштық пен қуаныш біздің шынайы ішкі табиғатымыз

Ақиқат жолымен жүруден Дұрыс әрекеті туындайды, оның қағидаты- өзіне де, өзгеге де, табиғатқа да еш зиян келтірмеу.

«Менің атым Қожа»фильмінен үзінді көрсету

3.Өзін-өзі тану пәні мен басқа пәндердің ықпалдасуы.

Қазіргі таңда, жас ұрпақты сапалы түрде оқыта отырып, саналы тәрбиелеу талаптарын жүзеге асырудың мынадай жолдарын ұсынып жүрміз. Олар: Рухани – адамгершілік білімді, құндылықтарды, кез келген пәнді оқыту мазмұнына енгізу.

Қалай ықпалдастыруға болады?

• Сыртқы ықпалдасу - өзін – өзі тану пәнінің әдістемелік тәсілдерін қолдану.

• Ішкі ықпалдасу – адам мен әлемнің біртұтастығына негізделген адамның тек қана биологиялық, әлеуметтік, табиғатына ғана емес, сонымен бірге жоғары рухани табиғатын ескеруге бағытталады.

Ықпалдастыру жолдары.

1.Ғылымдардың даму тарихы мен ұлы ғалымдардың өмірінен шабыттандыратын мысалдар келтіру.

2. Қазіргі ғылыми жаңалықтармен таныстыру.

3.Әрбір оқу пәндерінің мазмұнынан жалпыадамзаттық құндылықтарды анықтату.

«Ұстазым,мені шығармашылыққа шабыттандыр!»атты дөңгелек үстелге қатысқан 11 жасар Сашаның ойы туралы айту.

Шығармашылық іс-әрекет.

Өзіңіздің өмірлік,педагогикалық тәжірибеңізге талдау жасаңыз және өзіңіздің негізгі педагогикалық өсиеттеріңізді жазыңыз.

Мына сөз сізді шабыттандырады деген үміттемін:

Мен «баланың шырағын жағу»үшін мектептемін!

Үй тапсырмасы: «Мирный воин»фильмін көріп келу

Жиналыстың қорытынды сәті.

Біз мектепте балалар үшінбіз,сондықтан олардың өздеріне сенуіне көмектесуге тиіспіз.Сонда мектеп оқушылар мен педагогтер үшін жаңалықтар мен ашылулар әлеміне,өмір қуанышына,тыныштық әлеміне,үйлесім мен ынтымақтастыққа айналады.

(Мұғалім күнделігінен)