Просмотр содержимого документа
«Жала? ж?не жайылма с?йлем 3 в сыныбы»
Қазақ тілі 3 «в»сыныбы
Сабақтың тақырыбы:Жалаң және жайылма сөйлем
Сабақтың мақсаты: Жалаң және жайылма сөйлем туралы түсінік беру. Білімділігі: сөйлемнің жалаң, жайылма болып бөлінуі тұрлаулы, тұрлаусыз мүшелерге байланысты екенін меңгерту. Оқушылардың сауатты, көркем жазу дағдыларын жетілдіру; Сөйлем мүшелеріне талдау дағдыларын қалыптастыру. тәрбиелігі: іздемпаз, тапқыр, еңбекқор, өз ойын, пікірін еркін жеткізе алатын шығармашыл тұлға тәрбиелеу. дамытушылығы: сөз қорын байытып, ауызекі және жазба сөйлеу тілін, логикалық ойлау қабілетін, шығармашылық қабілетін дамыту.
Сабақтың түрі: жаңа білімді меңгерту Оқыту әдісі: сөздік, көрнекі, талдау, салыстыру, ажырату, жинақтау, өз бетінше жұмыс, жазба жұмысы, ізденіс әдісі, ойын. Көрнекілік: тірек – сызба, слайд, жұмбақсөз Пәнаралық байланыс: әдебиет
Сабақтың барысы І. Ұйымдастыру кезеңі Өсер елдің ұланымыз,
Талап, білім -ұранымыз- дей келе сабағымызды бастаймыз
Талаптыға нұр жауар демекші мына жұмбақ сөзге назар аударамыз.
(жауабы: Тіл қылыштан өткір)
М.Жүнісова «бір ауыз сөз»
ІІ. Үй тапсырмасын тексеру № 95 жаттығуды орындағандарын тексеру.Сөйлемдерді көшіріп жаз. Бастауыш пен баяндауышты тауып, тиісті жеріне сызықша қой.
Алғашқы сөйлемді тек тұрлаулы мүшелерден тұратын сөйлемге айналдыр. Бағалау. Абай қазақ халқының ұлы ақыны. 2. Кітап білім бұлағы. 3.Күләш қазақ халқының бұлбұл әншісі. 4. Білім ырыстың тізгіні.
Қайталау - оқу анасы (сұрақ-жауап)
1. Қимыл, іс-әрекет білдіретін ... сөзді бастауыш дейді (сапасын, иесін, қимылын)
2. Бастауыштың ісін қимылын білдіретін сөзді ... дейді (баяндауыш, тұрлаулы мүше, тұрлаусыз мүше)
3. Бастауыш та, баяндауыш та .. жасалса, бастауыштан кейін сызықша қойылады. (сан есімнен, етістіктен, зат есімнен)
4. Мына сөйлемнің тұрлаулы мүшелерін тап. Бүгін қар жауды. (1.бүгін,жауды. 2. Қар жауды 3. Қалың жауды)
5. Мына сөйлемнің тұрлаусыз мүшелерін тап балалар әдемі аққала жасады (1. Әдемі аққала 2. Балалар 3. жасады)
6. Бастауышты тап. Астана – көркем қала.а) Астана ә) көркем б) қала
а) не істеді? не қылды? қайтті? ә) кім? кімді? қанша? б) не? нелер? қайда?
9. Сөйлем мүшелері дегеніміз не?
10. Сөйлемнің түрлерін ата.
ІІІ. Жаңа сабақ
2) Сабақтың тақырыбы мен мақсатымен таныстыру.―Балалар, алдымен сөйлем туралы білетіндеріңді еске түсірейік. Сөйлемнің негізгі белгілерін атайықшы. А) сөздер мағыналық байланыста болады. Ә) аяқталған ойды білдіреді. Б) бірінші сөзі бас әріптен бастап жазылады. В) соңына (.), (!),(?) қойылады. ― Өте жақсы!
Жұмбақ сөз «Жалаң жайылма сөйлемдер»
Ара қонды. Ара гүлге қонды. (талдау)
№97 жаттығу «Тиісті пойызға орналастыр» ойыны.Сөздерден сөйлем құрап, сөйлем мүшелеріне талдап, жалаң немесе жайылма екенін анықтайды. Содан соң тиісті пойызға сөйлемдерді орналастырады. Болғанан кейін дұрыстығын слайдтан тексерді.
98 жаттығу. Сөйлемдерді көшіріп жаз. Жай сөйлем түрін анықта. Ол жалаң сөйлем бе әлде жайылма сөйлем бе?
1. Өнерлі өрге жүзеді. 2. Боран соқты. 3. Жаңбыр сіркіреді. 4. Екі дос мектептен қайтты. 5. Жарыс залда өтті.
5) Сергіту сәті Оқушылардың назарын слайдқа аударып, ондағы анимациялық кейіпкерлердің қимылын «Би билейміз» әнімен қайталап сергіту жаттығуын жасайды.
Ойлы бала озар (корзинаға салу)
100 жаттығу. Жай сөйлемдерді түрлеріне қарай сәйкестендір.
Ұшақ биікке көтерілді. Айман мені кітапханада күтеді. Күн жылынады. Керек-жарақтың бәрі бар. Әжем шұлық тоқыды. Бау байланды.
IV. Слайдтағы сызба бойынша сабақты бекіту. Не үйрендім, не білдім? (Венн диаграммасы)
V. Үй тапсырмасы.100 жаттығу. Сөйлем мүшелеріне талдау. Жалаң, жайылма сөйлемдері анықтау, ережесін жаттау.
VІ. Бағалау Белсенді қатысып отырған оқушыларды мадақтап, барлығын да бағалау.
