Жала? ж?не жайылма с?йлем туралы т?сінік

Сабақтың тақырыбы: Жалаң және жайылма сөйлемдер

Сабақтың мақсаты: а) білімділік: жалаң және жайылма сөйлемдер туралы білімдерін кеңейту.Сауатты, көркем жазу дағдыларын қалыптастыру.

ә) дамытушылық: оқушыларды оқыту кезінде танымдық қызығушылығын ,тілін, қиялын дамыту.

б) тәрбиелік: топтасып жұмыс жасауға үйрету, шапшаңдыққа,ұйымшылдыққа тәрбиелеу.

Сабақтың түрі: ойын сабақ

Сабақтың әдісі: сұрақ-жауап, ойын.

Көрнекілігі:интерактивті тақта арқылы көрсетілетін слайдтар,суреттер,сөзжұмбақ.

I.Ұйымдастыру кезеңі. Қоңырау соғылды,

Сабақ басталды.

Балалар,жиналдық,

Түгендеп құралды.

II.Үй тапсырмасын тексеру. 112-жаттығу. Жайылма сөйлемдерден тұратын мақалдарды көшіріп жазу.Сөйлем мүшелеріне талдау.

III.Ми ширату.

Мектептегі 45 минут –

Бас қала –

Күшіңе сенбе –

Десаулық –

5пен 5тің көбейтіндісі –

Бес нәрсеге асық бо

Кел, балалар, ...

IV. Өткенді пысықтау. «Сиқырлы сандар» ойыны.

60тың сұрағы: сөйлемді талдау. Нұржан қарды күрекпен күреді.

50дің сұрағы: бастауыш дегеніміз не?

40тың сұрағы: жалаң сөйлем дегеніміз не?

30дың сұрағы: баяндауыш дегеніміз не?

20ның сұрағы: жайылма сөйлем дегеніміз не?

10ның сұрағы: «қоңырау» сөзі неше буынды? Дыбыстық талдау жаса.

V.Негізгі бөлім.Жаттығу жұмыстары.Оқулықпен жұмыс.

115-жаттығу. Үш сөзден құралған жайылма сөйлемдерге керекті сын есімдерді қосып,төрт сөзден құралған жайылма сөйлемдерге айналдырып жазу.

1.Оқушылар атақты шопанмен кездесті. 2. Жарыс үлкен залда өтті. 3. Балықшылар терең көлге жақындады. 4. Қатты гүріл алыстан естілді.

Сергіту сәті.Ептімін де елгезекпін кептерше,

Еңкейемін қолым жерге жеткенше.

Бір,екі,үш. Бір,екі,үш.

Бойға жинап,міне,күш.

Алға қарай екі рет,

Артқа қарай екі рет.

Жаттығу жұмыстары. 116-жаттығу. Ребусты шешу.Мақалды сөйлем мүшелеріне талдау.

Ерді намыс өлтірер.

Семантикалық картамен жұмыс. Марат құдықтан су әкелді. Ауылдан атам келді. Әжем әдемі қолғап тоқыды.

118-жаттығу. Сөйлемдерді көшіріп жазу. Сөйлем мүшелеріне талдау.

Лаура кітапханаға келді. Лаура – бастауыш, келді – баяндауыш, кітапханаға – тұрлаусыз мүше (пысықтауыш).

VI. Қорытынды. «Волейбол» ойыны арқылы қорытындылау. 12 сұраққа жауап беру.

1.Дыбыстар нешеге бөлінеді? а) 4 ә) 3 б) 5 в) 2

2. Ң дыбысы қандай дыбыс? а) үнді ә) жуан б) қатаң в) ұяң

3. Мәтін нешеге бөлінеді? а) 4 ә) 2 б) 5 в) 3

4. Бастауыштың сұрақтары а) кім? Не? Қандай? Нешеу?

ә) кім? Не? Кімдер? Нелер? Кімі? Несі? б) қашан? Қалай? Кім?

в) кім? Кімі? Қандай?

5. Сөйлем мүшелері нешеге бөлінеді? а) 3 ә) 4 б) 5 в) 2

6. Анықтауыш сөйлемнің қай мүшесі? а) тұрлаусыз ә) бастауыш б) тұрлаулы

в) пысықтауыш

7. Сәуледе екі дәптер бар. Толықтауышты тап.

а) бар ә) екі б) Сәуледе в) дәптер

8. Қимыл,іс әрекет ..... білдіретін сөзді бастауыш дейді.

а) сапасын ә) қимылын б) санын в) иесін

9.Бастауыш та,баяндауыш та ...... жасалса,бастауыштан кейін сызықша қойылады.

а)сан есімнен ә) етістітен б) зат есімнен в) сын есімнен

10.Бүгін қалың қар жауды.Пысықтауышты тап.

а)қалың ә) қар б) бүгін в) жауды

11. Жайылма сөйлемді тап.

а) Сәуле шыршаны безендірді. ә) Қар жауды. б)Жер қатты. в)Жомарт-шопан.

12. Жалаң сөйлем дегеніміз ..........

а) анықтауыш,пысықтауыш ә) тұрлаулы мүшелерден

б) бастауыш,пысықтауыш в) тұрлаусыз мүшелерден

Семантикалық карта

Марат құдықтан су әкелді.

Семантикалық карта

Ауылдан атам келді.

Семантикалық карта

Әжем әдемі қолғап тоқыды.