Жа?сылы? жан жадыратады

Жақсылық жасай білейік!

Сабақтың мақсаты: Оқушылардың «қайырымдылық», «қамқорлық», «жақсылық» құндылықтары туралы түсініктерін кеңейту.

Міндеттері:

-жақсылық жасаудың адами қарым-қатынастағы мәнділігін түсіндіру;

-жақсы істер жасай білу іскерліктерін дамыту;

-қайырымдылыққа, ізгілікке, қамқор болуға тәрбиелеу.

Көрнекі құралдар: интерактивті тақта, себет, қанатты сөздер

Балалар дөңгелене отырады. Мұғалім қоржынға салынған асықты көрсетіп, балалардан сұрайды. Асық туралы не білеміз? Асық малдың жілігінен алынады. Оны ұлттық ойын құралы ретінде пайдаланады. Асықтың ойығына қорғасын құйылып, ол сақа деп аталады. Сақамен өзге асықтарды ату әрекеті іске асады.

Асық треннигі

Өмір сүруге асық,

Бақытты болуға асық.

Жақсылық жасауға асық,

Өзгені бақытты етуге асық.

-Балалар, өздеріңмен «Жақсылық жасай білейік!» атты ашық тәрбие сағатымызды бастаймыз.

Ой қозғау

-Балалар, жақсылық деген сөздің мағынасын қалай түсінесіңдер?

-Жақсылық жасау дегеніміз не?

-Адам бойындағы қандай қасиеттер жақсылыққа жетелейді?

Көрініс: Жақсы деген немене, жаман деген немене?

Автор: Толғанай

Бала: Нұрбол

Әже: Жұлдыз

Балалар біздің сыныбымызға ақ көгершін ұшып келіпті, қараңдаршы өзімен ала келген хатыда бар екен. Одай болса жақсылық жаршысы болған ақ көгершіннің хатын біргелікте оқып қаралық.

Көрініс: Ағаш сындырған бала

Ағаш: Айша

Жас ағаш айтады:

Сындырма мені,

Мен-жақсылық кені!

Мен-денсаулық емі!

Мен-еркелетем сені!

Күтсеңдер, гүл ашам!

Жолыңа нұр шашам!

Жапырағым жоныңнан сипар,

Бұтағым арқаңнан қағар,

Саяма сағаларсың,

Салқындап дем аларсың!

Хор: Біз өмірдің гүліміз

Жақсылық туралы тақпақтар

Алтынбек: Жақсы болу өзіңнен,

Жаман болу өзіңнен.

Өзіңді өзің ая да,

Өзің үйрен өзіңнен.

Айша: Жақсы адамның көңілі-күн,

Жанға сәуле түсірген.

Жаман адамның көңілі-түн,

Кеудеде отты өшірген.

Ниязбек: Бақытты дәйім армандап,

Досқа да бақыт тіледің.

Күтеді сені алда бақ,

Жақсылық етсең үнемі.

Қуыршақ театрын сахналау: Ақтиін мен қасқыр

Автор: Жұлдыз

Ақтиін: Толғанай

Қасқыр: Арайлым

Жақсылық туралы жылы сөздер:

Сәнім: Жылы сөз-жүректің кілті

Ринат: Жазықсыз жәндікті өлтірме, малға зәбір көрсетпе.

Арайлым: Мейірімді адам дегеніміз-жақсылық жасамаса да, жамандық жасау қолынан келмейтін адам.

Айша: Біреуді жамандама, өзіңді жамандаған адаммен дауласпа, жауласпа.

Ниязбек: Жақсылық пен игіліктің алыс-жақыны жоқ.

Жұлдыз: Жақсылық жаса және жақсылық айтуға әдеттен.

Нұрбол: Жамандық та, жақсылық та өз ісіңнен басталады.

Әсел: Жаман адамға да жақсы көзбен қара.

Жайна: Кісіге жасаған жақсылық – өзіңе жасаған жақсылық.

Ән: Ата-ананы тыңдаймыз.

Ойын: Жақсылық жасау үшін не істеу керек?

Би: Анаға сәлем

Ырым-тыйым сөздер:

Айша: Жақсыдан үйрен, Ниязбек: Ұмытып кетпе,

Жаманнан жирен. Есікті теппе.

Жайна: Дастарқанға емінбе, Арайлым: Босағада тұрма,

Көп алдында керілме. Көк шөпті жұлма.

Нұрбол: Ба, ба, ба, Толғанай: Бе, бе, бе,

Құстың ұясын бұзба. Нанды бір қолмен үзбе.

Ринат: Ме, ме, ме, Азина: Ма, ма, ма,

Ағаштан секірме. Сабақта ұйықтап қалма.

Сәнім: Па, па, па, Жұлдыз: Бе, бе, бе,

Бас киімді баспа. Ерте тұруға ерінебе.

Алтынбек: Арыңды кірлетпе, есеп бер ісіңе,

Үлкенді құрметте, қамқор бол кішіге.

Ән: Сағындым әже, сағындым.

Қорытынды

Балалар, сабағымызды қорытындылау үшін, әрқайсысыңа берілген мына күн нұрын алып, өз тілектеріңізді айтып күнді айналдыра қойып шығыңдар.

Мұғалім:

Жақынды, досты аяла,

Қанатың сонда талмайды.

Барыңды жұрттан аяма,

Жақсылық жерде қалмайды.

Жайдары жүзбен жарқыра,

Қатыгез болсаң-сол қайғы.

Қайырымды бол халқыңа,

Жақсылық жерде қалмайды.

Осымен «Жақсылық жасай білейік!» атты ашық тәрбие сағатымызды аяқтаймыз.