Жабайы ж?не ?й ??стары

Сабақтың тақырыбы: Жабайы және үй құстары

Сабақтың мақсаты:

1. Құстардың табиғаттағы тіршілігі. Соның ішінде жабайы құстар мен үй құстары, олардың тіршілігі туралы құстар әлемі , үй құстарының пайдасын, құстарға байланысты халық болжамдарын меңгерту.

2. Құстар туралы дүниетанымын кеңейту, құстар әлеміне деген қызығушылығын дамыту, еркін сөйлеуге, ойларын толық жеткізе білуге дағдыландыру.

3. Табиғатымыздың сәні –құстарды қорғауға, үй құстарын асырауға, оларды бағып-қағуға тәрбиелеу.Экологиялық тәрбие беру.

Көрнекілігі: интерактивті тақта, слайд, кеспе қағаздар, бейнелі суреттер.

Түрі: жаңа сабақ

Әдісі:сұрақ-жауап, көрнекілік, баяндау, СТО технологиясының элементтері.

Сабақтың барысы:

1. Ұйымдастыру кезеңі

Психологиялық дайындық

Сәлем бердік баршаға 1-СЛАЙД

Қош келіпсіз ортаға.

Табиғаттың жаршысы-құстар болып,

Ұшып, келіп қонамыз партаға.

Оқушылар топқа бөлініп отырады. 2-СЛАЙД

1 топ- Қыран

2 топ- Бозторғай

3 топ- Жыл құстары

4 топ- Отырықшы құстар

Қызығушылықты ояту

«Ескіні жаңарту» әдісі КАРТОЧКАМЕН ЖҰМЫС

-Қоршаған ортаны бір сөзбен не деп атаймыз? (табиғат)

-Табиғи денелер қандай түрге бөлінеді? (тірі және өлі)

- Өлі табиғатқа не жатады ? (ауа, бұлт, құм,су..т.б.)

-Тірі табиғатқа не жатады ? (өсімдік, жан-жануарлар)

Ендеше, жан-жануарлар соның ішінде жабайы жануарлар мен үй жануарлары туралы оқып, біліп келдіңдер.

1. Үй тапсырмасын тексеру КАРТОЧКАМЕН ЖҰМЫС

Білімдеріңді тексеріп көрейік.

1 топ - Қысқа азық қорын жинайтын және қысқы ұйқыға жататын жануарларды естеріңе түсір.

2 топ - Кейбір жануарларды жыртқыштар дейміз солар туралы әңгімеле.

3топ- Біздің өмірімізді үй жануарынсыз елестету мүмкін емес үй жануарлары туралы айту.

4топ - Үй жануарларларының пайдасы туралы айту.

«Миға шабуыл» 3-7 СЛАЙДТАР

Жұмбақтар шешіп көрелік (топтық тапсырма)

1. Орманда жоғары,

Ағашқа қонады.

Тұмсығын балға қып

Тоқ-тоқ соғады. (тоқылдақ)

1. Заң жоқ еш уақытта,

Оларды атуға.

Түсі де аппақ,

Аты да аппақ. (аққу)

1. Биікте ұшып жүреді,

Елік ,қоян бүреді.

Қия таста ұясы,

Бұл қай құс кім біледі ? (Бүркіт)

1. Он екіайдың біреуі
   Сірә оның атында
   Өзге ұяға із тастап
   Мен деп жар сап жүреді (Көкек)

1. Бейбіт құсы аталады,

Бар әлемге жар салады.

Танисың ба ол құсты

Аты қалай аталады.? (Көгершін)

-Топтың атына қарайықшы, қандай сөз жазылған екен?

-Құстарға байланысты сөздер екен.
Ендеше, бүгінгі өтетін сабағымыз Құстар туралы.

Электронды оқулықпен түсіндіру.

1. Жаңа сабақ 8-СЛАЙД

- Жануарлар әлеміне нелер жатады? 9-СЛАЙД

- Жануарлар

- Ал құстар- қанатты жануарлар деп аталады.

- Олар өз беттерінше өмір сүреді, дамиды, көбейеді.

- Құстардың түрлері өте көп.Олар үй құстары және жабайы құстар.

Оқулықпен жұмыс. (өз беттерімен оқып шығады)

10- СЛАЙД

1 топ- Құстардың түрлері өте көп. Кейбір құстар күзде жылы жаққа ұшып кетеді.

Сондықтан оларды...

2 топ- Кейбір құстардың өз тіршілігі үшін пайдалы бейімділіктері өте көп. Мысалы...

3 топ- ... тұмсығындағы қалта созылып, оған едәуір балық сыяды.

4топ – Үй құстары табиғаттан көп қиындық көрмейді. Оларға...

Сергіту сәті. («Қос қарлығаш» әні) 11- СЛАЙД

Құстар туралы халық болжамдары : 12-19 СЛАЙДТАР

• Қарлығаш жоғары ұшса, күн жылы болады, ал төмен ұшса жаңбыр жауады.

• Көктемде қаздар қайтқанда жоғары ұшса, су тасқыны болады.

• Жаңбыр жауарда қарғалар у-да шу болады.

• Құс жүнін үрпитсе, жаңбыр жауады

• Шымшық ұя салса, қыс қатты болады

• Шағала келсе сең бұзылады

• Жыл құсы қаптап келсе,көктем ерте келеді

1. Жаңа сабақты бекіту 20-22 СЛАЙДТАР

Оқушылар өздері дайындаған слайдтармен жұмыс жасайды.

1. Қорытынды 23-25 СЛАЙДТАР

Ойын : «Бұл қай құс?»

Бір-біріне сұрақ қою, «Жылы орындық» стратегиясы бойынша әр топ 3 сұрақтан дайындайды. Дайындаған сұрақтарын ыстық орындыққа отырған оқушыға қояды.

1. Бағалау

Оқушылар өздерін топта бағалайды. Топ жетекшілердің бағасымен қосып жиынтық баға қойылады.

1. Үйге тапсырма :

Әркім өзіне ұнаған құстың суретін салып, сол туралы мәлімет жинап келеді.

1. Рефлексия