Зат есміні? септелуі

Бастауыш сынып

мұғалімі

Оспанова Даметкен Камзевна

4 «Ә» - сынып Оқушылар саны - 25

Ақмола облысы

Степногорск қаласы

№9 орта мектебі

Қазақ тілі

№ 3 сабақ

Сабақтың атауы

Сілтеме

Қазақ тілінің дидактикалық материалы

«Айгөлек», «Балдырған» журналдары

Жалпы мақсаты

Септік жалғауының жеті септікке бөлінетінін олардың әрқайсысының мағыналары мен жалғаулары барын қайталау.

Міндеттері

1.Сөйлем ішіндегі сөздерге жалғанған септік жалғауларын таба білу.

2.Сөзбен сөзді дұрыс байланыстыру үшін септік жалғауларын дұрыс жалғай білуге үйрету.

3. Оқушылардың сауатты жазу дағдыларын жетілдіру. Ана тілін қадірлеуге тәрбиелеу.

Мұғалімдер үшін оқу нәтижелері

1.Оқушылардың бірін-бірі оқыту арқылы аталған тақырыпты пысықтау.

2.Мұғалім жазбаша тапсырмаларды орындауға бағыттайды.

3.Оқушылардың өзін және достарын бағалау мүмкіндігін жасау.

Сабақта туындаған негізгі идеялар

1.Оқушылардың зат есімнің септелуі туралы алған білімдеріне сүйену.

2.Жазбаша тапсырмалар беру арқылы оқушыға сауатты жазу, сөйлеу мәнерін, шығармашылықты қалыптастыруға ықпал жасау.

Күтілетін нәтиже

1.Зат есімнің септелуі туралы алған білімдерін тиянақтау.

2.Сөздерді дұрыс септей білуге дағдыларын қалыптастыру.

3.Нақыл сөздердің мағынасын ашу,өмірмен байланыстыру.

Көрнекіліктер

Интерактивті тақта, слайдтар, тапсырмалар, сюжетті сурет, оқулық,

кесте, сызба қағаз.

Сабақтың барысы бойынша мұғалімнің жазбалары

Мұғалімнің іс-әрекеті

Уақыты

Оқушының іс-әрекеті

І. Ұйым кезеңі:

1. Амандасу.

2. Психологиялық дайындық.

Қуанамын мен де,

Қуанасың сен де,

Қуанайық достарым

Арайлап атқан әр күнге!

0,5 мин

1.Амандасады.

2.Оқушылар жаттығуды қимыл-қозғалыспен көрсетеді.

ІІ. Қызығушылықтарын ояту:

7 санының қасиеттілігіне байланысты не білесіңдер?

(оқушылардың жауаптарына геометриялық фигура тарату арқылы оларды топқа бөлу)

3 мин

2. 7 санына байланысты мысалдар келтіреді.

Мысалы, (7 ата, 7септік, 7жоқ, 7 қазына)

-топтасып отыру

1топ -

2топ -

ІІІ.Негізгі кезең:

-Оқушылардың зат есім және оның септелуі туралы алған білімдерін еске түсіріп қорытындылау.

- Сұрақтарға толық жауап алу.

5 мин

Зат есім туралы ойларын айтады.

Кластер арқылы көрсетеді.

1)Топпен жұмыс:

-Бұрыш, жүз сөздерін септеу.

- Сөздердің мағынасын ашу.

7 мин

Оқушылар бұл тапсырманы ақ қағаз бетіне түсіреді.

-Әр топ өз жұмыстарына қорытынды жасайды.

2) Оқулықпен жұмыс:

1-топ 1-жаттығу

Мәтінді оқып, қарамен жазылған сөздерге сұрақ қояды. Қай септікте тұрғанын айтады.Бұл сөздер қай сөз табына жатады.

2-топ 2-жаттығу

Нақыл сөздердегі көп нүктенің орнына барыс септігі жалғауларының тиістісін қойып жазады және салыстырады. Нақыл сөздердің мағынасын түсіндіреді.

10 мин

1 топтағы оқушылар қарамен жазылған сөздерді көшіріп алады да қай септікте тұрғанын айтады. Сөз табы туралы ой қозғайды.

2 топтағы оқушылар нақыл сөздердің мағынасын ашып, септік жалғауларын жалғап жазады.

Сергіту сәті:

Күндей болып күлеміз,

Гүлдей болып өсеміз.

Құстар болып ұшамыз,

Көбелектей қонамыз,

Бір дем алып қаламыз.

0,5 мин

Оқушылар қимыл-қозғалыспен көрсетеді.

3) Шығармашылық жұмыс:

Жеті септікке байланысты ертегі құрастыру.

10 мин

Оқушылар өздігінен ертегі құрастырады. Оны мазмұндап, қорғайды.

ІV.Сабақты бекіту:

4-жаттығу (ауызша)

Білемін Білдім Білгім келеді

6 мин

Оқушылар мәтінді оқып,

мазмұнын ортаға салады.Зат есім қай септікте тұрғанын айтады.

Оқушылар өз ойларын жазады.

Не білгендерін,не білгілері келетіндерін жазады.

V. Бағалау:

Оқушылардың өздігінен бағалауы

2 мин

Оқушылар бір-бірінің жұмыстарын бағалап,талдайды.

VІ. Үйге тапсырма:

181-бет 3-жаттығу (жазбаша)

182-бет 5-жаттығу (ауызша)

1 мин

Оқушылар үй-тапсырмасын күнделіктеріне жазып алады.