Зат есімні? т?уелденуі

Пәні: қазақ тілі

Сыныбы: 3

Сабақтың тақырыбы: Зат есімнің тәуелденуі.

Сабақтың мақсаты:

• Білімділігі:Зат есімнің үш жақта, жекеше және көпше түрде тәуелденуі туралы түсінік беру; тәуелдік жалғаулары заттың біреуге тән екенін білдіретінін үйрету,тәуелдік жалғаудың дұрыс жалғануын меңгерту.

• Дамытушылығы: оқушының ой өрісін дамыту,сөздік қорын молайту, сауатты көркем жазу дағдыларын қалыптастыру.

• Тәрбиелілігі:оқушының бойындағы адамгершілік пен мейірімділік қасиеттерін дамыту,ана тілін қадірлеуге тәрбиелеу.

Сабақтың түрі: жаңа сабақ.

Сабақтың әдіс-тәсілі:Топтық жұмыс, түсіндіру, сұрақ-жауап, «Топтап жаз», «Допты қағып ал, жауабын тез тауып ал!», «Сыңарын тап» ойыны.

Сабақтың көрнекілігі:Топтардың үлестіру кеспелері, интерактивті тақта слайдтары,доп, флипчарт.

Сабақтың пән аралық байланысы:ана тілі, дүниетану.

Сабақтың барысы:

1. Ұйымдастыру:

Топқа бөлу

Психологиялық дайындық:

• Қызығушылығын ояту:

Қазақ тілім-өз тілім анам тілім,

Абай, Мұхтар сөйлеген дана тілім.

Қастерлейді ұл- қызың мәңгі сені,

Болашағым, бақытым дара тілім.

• Міне, балалар,кемеңгер ғұлама ақындарымыздың тілі- қазақ тілі сабағы.

4.Жаңа сабақтың тақырыбы мен мақсатын хабарлау:

• Сабақтың тақырыбы: Зат есімнің тәуелденуі

• Сабақтың мақсаты айтылады.

5. Жаңа сабақты меңгерту:

-Балалар,мынау не?

-Бұл кітап.Бұл кімнің кітабы?

-Бұл менің кітабым

-Бұл сенің кітабың

-Бұл оның кітабы.

Осы сұрақтарға жауап алу арқылы оқушылар өздері ережені шығарып алуына мүмкіндік жасаймын.

38-жаттығу.Сөйлемдерді оқы. Суретпен берілген сөздердің түбірі мен қосымшасын ажырат.Сөздерге жалғанған қосымшалардың қандай мағынаны білдіріп тұрғанын байқа.Сағат-ым, мысық/ғ-ың, қаламсап/б-ы.

39-жаттығу.Сөздерді үлгі бойынша өзгертіп жаз.Сөздерге жалғанған қосымшаларды тауып,астын сыз.Бұлар жұрнақ па,жалғау ма? Бұл қосымшалар қандай мағынаны білдіріп тұр.

Ана, қол, қозы, етік

Үлгі:

Ереже:

Сергіту сәті:Бой жазу жаттығулары.

6.Жаңа сабақты түсінгенін тексеру:

40-жаттығу. Жұмбақты оқып, шешуін табу. Тәуелдік жалғауы жалғанған сөздерді тап, оларға сұрақ қой./ қанаты,аяғы, аузы./

41-жаттығу.Өлеңді оқып жатқа жаз. Тәуелденген сөздерді тауып,астын сыз. Қарамен жазылған сөздерді түбір мен қосымшаларға ажырат./Түйе-м, бота-лар-ы, қой-ым, қозы-лар-ым/.

7. Жаңа сабақты бекіту: «Топтап жаз» ойыны

42-жаттығу.Берілген сөздерді тәуелдену ерекшелігіне қарай топтап, 3 себетке саламыз.

Менің добым, дәптерім, оқушыларым.

Сенің добың, дәптерің, оқушыларың.

Сіздің добыңыз, дәптеріңіз, оқушыларыңыз.

Оның добы, дәптері, оқушылары.

«Допты қағып ал, жауабын тез тауып ал!» ойыны арқылы жаңа сабақты қалай түсінгендерін тексеремін.

1.Тәуелдік жалғаулар дегеніміз не?

2.Тәуелдік жалғаулар неше жақта айтылады ?

3.Тәуелдік жалғаулардың неше түрі бар ?

4.Кітап сөзін жекеше түрде тәуелде .

5.Үй деген сөзді көпше түрде тәуелде

6.Тәуелдік жалғауларды ата?.

«Сыңарын тап» ойыны

Тәуелдік жалғаулы сөздерді тиісті сөзбен тіркестір.

Олардың қолғабым

Біздің ауласы

Менің мұғалімдерің

Сендердің мектебіміз.

Топтық жұмыс:

Суреттегі заттардың атын ата.Оларды үш жақта тәуелдеп жаз.

Қалам кітап парта

• Рефлексия:Біз нені үйрендік? Стикерге өз ойларын жазып, тақтадағы смайликке жапсыру.

8.Үйге тапсырма беру:43-жаттығу. 157-бет.Бұл керісінше сөзжұмбақ.Сөзжұмбаққа сұрақтар жазу.Ережені жаттау.

Бағалау: Белсене қатысқан оқушыларды мадақтап,геометриялық фигуралармен бағалаймын.