Ресурстары: Ы.Алтынсариннің портреті, сөзжұмбақ, тазалық туралы суреттер
Сабақтың барысы:
І.Ұйымдастыру кезеңі: Психологиялық ахуал, үйшік ойыны арқылы топқа бөлу
ІІ.Үй тапсырмасын сұрау «Фасоль» стратегиясы бойынша өткен тақырыптарға шолу
ІІІ.Сөзжұмбақ шешу
1.Сейфуллиннің аты
2. Қарт
3. Алты ондық
4. Ұлттық ойын
5. Өлеңді кім жазады?
6. … – оттан да ыстық
7. Тышқанның жауы
8. Құс
С
А
Л
А
Қ
Т
Ы
Қ
IV.Жаңа сабақ
-Ерекше белгідегі жолдан қандай сөз шықты?
-Салақтық.
-Ендеше,бүгін біз Ыбырай Алтынсариннің «Салақтық» деген шығармасымен танысамыз.
Алтынсарин Ыбырай( 1841-1889)
Қазақ халқының аса көрнекті ағартушысы, жаңашыл педагог, жазушы, қоғам қайраткері
Ыбырай Алтынсарин Қостанай облысының Затобол ауданында туған. Әкесі Алтынсары ерте өлген. Ыбырай атасы Балқожа бидің тәрбиесінде болған. Атасы Ыбырайды Орынборда ашылмақ орыс-қазақ мектебіне жаздырып қойыпты. 1850 жылы сол мектеп ашылғанда түскен 30 қазақ баласының бірі – Ыбырай болған. Патша үкіметінің көздегені осындай мектептер арқылы жергілікті әкімшілік орындарға қазақтың өзінен миссионер қызметкерлер әзірлеу еді. Сондықтан оқушылар патшаның отаршылдық саясаты рухында тәрбиеленуге тиіс болды. Бірақ жасынан-ақ зерек Алтынсарин бұл мектептің оқу жүйесіне қанағаттанбайды, дүние жүзі әдебиеті классиктерінің – В.Шекспирдің, И.Гетенің, Д.Байронның, А.Пушкиннің, Н.Гогольдің, М.Лермоновтің, И.Крыловтың, Ә.Фирдаусидің, І.Низамидің, Ә.Науаидің тағы басқалардың шығармаларын өздігінен оқыды. Ыбырай Алтынсарин 1857 жылы мектепті «өте жақсы» деген бағамен бітірді. Содан кейін ол екі жылдай өз елінде тілмаш болды. 1859 жылы Алтынсарин Орынбордағы шекаралық комиссияға тілмаш болып ауысады. Сол жерде шекаралық комиссияның председателі, белгілі шығыс зерттеушісі, ғалым, профессор В.В.Григорьевпен танысады. Атасы Балқожаны жақсы білетін және сыйлайтын Григорьев Ыбырайға аса ылтипатпен қарап, өзінің бай кітапханасын пайдалануға оған мүмкіндік берген. Оның кітапханасынан әдебиет, тарих, философия кітаптарын оқиды. Және дүние жүзі ағартушыларының еңбектерін, ұлы адамдардың өмірі туралы кітаптарды көп оқыған.
-Ы.Алтынсарин бізді қалай оқуға шақырған?
Хормен:
Кел,балалар,оқылық,
Оқығанды көңілге
Ықыласпен тоқылық.
-Ы.Алтынсариннің қандай шығармаларымен таныстық?
V.Топтастыру. Мазмұнын толықтыру. Берілген мақалдардағы көп нүктенің орнына тиісті сөзді немесе санды қойып мақалдарды толықтырайық.
— Енді, балалар, мақалдарды белгілі бір тақырып төңірегіне топтастырайық.
1.Туған жер,Отан туралы
2.Еңбек туралы
3.Жақсы,жаман істер туралы
4.Ерлік,батырлық туралы
VI.Оқулықпен жұмыс «Джигсо» әдісі
— Мәтінді оқып,оқушыларға іштей оқытып,түсінгендерін бір-біріне түсіндіру .
VII.Тапсырма
— Берілген мақал-мәтелдерден осы мәтіндегі оқиғаға сай келетін нақыл сөзді кім табады?
— «Тазалық – денсаулық кепілі»
VIІІ.Мәтінді талдау. Мәтінді бөліктерге бөлу.
1. Керімнің тазалық сақтамауы
2.Керімнің улануы
3.Керімнің ауырып қалуы
ІХ.Топпен жұмыс
1 топ.Денсаулық туралы мақалдар жазу
2 топ. «Тазалықты сақтайық!» (әңгіме жазу)
Х.Сабақты бекіту Постер қорғау
— Жақсы қасиеттерге нелер жатады?
1.
2.
3.
4.
5.
— Жаман қасиеттерге ше?
1.
2.
3.
4.
5.
ХІ.Сабақты қорыту
— Ы.Алтынсарин кім?
— Қандай шығармаларын білесіңдер?
— Мәтіннен қандай ой түйдіңдер?
— «Салақтық» ұғымына қарама-қарсы мәндес сөз,ол қандай сөз?
ХІІ.Үйге тапсырма: мәтінді түсініп оқу. «Ұқыптылық» туралы әңгіме жазу.
