В.Сухомлинский «А? шаш». ?.Орманов «Ана»

Сабақтың тақырыбы: В.Сухомлинский «Ақ шаш». Ғ.Орманов «Ана».

Сабақтың мақсаты:

Білімділік: Берілген мәтін мен өлеңнің мазмұны мен идеясын ашу. Оқушылардың таным мүмкіндіктерін ашу. Мәнерлеп оқуға баулу.

Дамытушылық: Сабаққа деген қызығушылығын арттыру, қиялын дамыту, дүниетанымын кеңейту. Оқушылардың сөздік қорын, ой – санасын дамыту.

Тәрбиелік: Оқушыларды имандылыққа, үйлкенді сыйлауға, анасын қадірлеуге тәрбиелеу.

Көрнекілігі: слайд.

Әдісі: түсіндіру, сұрақ – жауап.

Сабақтың барысы:

І. Ұйымдастыру.

• Сәлеметсіздер ме, балалар! Қазір қандай сабақ?

• Аптаның қай күні? (Бейсенбі)

• Бейсенбі күні сабағымызға сәттілік тілеп, бір – бірімізге жарқын жүзбен қарап сабағымызды бастайық.

1 – слайд. Психологиялық дайындық.

Бейсенбінің сәті

Сәттілікке толсын!

Бүгінгі алған бағамыз

Кілең бестік болсын!

Сабағымыз сәтті болсын, достарым!

ІІ. Үй тапсырмасын тексеру. (сахналық көрініс)

Үй тапсырмасын қорыту.

А. Баланың әжесіне мінездеме бер.

Ә. Өлеңде кім және не туралы айтылған?

Б. Достық туралы мақал айту.

ІІІ. Жаңа сабақ.

Күннің жадын жазу. Автормен танысу.

2 – слайд.

В. Сухомлинкий – жазушы, педагог. Өмірінің барлығын жазушылыққа арнаған. Бұл кісінің 30 шақты кітабы бар. Көптеген әңгімелер жазған.

• Мәтінді оқып, мазмұнын түсіндіру.

• Оқушыларға тізбектей оқыту.

3 – слайд. Ой қозғау.

1. Мәтінде кім туралы баяндалған?

2. Мақал: Ананың көңілі балада,

Баланың көңілі далада.

1. Анасының Мишаға берген жауабын қалай түсінесіңдер?

4 – слайд.

Ғ. Орманов – ақын, жазушы, педагог. Көптеген шығармалары бар мысалы: «Өмір дастаны», «Бөбек туралы» т.б.

1. Мәнерлеп оқыту.

2. Қызыл түспен ерекшеленген сөздерді теріп оқыту.

3. Анаға тілек жазу.

• Міне, балалар, өмір бойы анамыздың алдында қарызымызды өтеуіміз керек. Қазір қоғамда ана мен баланың денсаулығына көп көңіл бөлінуде. Балалар, қазір сабақ барысында әр түрлі тапсырмаларды орындау арқылы денсаулық туралы мәліметтер білетін боламыз.

5 – слайд. Шығармашылық жұмыс.

1 – қатар. ......... сыйлаймын,

......... тыңдаймын.

......... саламын,

......... боламын.

2 – қатар. «Ана» туралы мақал – мәтел жазу.

3 – қатар. Өз аналарын сипаттап беру.

• Балалар, ананың бақыты, баланың бақыты болу үшін деніміз сау болу керек. Олай болса, денсаулық туралы мынадай мәліметтерді біліп жүрейік.

6 – слайд. Әлемдегі ең пайдалы азықтар:

1. Сүт – витамин, минерал және пайдалы бактерияларға өте бай.

2. Қызыл ет – жайлауда жайылған малдың еті, яғни өңдеуден өтпеген малды еті пайдалы.

3. Пияз және сарымсақ – инфекцияларды жояды. Жүрек ауруы қаупін 20 пайызға азайтады.

• «Ас – адамның арқауы» демекші осы тағамдармен дұрыс тамақтануымыз керек.

7 – слайд. Сергіту.

Шаршағанда ырғалып,

Гүлге ұқсап демалам.

Қанатымды бір қағып,

Гүлдей болып жайқалам.

Күннің шуағы жылы,

Ананың құшағы жылы.

8 – слайд. «Кім шапшаң?» ойыны.

1. «Ана» сөзін орыс және ағылшын тілдеріне аудар.

2. Қандай сөз жасырылған? Ккаппнббас (Ана)

9 – слайд.

Деніміз сау болуы үшін қандай нәрселерге мән беруіміз керек?

1. Ең әуелі деніміздің тазалығына мән беруіміз керек.

2. Ұйқымыздың жүйелі болуына, ерте жатып, ерте тұру керек.

3. Ата – ананың рұқсатынсыз ешқандай дәрі қолданбау керек.

ІҮ. Қорыту.

1. Миша мен анасының достығына қандай баға бересіңдер?

2. Миша қандай бала?

Ү. Бекіту.

10 – слайд. Ойымды аяқта.

• Үйдің алтын қазығы ... (ана)

• Жоқты бар, ашты тоқ қылатын ... (ана)

• Ананың жүрегі ... (таза, адал)

• Ананың алақаны ... (ыстық)

ҮІ. Үйге тапсырма.

ҮІІ. Бағалау.