Просмотр содержимого документа
«?ш?ан ?я-Бауыржан Момыш?лы»
Сабақтың тақырыбы: Ұшқан ұя Бауыржан Момышұлы Әдебиеттік оқу 28.11
Сабақтың мақсаты:
Білімдік: батырдың балалық шағы немесе жалпы ол туралы не білетіндерін ескере отырып, мәтінді өз бетімен оқып, талдап шыруға мүмкіндік беру.
Дамытушылық: оқушыға өздік жұмыс жасату арқылы оның оқулықпен жұмыс істеу мәдениетін көтеруге, проблемалық мәселелерді шешудегі іскерлігін арттыруға жағдай туғызу.
Тәрбиелік: отбасындағы қағидалар туралы ой қозғау арқылы мейірімділікке, қамқорлыққа, ұлттық дәстүрімізге бала көзқарасын қалыптастыруға, сана-сезімді биіктетуге ұмтылу әрекеттері.
Сабақтың көрнекілігі және қажетті құралдар: инт. тақта, батырдың портреті, альбом, тақта, бор, маркер, плакат, жазушы туралы және батырдың өзінің кітаптарынан ұйымдастырылған көрме, топтау сызбасы.
Сабақтың барысы:
Ұранымыз: Келешекке кемел біліммен кемелдену
Үй тапсырмасын тексеру
Кішіпейілділік-сөзінің мағынасын калай түсіндіңдер?
Мәтіндегі негізгі ой не жайында айтылған?
Мұхтар Әуезов кім?
Мәлік Ғабдуллин кім?
Батыр деп кімді айтамыз, ол қандай адам?
Қызығушылығын ояту
Ал біз бүгін Кеңес Одағының батыры, жазушы Бауыржан Момышұлының «Ұшқан ұя» кітабынан үзінді оқимыз. Ұшқан ұя сөзін қалай түсінесіңдер? ауызша жауап алынады. Тақтаға М. Әуезовтың сөзі ілінеді.
Әңгімемен таныспас бұрын БББ кестесімен жұмыс
Білемін
Білгім келеді
Не үйрендім?
Сыныпқа жалпы сұрақ қойылады. Портреті тақтаға ілінеді.
Батыр туралы не білеміз? Постерге толтыру
Кестенің бірінші бөлігі оқушылардың айтуы бойынша толтырылады.
— Бауыржан ата туралы тағы не білгілерің келеді? жазып қоямын. /өмір жолы/
Сергіту сәті
2. Мағынаны тану.
- Ендеше батырдың балалық шағы туралы, өз ата-бабасы, отбасы, өз өмірі жайлы сыр шерткен «Ұшқан ұя» естелігімен танысамыз. Шығарманы жылдам түсініп талдау үшін топқа бөліп оқимыз.
Оқулықпен жұмыс 124 бет
І топ: 1-3бөлігін, ІІ топ: 4-5 бөлігін, ІІІ топ: 6-7 бөлігін оқиды. Әр бала жеке оқып топта талдайды ат қояды. Әр топтың тақырыбы қойылып болған соң сұрақ қойып жауап алынады. Тақтаға жазу
Енді біз батыр бабамыздың өмір жолына шолу жасап көрейік! Ол үшін «Бала Бауыржаннан-батыр Бауыржанға дейін» фильм қойылады. 20мин
Міне біз батыр атамыз туралы тағы да бір жаңалық алдық.
Иә ел тарихының даму кезеңдерінде жерімізді, елімізді қорғаған ержүрек батыр ағаларымыз көп болған. Ол туралы көптеген шығармалармен танысып жатырмыз. Ендеше экранға назар аударайық. Қазақ тарихындағы батырларды 2 топқа бөлдік бұлардан басқа да батырларымыз болған. Енді оларды ажырата аламыз ба? Сынап көрейік. Контейнерге енгізу.
Ойтолғау.
Осы ел қорғаған батырлар жайлы қаншама шығармалар, өлең- жырлар, мақал мәтелдердің көп екенін білеміз. Ендігі кезекті мақал-мәтел айдарына кезек берейік. Әр топтан бір екі бала мақал айтады.
Сендер «Ұшқан ұя» естелігінің үзіндісімен таныса отырып көптеген жаңалықтардың куәсі болдыңдар.
Қосымша ақпарат
Бауыржан Момышұлының «Ұшқан ұясы» – оның жазушылық шеберлігін халқымызға мойындатқан алғашқы шығармасы. «Ұшқан ұяда» Бауыржан Момышұлының өзіндік көркем суреттеуі көзге түседі. Қалың халық ортасында, қарапайым отбасында туып өскен, жастай анасынан айырылып, ақылды ана, қарт ана, үлкен шешесінің қолында тәрбиеленген Бауыржанның жасынан сезімтал, елгезек, ойшыл болып өскенін көреміз. Бала кезінен көрген-білгені, өмірден алған әсері жүрегіне жазыла берген тәрізді көрінеді.Ол өзгелерден даралап көзге түскен, шайқаста қалам мен қаруды қатар ұстаған, бүгінде аты аңызға айналған жазушы, атақты қолбасшы, халық қаһарманы, ғасыр адамы атанған батыр. Сондықтан «Ұшқан ұяны» қызығып оқисың, сүйсініп оқисың. Оқығың келе береді.
Қорытынды: Сабақтары барлық жұмыстар аяқталысымен, кестенің соңғы бөлігі — «Не үйрендім?» бөлігі толтырылады. Ол оқушылардың өздерінің айтуымен жазылады.
Сіз не байқадыңыз? Сабақтың 1-кезеңінде пайдаланған сызба, кестелерге сабақ соңында қайта айналып келу сабақ мазмұнын, идеясын ашуға, жүйелі жұмыс нәтижесін шығаруға мүмкіндік береді.
Біз бүгін батыр атамыздың балалық шағынан естелік болған шығарманың үзіндісімен таныстық . Ойымызды жинақтадық. Батыр сөзіне бес жолды өлең құрастыру арқылы сабақты аяқтау.
Үй тапсырмасы: жұмыс дәптері 1,2 тапсырмамен жұмыс
Бағалау: Әр оқушы өз белсенділігіне қарай бағаланады.
