Урок на тему: "Момик кор"

1 Mavzu:   Momiq  qor

2 Maqsad:  O`quvchilarni  Po`lat Mo`minning  “Momiq qor “ she`ri bilan tanishtirish.

a) Ta`limiy maqsad: O`quvchilarga Po`lat Mo`min ijodi haqida tushuncha berish, she`rni ifodali, ravon o`qishga o`rgatish. TK3:mavzuga mos she`rlarni muntazam o`qib, o`rganib boorish.

b) Tarbiyaviy maqsad:  O`quvchilarni tevarak-atrof, yashil olam boyliklarini asrashga, qorning tabiatimizda tutgan o`rni, hayvonlarga g`amxo`r bo`lish ruhida tarbiyalash. TK4: she`rda bo`layotgan voqea jarayonlariga daxldorlikni his qilish.

d) Rivojlantiruvchi maqsad: O`quvchilarning ifodali o`qish, erkin va mustaqil fikrlash qobiliyatlarini rivojlantirish. FK2: matndagi so`z va gaplarning ma`nolarini tushuna olish.

3 Dars turi: Yangi bilim beruvchi.

4 Darsning uslubi: Suhbat, savol-javob.

5Darsning jihozi: Mavzuga doir rasmlar, qor parchalari, AKT, mavzuga oid slaydlar.

6 Darsning borishi: 

                               a) Tashkiliy qism.

O`quvchilarning darsga tayyorgarligini nazorat qilish, navbatchi axboroti.

                               b) Asosiy qism.

Hozir qaysi dars?   Kayfiyatlar qalay?  Hamma darsga tayyormi?

Darsimiz shiori:   Nimaki qilsang tilak,

                             Bariga o`qish kerak.

Sinfimiz shiori:    Aql koni kitob,

                             Uni sevganni yo`li oftob.

Aytingchi bolajonlar, o`qish kitobi nima deydi?

             Yozuvchilar, shoirlar,

              Hayotidan so`zlayman.

              Navoiy va Boburlar

              Ijodidan so`zlayman.

                                                 Qaynab toshar ilhomim,

                                                 Ertagu, she`r, hikoya

                                                 Qiziqib o`qisangiz,

                                                 Xursandman benihoya.

O`quvchilardan o`tilgan mavzu so`rab mustahkamlanadi.  Hikoya sahna ko`rinishi orqali namoyish etiladi.Savol - javoblar orqali mustahkamlanadi.

Kayfiyatni ko`tarish maqsadida “ Zo`r kayfiyat’’ o`yini o`ynatiladi.

   Qish fasli haqida, muhim sanalar so`raladi.

8-dekabr  O`zbekiston Respublikasi Konstitutsiyasi qabul qilingan kun.

                          Xalqim diliga yog`du sochar

                          Misoli oftob

                         Qonunlar majmuasi

                         Muqaddas kitob.

10-dskabr O`zbekiston Respublikasi Davlat madhiyasi qabul qilingan kun.

                                      Har sahar yangragan,

                                      Ulug` madhiyam.

                                      Eng go`zal qo`sig`i

                                      Ozod elimning.

31-dekabr Yangi yil bayrami.

                               Istiqlol yurtimda,

                               Qolsin abadiy.

                               Degaymiz, Yangi yil

                               Kelsin omadli.

             “Topishmoqlarni top” o`yini.                     

O`quvchilarga turli shakllar beriladi.Topishmoqlarga to`g`ri javob bergan  o`quvchilar chiqib kvadrat, doiracha shakllarini yasaydilar.                                                                                                                                                                                                          -                           O`tda yonmaydi

                            Suvda cho`kmaydi.

                          - Ko`kda supra ochildi,

                            Uni yerga sochildi.

                          -Ayoz bobo novvot sotdi

                           Olgan edim qo`lim qotdi.

  Endi bolajonlar, sinfimizda qish fasli manzarasini hosil qilamiz.  Oldingizda manzara bo`lakchalari bor. Ziyrak, zukko o`quvchi men aytgan ta`rifni eshitib, oldidagi manzara bo`lagini chiqib xattaxtaga yopishtiradi.

  O`lkamizga qish fasli kirib keldi.Ona tabiat uyquga ketdi. Pag`-pag`a oppoq qor yog`ib, hamma yoq qorga burkandi.Bolajonlar qorbo`ron o`ynash uchun, uylaridan tashqariga chiqishdi. Ravshan chanada uchyapti. Salima esa Qorbobo yasayapti.Nargiza konkida uchyapti. O`sha kuni bolajonlar maza qilib o`ynadilar.

Mana sinfimizda qish fasli manzarasi hosil bo`ldi. Manzarani “Qishning ko`rki “ deb nomlasak bo`ladimi?  Manzara sizga yoqdimi?

          Yangi mavzu bayoni:

Diqqat qiling!   Hozirgi aytadigan  so`zim 8 harfdan iborat. So`zimning birinchi harfi alifbomizdagi 12-harf, 14-harf, 12-harf, 8-harf, 16-harf alifbomizdagi 16-harf, 14-harf, 17-harf. Topgan o`quvchilar rag`batlantiriladi.

Bu so`z  “Momiq qor”so`zi.   Biz bugun Po`lat Mo`minning  “Momiq qor” she`rini o`tamiz.

O`quvchilarga Po`lat Mo`min ijodi haqida ma`lumot beriladi. She`r o`qib mazmuni bilan tanishtiriladi.

Lug`at ishi: 

                  Kaft - qo`l panjasining ichki tomoni

                  Yuz, aft – odam boshining old qismi

                  Maqtasa kiroyi – zo`r,asl, maqtasa arzigulik

  O`quvchilarga o`qitilib, savol-javoblar orqali mustahkamlanadi.

Quvnoq daqiqa: “Laylak qor “qo`shig`i kuylanadi.

Endi bolajonlar, bayram kunlari ob-havo qanday bo`lishini,ob-havo darakchilaridan bir eshitaylikchi.

• Qish kunlari kechasi havo ochiq bo`lsa, qattiq sovuq bo`ladi.
• Qarg`alar to`xtovsiz qag`illasa,tez orada qor yog`adi.
• Agar qor guppillatib tez yog`sa, tez tinadi, sekin yog`sa, uzoq davom etadi.
• Mushuk va itlar boshlarini oyoqlari orasida yashirib uxlasa, ertasi kuni sovuq bo`ladi.
• Qushlar hurpayib olsa, sovuq uzoq davom etadi.
• Qishda atrofda chirsillagan ovoz eshitilsa, sovuq kuchayadi.

1. Darsni mustahkamlash:

1. Qishda qaysi qushlar qishlab qoladi?
2. Qor  she`rining muallifi kim?
3. Qishda qanday o`yinlar o`ynaladi?

      e) Uyga vazifa:  “ Momiq qor” she`rini yod olib kelish.