Урок кабардинского языка "Темэр: Глагол"

Темэр: Глагол

Япэ 1ыхьэ.

1.Хьэщ1эхэ, егъэджак1уэхэ

Ди урокым къыщ1ыдодзэ,

Къыщ1эзыдзэри дэращ

е 3-нэ классым и еджак1уэхэращ.

2. Мэкъамэ къоуэ.

- Мыпхуэдэ мэкъамэ уеда1уэурэ сытхэр пхуэщ1эну?

-Укъэфэфынущ, уджэгуфынущ,ужэфынущ, н.къ.

- Ит зэманым ивгъувэт а псалъэхэр щхьэк1э зэфхъуэк1ыурэ.

(сабийхэм лэжьыгъэр жьэры1уатэу ягъэзащ1э)

- Псалъэ лъэпкъыгъуэк1э зищ1ысыр сыт мы псалъэхэр?

- Глаголщ.

- Нобэрей ди темэри зытеухуар аращ, глаголыращ. Глаголым теухуауэ фщ1э псори къэтпщытэжынщ.

Ет1ыуанэ 1ыхьэ.

1. (орг.момент) "Ассоциация"

Е. - Фи нэр зэтефп1и "газет" жыф1эт.

- Сыт фи нэгу къыщ1игъыхьэр а псалъэм?

- Сыт хуэдэ газетхэм я ц1эхэр фщ1эрэ?

- Фи унагъуэхэм сыт хуэдэ газетхэр щызэрахьэрэ, фи адэ анэхэр сыт хуэдэ газетхэм еджэрэ?

- Сыт зэреджэр газетхэмрэ журналхэмрэ къыщыдагъэк1 унэм?

2.Урокым и темэр яже1эн.

-Нобэрей ди урокыр адрей урокхэм ещхькъым. Дэ "Глагол"-к1э зэджэ редакцияр къыдэлъэ1уащ газетым тратхэну материалхэр яхуэдгъэхьэзырыну. Абы ипкъ итк1э фэ дэтхэнэри иджыпсту газетым и лэжьак1уэ фыхъун хуейщ. Газет редакциям фыщылэжьэн щхьэк1э куэд фщ1эн хуейщ, куэдми фыщыгъуазэу фыщытын хуейщ. Абы щхьэк1э собеседование едгъэк1уэк1ын хуейщ. Иджыпсту зы джэгук1э дыджэгунущи, упщ1эхэм жэуап тэмэму къефтыфмэ псори "Глагол" редакциям фыщылэжьэну хуит фызощ1.Джэгук1эм зэреджэр "Пэжрэ, пц1ырэ"-щ.

а) Глаголыр зи щхьэ хущыт псалъэ лъэпкъыгъуэщ. +

б) Глаголым лэжьыгъэ гуэр къегъэлъагъуэ +

в) Глаголым упщ1эу хуоув (хэт? сыт?) -

г) Глаголым щхьэк1э зехъуэж +

д) Глаголым зэманк1э зехъуэж+

е) Глаголым бжыгъэк1э зехъуэж +

ж) Глаголым предметым и фэр къегъэлъагъуэ-

-Жэуапхэр тэмэму къызэфтащи, псори "Глагол" редакциям и лэжьак1уэу фыкъызощтэ. Редакциям щ1эс ц1ыхухэр гуп -гупу отделхэм щылажьэу аращи, фэри гуп-гупу отделхэм фыщ1эзгъэт1ысхьэнщ, урок псок1э редакциям фыщылэжьэнущи, япэ дыдэу къэвлэжьыну улахуэр (зарплатэр) балл бжыгъэк1э къэдгъэлъэгъуэнущ, ар нэхъ лъагэ зэрыхъуным яужь фит.

3. Тетрадым щыгъэлэжьэн.

Фи тетрадхэм ивотхэ лэжьак1уэ фыкъыщащта мазэр, махуэр (числор).Редакторхэр дахэу ик1и пэжу тхэн хуейщи,фегугъуу фытхэ.

4. Япэ напэ

"Ар псоми ф1ыуэ фщ1эн хуейщ"

Адыгэ алфавитым и хьэрфхэм щыщу фигу нэхъ дэзыхьэхымк1э щапхъэхэр къэфхь.

Щы1эц1э. Плъыфэц1э. Глагол.

х.- хадэ хамэ хесэ

гу.- гуащэ гуащ1э гуетхэ

м.- мэз мае матхэ

дж.- джабэ джафэ джэлащ н.къ.

Зы псалъэ къэс зы балл къыволэжь (баллхэр доскам къитхэн, ряд е ц1ыху къэс ейр).

5. Ет1ыуанэ напэ

(наукэм и отдел)

"Наукэмрэ глаголымрэ"

Хэту п1эрэ мы отделым и нэхъыщхьэр?

Ар къэфщ1эну фыхуеймэ, мы усэм фыкъеджи, псалъэ щыгъэпщк1уар къэвгъуэт. (акростих-научное название).Мыр акроусэщ.

-Газет, журнал,тетрадь е тхылъ

Лэжьэну хуейхэм я пщэрылъщ

Ар ди щ1эныгъэм и курылъщ,

Газет, журнал, тетрадь е тхылъ.

О-о-о абы гухэлъхэри къыбжа1ыф

Лэжьэну хуейхэри къагъуэтыф. (2 балла)

-Газетым и япэ напэр псом нэхърэ нэхъ гугъущ ик1и нэхъыщхьэщ. Сыт хуэдэу п1эрэ япэ напэри адрейхэри зэрыщытын хуейр? Ар дахэу, удихьэхыу, дыубзыхуэнщ иджыпсту.

а) Темэ зытеухуар тэмэму зэк1элъыхьауэ зэрыщытыр (последоват.содержания)

б) Нэгъэсауэ зэхэлъхьа зэрыхъуар (полнота содержания).

в) Эстетикэ и лъэныкъуэк1э газетым и теплъэр. (эстетичность оформления)

6. Группэхэм я лэжьыгъэр къэгъэлъэгъуэн.

(Работа по группам).

Япэ напэр догъэхьэзыр.

Кластер зэхэлъхьэн.

Глагол

псалъэ лъэпкъыгъуэщ предметым ищ1эр

е къыщыщ1ыр сыт ищ1эр?

къегъэлъагъуэ сыт къыщыщ1ыр?

Зи щхьэ хущыт псалъэ лъэпкъыгъуэщ.

Предметым ищ1эр е къыщ1ыщ1ыр къегъэлъагъуэ.

Сыт ищ1эр? Сыт къыщыщ1ыр?

Щхьэк1э, бжыгъэк1э, зэманк1э зехъуэж. (хэт пэжу, дахэу ищ1ами баллищ хуагъэув - 3 балла)

1 группэ

2 группэ

3 группэ

4 группэ

Зэк1ужу зэк1элъыхьауэ зэрыщытыр

Нэгъэсауэ зэратхар

И дэхагъ, гъэщ1эгъуэнагъыу зэрызэхэлъхьар

7. Ет1ыуанэ напэ

Къык1элъык1уэ лэжьыгъэм Глаголым теухуауэ фи научнэ щ1эныгъэхэр къыщывгъэлъэгъуэн хуейщ. Къехыгъуит1ым хэт псалъэхэр зэгуэвдзэурэ псалъэжьхэр зэхэвгъэувэж.

1. Лажьэм лыжь ешхыр - егъэлъап1э

2.Лэжьыгъэм ц1ыхур - къыдок1уэ

3. Хьэщ1эм насып - гъэсэныгъи и1эщ

4. Шы1эныгъэ зи1эм - мылэжьар хущ1огъуэжыр

- Псалъэ щ1этхъахэр зэманк1э зэфхъуэк1.

ит зэман къэк1уэну зэман блэк1а зэман

Музыкальнэ физминуткэ (зарядкэ дощ1)

8. Ещанэ напэ

"Щ1алэгъуалэ лъыхъуак1уэхэр"

"Глагольск" жыхуи1э къалэм дыдэ1эпыкъун хуейщ. Абы жьапщэшхуэ къыщыхъури глаголхэр гужьеяуэ зэбгырыжащи, иджы я унэхэр къахуэгъуэтыжыркъым,щхьэж я унэ ешэл1эжын хуейщ.

сыт ищ1эр? сыт къыщыщ1ыр?

йоджэ

мак1уэ

мэджалэ

мэкъутэ

къочэ

мэджэгу

мэтк1у

къопс

Реклама

Джэгук1э "Шэнт хьэлэмэт" Сабийхэр щэнтым тет1ысхьэурэ рекламэ ящ1, глаголым теухуауэ. Хэт хуейми диктор мэхъу.

9. Епл1анэ напэ.

"Нобэрей хъыбарыщ1эхэр"

Хъыбарыщ1эхэм я отдел.

Хъыбарыщ1э темыту зы газети къыдагъэк1ыркъым, иджыпсту ахэр къэтщ1энщ. (Лэжь.185, н.116)

Зэгъусэу лэжьыгъэ ягъэзащ1э (работа в парах)

Лэжь. 187 Щ1акхъуэм зэрыхущытынр хуейр къыжыф1э, абы теухуауэ фи гупсысэхэри къызжеф1э.

10. Етхуанэ напэ.

"Дэ къытхуатх"

Ди редакциям письмо къэк1уащ сюрприз игъусэу, упщ1эхэм жэуап ефтын хуейщ.

Тестовэ лэжьыгъэ

1. Глаголым упщ1эу хуоув.

а) Хэт? Сыт?

б) Сыт ищ1эр? Сыт къыщыщ1ыр?

в) Сыт хуэдэ?

2. Глаголыр къэгъуэт.

а) дахагъ

б) дахэ

в) егъэдахэ

3.Куэд бжыгъэ къэзыгъэлъагъуэ глаголхэр къэгъуэт.

а) Дыгъэр гуащ1эу къопс.

б) Мэкъумэшыш1эхэм губгъуэм гъавэхэр трасэ.

в) Ленэ дахэу матхэ.

4. Ит зэманым ит глаголхэр къэвгъуэт.

а) хуэзащ

б) мадэ

в) къэк1уэнущ.

5. Псалъэухар зэпкъырыфхи, глаголыр къэвгъуэт.

Гъатхэм траса гъавэр, бэву бжьыхьэм кърахьэл1эж.

6. Псалъэухам глаголыр :

а) подлежащэу

б) сказуемэу

в) определенэу зэрыхэтыр?

11.Планёркэ.

Планёркэм газет редакцэм и лэжьак1уэхэр псори зэхуосри, я лэжьыгъэхэр къызэщ1акъуэж.

- Гъэщ1эгъуэн, хьэлэмэт хъуауэ п1эрэ ди газетыр?

- Сыт нэхъ удэзыхьэхыу хэт, мы къыдэк1ыгъуэм?

- Нэгъуэщ1 школ щеджэ ц1ык1ухэм ягу ирихьыну п1эрэ,мыпхуэдэ газетхэр?

Урокым ф1ыуэ щылэжьа ц1ык1ухэм къэвлэжьа фи улахуэр балл бжыгъэк1э фызотыж. (егъэджак1уэм оценкэхэр егъэувыж)