Урок литературного чтения в начальной школе с казахским языком обучения. 4 класс. Тема "Су?а ж?зіп ?йрен, балам. Т. М?рат?лы"

Пән атауы: әдебиеттік оқу

Сабақтың тақырыбы: Суға жүзіп үйрен, балам. Т. Мұратұлы

Сабақтың мақсаты:

І Білімділігі: Жаңа тақырыптың мағынасын аша отырып, негізгі идеясын анықтай білуге үйрету. Судың адам өміріне пайдасы, сусыз тіршіліктің болмайтынын түсіндіре отырып, судың тілсіз жау екеніне көңілін аударуға жағдау туғызу. Суда жүзу адамға не үшін қажет екенін, сондай –ақ, суда жүзе білген адам бойына қандай қасиеттер пайда болатындығы туралы түсінік бере отырып, білімдерін кеңейту.

ІІ Дамытушылығы: Әңгімені оқи отырып, туысқандық, достық көмек, міндет, парыз мағыналарын түсіндіру, ойларын, қиялдарын дамытуға жол салу.

ІІІ Тәрбиелігі: Оқушыларды достыққа, адамгершілік қасиеттерге, адалдыққа, ұжымшылдыққа тәрбиелеу.

Сабақтың түрі: Жаңа сабақ.

Сабақтың әдіс- тәсілдері: Сұрақ-жауап, әңгімелеу, түсіндіру, баяндау, талдау-жинақтау, пікір –талас.

Көрнекілігі: суреттер, үнтаспа, плакат, маркер.

Пәнаралық байланыс: музыка, бейнелеу өнері.

Сабақтың барысы:

І. Ұйымдастыру кезеңі:

1. Сәлемдесу. .

2. Оқушыларды тексеру, сабаққа келмеу себебін анықтау. Жұмыстың жүргізілу түріне қарай топтастырып отырғызу.

3. Оқушылардың көңілін, назарын, сабаққа бейімдеу, ыңғайлау.

4. Ойға шақыру. (Психологиялық даярлық жүргізу).

Психологиялық ахуал:

Қайырлы күн балалар,

Қайырлы күн болсын.

Сәрсенбінің бұл күні,

Сәттілікке толсын.

Бүгінгі алар бағамыз,

Тек бестіктер болсын.

І

І. Өткен материалды еске түсіру/ Жалпылау:

1. Үй тапсырмасын сұрау, тексеру.

2. Оқушылардың өткен сабақты қаншалықты меңгергенін, түсінгенін байқау, анықтау.

3. Оқушының сөйлеу қабілетін, сөйлеу тілін сөздік қорын байқау.

4. Неге көңіл аудару қажеттілігін анықтау, ескеру. Жан-жақты тексеру.

ІІІ. Жаңа сабақ:

Сабақтың тақырыбы: Суға жүзіп үйрен, балам. Т. Мұратұлы

Қызығушылықты ояту.

• Су деп нені айтамыз?

• Суды адам не үшін пайдаланады?

• Судың адам өмірінде қандай пайдасы бар? Ал зияны қандай?

• Суда адам жүзу үшін адам нені білу керек?

• Суда жүзе білген адам бойында қандай қасиет болуы керек?

• Қалай дұрыс жүзуді үйренуге болады?

І V. Мағынаны ашу.

Мәнерлеп оқу арқылы өлеңді қара сөзбен баяндау.

Сұрақ арқылы алған білімдерін тексеру:

- Егер өзің осындай жағдайда тап болсаң, кімнің орнында болғанды қалар едің?

- Сенің әрекетің қандай болар еді деп ойлайсың?

- Бұндай жағдайда нені естен шығармау керек?

- Қауіпсіздік ережесін сақтау деген не?

V. Сергіту сәті:

Қолдарыңды көтеріңдер – бір дейік.

Көп отырып, қатты шаршап жүрмейік.

Қолды создық, басты бұрдық – екі деп,

Қозғалыспен әрбір адам жетіледі.

Алға, артқа қарадық та – үш дедік.

Тағы жаңа жаттығулар істедік.

Түсірейік қолды төрт пен бесті айтып,

Отырайық көңілді енді марқайтып.

VІ. Ойтолғау.

• Су туралы қандай ырымдар білесіңдер?

Қажет дерек:

• Суды сыпырма, суға дәретке отырма, суға түкірме.

• Шелектегі суға аузыңды батырма.

Ұлағатты ұлттық ұғымдар:

• Үш көз: 1. Су анасы – бұлақ. 2. Жол анасы – тұяқ. 3. Сөз анасы – құлақ.

• Төрт тұлға: 1. От. 2. Су. 3. Жел. 4. Жер.

• Жеті амал: 1. Күннің тоқырауы. 2. Қарашаның қайтуы. 3. Үркердің батуы. 4. Мұздың қатуы. 5. Киіктің матауы. 6. Қыс тоқсан. 7. Ай тоғамы.

Венн диаграммасы арқылы алғашқы көмек пен құтқару жұмыстарын салыстыру.

Құтқару

Көмек

VІІ. Үй тапсырмасы: 114 беттегі өлеңді жаттау. Жүзуді қалай үйренгені туралы айтып беру.

VIII. Бағалау: Сабаққа белсене қатысқан оқушыларды топпен мадақтап, жеткен