?ла?атты ?лтты? ??ымдар саны

Қызықты математика:

Сабақтың тақырыбы: «Ұлағатты ұлттық ұғымдар саны»

Сабақтың мақсаты:

а) оқушылардың қызықты математика үйірмесінен алған білімдерін сайыс барысында ортаға салу.

ә) танымдық көзқарастарын, логикалық ойлау, шапшаңдық, іздемпаздық қасиеттерін қалыптастыру.

б) өз пікірін қорғай алуға баулу.

Сабақтың көрнекілігі: Сандар, өлшемдер, санжұмбақтар, тапсырмалар жазылған қағаздар.

Сабақтың барысы:

Ұйымдастыру кезеңі:

Тәуелсіз таңының ұл - қызымыз,

Біліммен, өнерге ұмтыламыз.

Бұл өмір сайыстардан тұрады.

Жаңа сабақ: Сайыс барысында өтіледі

Цифрлардан әр түрлі сандар құрастырылады. Олар бар болғаны он цифр. Әр санның өз сырына үңілейік.

1 саны

1 - жалғыз, дара, жеке сыңар. Бір елі ауызға екі елі қақпақ. Екі жарты - бір бүтін. Жақсы сөз жарым ырыс.

2 саны

2 - жұп, қос, егіз, пар. Екі құлағы екі езуінде. Құтты қонақ келсе, қой егіз табады. Жұбын жазбады. Екі құлағынан күн көрінеді.

Екі арыс: Ата, ана. Екі мәңгілік: Ай мен күн. Екі дүние: Бұл дүние. О дүние.

3 саны

3 - орта баға. Ер кезегі үшке дейін. 3 би, 3 жүз, 3 арсыз, 3 қадірсіз, 3 жақын, 3 тоқтам, 3 тәтті, 3 қайнаса сорпасы қосылмайды.

Үш жұрт: Ағайын жұрт. Нағашы жұрт. Қайын жұрт.

Үш байлық: 1 - денсаулық, 2 - ақжаулық, 3 - қорадағы бес саулық.

Үш дана: Абай. Шоқан. Ыбырай. Үш арсыз: Ұйқы. Тамақ. Күлкі жамандық,

4 саны 4 амал, 4 бұрыш, 4 құбыла. Дүниенің 4 бұрышы. 4 аяғы тең жорға.

Түн ұйқысын 4 бөлген. Төрт түлігі сай. Төрт көзі түгел.

Төрт тұлға: От, су, жел, жер. Төрт құбыла: Шығыс, оңтүстік, батыс, солтүстік.

Төрт маусым: Көктем, жаз, күз, қыс. Төрт тоқсан: Қыс тоқсан, жаз тоқсан, шілде тоқсан, күз тоқсан.

Төрт мұрат: Дау мұраты - біту.

Саудагер мұраты - ұту.

Қыз мұраты - кету.

Жол мұраты - жету.

5 саны

5 үздік баға, 5 қару, 5 асыл іс, 5 дұшпан, 5 тас ойыны, 5 парыз.

Бес қару: Садақ, мылтық, найза, қылыш, айбалта.

6 саны

6 - жұп сан. Төртеу түгел болса, төбедегі келеді,

Алтау ала болса, ауыздағы кетеді,

Алты айлық жол. Азуы алты қарыс.

Алты алаш: Қазақ, қарақалпақ, өзбек, түркімен, қырғыз, жайылған.

7 саны 7 қазына. 7 жетім. 7 жоқ. 7 аптаның 7 күні. 7 жарғы. 7 жұп. 7 ата.

Жұт жеті ағайынды. Жеті атасын білмеген ер, жеті жұрттың қамын жер.

Жеті қазына: Ер жігіт, сұлу әйел, ақыл, білім, жүйрік ат, қыран бүркіт, берен мылтық, жүйрік таз.

8 саны

8 - сегіз сері. Сегіз қырлы, бір сырлы.

9 саны

9 құмалақ ойыны.

10 саны оқу

Хормен: 1 - білім ал

2 - ерлік көрсет

3 - үлгі тұт

4 - тәртіп керек

5 - бестік баға

6 - алғыс ал

7 – жеңіс біздікі

8 - сенім керек

9 - талпыну керек

10 - оқу керек