Т?спен ойын.

Тақырыбы: Акватипия. Түспен ойын.

Мақсаты: Қазіргі заманғы өнерінің түрлі техникасын қолдана білуге үйрету, өз қабылдауына негізделген көркем бейне жасап шығару.

Білімділігі: Жаңа «Акватипия» техникасымен танысып, әрі қарай сол тақырыпта жұмыстану;

Тәрбиелік мәні: Түстің әдемілігін көруге үйрету, әсемдікке баулу;

Дамытушылық: түс туралы бұрын алған білімдерін дамыту, бояумен жұмыс жасауға,оқушылардың ой-өрісін дамыту,түстердің үйлесімділігін таңдай білуге тәрбиелеу.

Типі: аралас (білімін тексеру, жаңа тақырып меңгерту және қолдану).

Түрі: шығармашылық іс-әрекет сабағы.

Әдісі: интерактивті (түсіндіру, демонстрациялау,проблемалық, дамытушылық)

Қажетті құрал-жабдықтар:

Мұғалім үшін – А4 форматты әйнек беті, сурет үлгілері, слайдтар.

Оқушы үшін – А4 форматы, гуашь, қылқалам, қара сия (немесе қара қалам).

Сабақ барысы:

1.Ұйымдастыру сәті.

- оқушыларды бөліп дұрыс отырғызу;

- сабаққа әзір болу.

2.Жаңа сабақты түсіндіру.

-Балалар,бүгінгі сабақта мен сіздерді жаңа техникамен таныстырамын-Акватипиямен.

Акватипия- бұл суретті сулы бояумен (акварель, гуашь)бастырып шығару.

Бұл қиын болып көрінгенмен, қызықты іс, тіпті сурет салу білмейтін оқушыға да қызық

• Акватипия сөзі екі тілден алынған – латын сөзінен аgua – су және грек тілінен typos - дақ.

-бұл техникамен жұмысты бастамас бұрын түс туралы әңгіме жүргізейік.

Сары

қызыл жасыл

ЖЫЛЫ

СУЫҚ

күлгін ашық көк

көк

• Барлық түстер қандай түрге бөлінеді?(жылы, суық)

• Жылы түстер деп қандай түстерді айтамыз? (қызыл,сары, қызылсары)

• Суық түстер деп қандай түстерді айтамыз?(көк, көгілдір, жасыл)

• Қандай түстерді хроматикалық және ахроматикалық деп айтамыз?

(Хроматикалық бояулар дегеніміз-түсті бояулар:қызыл, сары, жасыл, көк.

ахроматикалық деп- түссіз бояулар:ақ, қара, сұр түстер).

- Негізгі және қосымша түстерді атаңыз? Негізгі:қызыл, көк, сары түстер;

Қосымша түстер:қызылсары, жасыл, күлгін, көгілдір).

• Түсті спектр дегеніміз не?

(Спектр-күн сәулесіндегі барлық түстердің толқынды құрамы).

көрнекілік арқылы түсінік беру(ақ, қара түске қатысыты түстердің өзгеруі)

-Ал енді бояуларды араластырып қандай түстер шығаруға болатынын көрейік.

(Слайд көрсету).

(Слайд бойынша сұрақтар).

• Ал енді іске кірісуге болады... (әр оқушыға А4 форматты әйнек үйлестіріледі, оқушылардың қауіпсіздігі үшін алдын ала скотчпен өнделген).

• Әйнекке қылқаламмен акварельді бояудың әр түсін немесе аралас түстен түсіреміз.

• Акварельді қағазды әйнектің үстіне қоямыз.

• Түрлі бағыттағы бейнелер шығады.Өз қағазыңыздағы суретті дұрыстап қарап алыңыз, мүмкін, сізге бір аң немесе жұмбақ гүл көрінер.(Бұл балалық шақтағы бұлттар ойыны секілді, шөпте жатып аспандағы бұлтқа түрлі бейне ойлап табамыз, бір сөзбен, ойлау қабілетімізді қосамыз.

-Енді қаламмен,тушьпен бізге көрінген бейнені бастырамыз.

-Мұндай ғажайып сурет салып шығаруға болады.

-Өз ойлау қабілеттеріңізді жаттықтырыңыз.

3. Сарамандық жұмыс.
- Жұмыс барысында оқушыларға түзету еңгізу.

-Ұқыпты, төзімді болуды талап ету.

4.Қорытындылау.

Сабақ соныңда оқушылар өз жетістіктері мен кемшіліктерін атап, бағалап жатқан жұмыстарын қарап шығу.Берілген бағаны бекітіп, неліктен мұндай баға қойылғаның түсіндіріп , ашып айту.