Тугу гынар? Хайыыр?

Оскуола: Сатаҕай орто оскуолата

Учуутал: Захарова Маргарита Тогоянична

Кылаас: 2

Предмет: саха тыла

Тиэмэ: Тугу гынар? Хайыыр?

Уруок хаамыыта

Уруок сыала

Тустаах үөрэх предметин үөрэтии түмүгэ (предметные результаты):

• этииттэн предмет тугу гынарын көрдөрөр тыллары ыйытыы көмөтүнэн булуу;

• предмет хайааһынын көрдөрөр тыл тугу гынар? хайыыр? ыйытыыларга эппиэттиирин билии;

• „аат тыл+туохтуур“ тыл ситимин оҥорорго эрчиллии.

Үөрэх сатабылларын сайыннарыы түмүгэ (метапредметные результаты):

• сыал-сорук туруорунан көдьүүстээхтик үлэлиир;

• предмет тугу гынарын көрдөрөр тыл моделыгар тирэҕирэн билиини кэҥэтии;

• тылы-өһү сөпкө туттан этиилэри ситимнээн кэпсээн оҥорорго дьулуһуу;

• өс хоһоон суолтатын быһаарарга саҥарар саҥаны сайыннарыы;

• пааранан бииргэ алтыһан үлэлээһин;

• анал бэлиэлэри таба туһаныы.

• оҕо бэйэтин үлэтигэр түмүк оҥоруута, ол түмүгү бэриллибит быраабыланы кытта тэҥнээһинэ.

Ытык өйдөбүллэри иҥэрии түмүгэ (личностные результаты)

• иллээх-эйэлээх дьиэ кэргэн туһунан үтүө өйдөбүлү үөскэтии;

• дьон иннигэр сиэрдээхтик туттуу-хаптыы, бодоруһуу ньымаларын тоҕоостоохтук туттуу.

Уруок тэрилэ

Учууталга: хартыыналар, карточкалар, тыл моделлара, тылдьыт, ПК

Оҕолорго: карточкалар, үөрэнэр кинигэ, тэтэрээт

I. Проблема туруоруу, уруок тиэмэтин таһаартарыы.

Экраҥҥа хартыыналар бааллар: катер, борохуот, поезд, оҥочо.

Учуутал ыйытар: - Бу туохтарый? Оҕолор эппиэттэрин истии, быһаартарыы. Ордук тылы бул? Оҕолор эппиэттэрин истии, быһаартарыы. (Поезд ордук тыл, кини айанныыр, атыттар уунан усталлар)

• Айанныыр, усталлар диэн тыллар тугу көрдөрөллөрүй? (Оҕолор эппиэттэрэ: „Предмет тугу гынарын көрдөрөр тыллар.“)

• Тыл моделларыттан сөп түбэһэрин талыҥ.

• Ол аата бүгүҥҥү уруокка тугу үөрэтэбитий? (Оҕолор эппиэттэрэ: „Предмет тугу гынарын көрдөрөр тылларын үөрэтэбит.“)

II. . Буочарга үлэ.

Сатаабаты үөрэт, билбэти өйдөт.

Ааҕыы, ырытыы, бэйэ санаатын этии, устуу.

III. Саҥаны арыйыы уонна туһаныы.

1. Кинигэнэн үлэ с.99 эрч.1

- ойууларынан үлэ: предметтэри ааттаталаа, ойуу аайы этиитэ оҥор. Предмет тугу гынарын көрдөрөр тылга ыйытыыта туруор.

2. Карточканан үлэ

- Пааранан үлэ. Сорудаҕа: ыйытыы көмөтүнэн предмет тугу гынарын көрдөрөр тыллары булан бэлиэтээ, дакаастаа.

- Икки этиини учуутал тылыттан истэн суруйуу.

3. с.100 эрч.3.

- тыллары көрдөрөн түргэнник аахтарыы;

- тугу көрдөрөр тыллары й?

- бу тыллар ханнык предмет дьайыытын көрдөрөллөрүй? (Оҕолор эппиэттэрэ.)

Сынньалаҥ

• Оҕо хамсаныытын үтүктүн уонна тугу гынарын таайыҥ?

IV. Чиҥэтии.

1. с. 101 эрч.6 хартыынанан үлэ.

- хартыынаттан хайааһыны көрдөрөр тыллары ааттаталаа;

- тыллары туһанан кэпсээннэ оҥор, кэпсээҥҥин ааттаа.

2. с.100 эрч.4 самостоятельнай үлэ

- бэриллибит тыллары туһанан предмет дьайыытын суруйуу.

V. Түмүк.

- Предмет хайааһынын көрдөрөр тылы туох көмөтүнэн булабытый? (Оҕо эппиэтэ)

- Ыйытыылара ханныктарый?

- Түмүктэ оҥоруҥ.

- Кинигэҕэ бэриллибит түмүгү кытта тэҥнээн көрүҥ. (стр.102 ааҕыы)