Тренинг - "Т?рт т?лік мал".

Тренинг сабақ

Ана тілі 1-сынып

Сабақтың тақырыбы: Төрт түлік мал.

Сабақтың мақсаты:

1.Білімділігі: Төрт түлік малдың өрісімен,тіршілік табиғатымен, қадір-қасиетімен таныстыру. Мал мен адам арасындағы байланысты ашу.

2.Дамытушылығы: Сөздік қорын молайту, ойлау белсенділік-терін дамыту. Сын тұрғысынан ойлауды, модульдік технологияның ойын элементтерін пайдалана отырып баланың ойлау қабілетін дамыту және жеке топта өздігінен қорытынды шығаруға қалыптастыру.

3.Тәрбиелігі: Қазақ халқының өмірін төрт түлік малмен байла-ныстыра отырып оқушыларды еңбекқорлыққа,байқағыштыққа тәрбиелеу көзделді.

Сабақтың түрі: Тренинг-сабақ (тренинг ағылшын тілінен алынғанда жаттығулар жүйесі деген мағынаны білдіреді).

Сабақтың көрнекілігі: үлестірме қима қағазы,т үрлі суреттер, интерактивті

тақта.

Сабақтың барысы: I. Ұйымдастыру кезеңі.

а) сәлемдесу

ә) топтарға бөлу( топбасшы сайлау)

- Балалар,бүгін бізде ерекше сабақ. Бізге қонақтар келіп отыр,олар әр оқушының білімін, тәртібін қадағалауға келген екен, қане, ендеше өз білімімізді көрсете білейік.

- Балалар, бүгін аптаның қай күні?

- Жұма.

- Жұма қандай күн, балалар?

- Қасиетті күн деп саналады.

- Ондай болса көтеріңкі көңіл-күймен сабақты бастайық.

II. Өткен сабақтарға шолу жасау.

«Құпия» ойыны арқылы бекіту.

1

2

3

4

1.Дыбыс дегеніміз не?

2.Әріп дегеніміз не?

3.Сөз дегеніміз не?

4.Қазақ алфавитінде неше әріп бар? (40ә. 2т. )

Сергіту сәті: 1минут.

Қатар-қатар тізіліп, оқушыға лайық,

Қолымызды жіберіп,түп-түзу боп тұрайық,

Жақсы оқып сабақты әдеп сақтау сәніміз,

Отыруға нықтана дайындаламыз бәріміз.

1-ші қатар жай отыр

2-ші қатар тез отыр

3-ші қатар сенде отыр.

III. Жаңа сабақты ашу.

• Балалар,үй жануарларын атап беріңдерші?

• Сиыр,жылқы,қой,ешкі,түйе.

• Бүгінгі біздің сабағымыз үй жануарлары,яғни оларды төрт түлік мал деп те атаймыз.

Мұғалімнің кіріспе сөзі: төрт түлік жайлы түсінік беріледі.

Даланың көркі- мал

Өзеннің көркі- тал.

Бүгінгі біздің сабағымызда

Айтылады төрт түлік мал дей келе.....

Сабағымыз төрт айналымнан тұрады. Әр айналымның тақырыпшасы бар және тапсырмасы бар.

1. айналым: «Төрт түлік мал ырысым»

Әр топқатапсырма беріледі.

1-топ. Түйе туралы

2-топ. Жылқы мен ешкі туралы

3-топ. Сиыр мен қой туралы

Сергіту сәті: 1 минут.

Әр малдың өз үні болады.

Олардың қалай дыбыстауын саламыз.

1. айналым: «Білгенге маржан, білмегенге арзан».

• Қане, балалар, төлдерін қалай атаймыз және шақырамыз( әр бала жаттауын айтады).

Ойын ойнату малдың төлін табу.

Тапсырма: Төрт түліктің пірлерін еске түсірейік.

1-топ. Түйе – байлық салтанат

Түйе атасы кім? – Ойсылқара.

2-топ. Жылқы сәндік, мақтан

Жылқы атасы- Қамбарата.

3-топ. Сиыр- қанағат, ақтық

Сиыр атасы кім? –Зеңгібаба.

Жаппай сұрақ:

Қой қазына, мырзалық ,

Қой атасы- Шопаната.

Ешкі жеңілдік жоқтың күні,

Ешкі атасы- Сексеката.

(Тақтадан пірлерді көрсетіп атайды.)

Тақтамен жұмыс жасау.

1- топ. Жылқы

2- топ. Сиыр (дауыстыларды сызу)

3- топ. Түйе

Дауыстылар

Жуан: а, ы, ұ, о; (жұп дауыстылар)

Жіңішке: ә, і, ү, ө;

1. айналым: Мақал- мәтел сайысы

   1. Ер қанаты- ат.

   2. Жер- ана, мал- бала.

   3. Мал- баққандікі

Жер- жыртқандікі.

4. Түлік төлден өседі.

5. Сиырдың сүті- тілінде.

6. Ел құты- төрт түлік мал.

1. айналым: «Ойлан, тап!»

жұмбақ шешу, жауабы орысша, қазақша айтылады

1- топ: Табаны- өзінікі

Мойны- қаздікі

Ерні- қояндікі. (түйе - верблюд)

2- топ: Төрт бұлағы – сүт

Баққанға ол – құт (сиыр– корова)

3- топ: Қорасында маңыраған,

Қозысымен жамыраған.

Қозысынан айырылса,

Қоймай ұзақ аңыраған

Аппақ қою сүті бар,

Бұл не, балалар? ( қой – баран )

Сабақты бекіту: «Толғаныс сәті»

1. Мен бүгін не үйрендім? (Төрт түліктің пайдасын)

2. Мені таң қалдырған не? (Олардың қадір – қасиеті)

Математикалық жұмбақ:

Түйе, бота маң басқан,

Төрт аяғын тең басқан,

Аяғы нешеу? (8 аяқ )

Оқушылардың білімдерін сигнал карталарымен бағалау.