Создайте Ваш сайт учителя Видеоуроки Олимпиады Вебинары для учителей
Уроклöн мог: аркмöтны педагогическöй условиеэз, медбы тöдсöтны велöтчиссезöс топыта йитöм кыввезöн ( фразеологизммезöн), зорöтны кужöммез адззыны фразеологизммез текстiсь да вежöртöтны нiйö.
Уроклöн тип: виль тöдöммез осьтöм сьöртi урок.
Велöтчан удж организуйтöм формаэз: индивидуальнöй, фронтальнöй, групповöй
Оборудованнё: компьютер, нагляднöй материал – пазллэз, фразеологизммезöн карточкаэз, фразеологизммезöн кывчукöр, пестер.
Технологическöй карта коми-пермяцкöй кыв урок понда
Велöтiсь: Кривощёкова Любовь Николаевна
Класс: 3
Предмет: коми-пермяцкöй кыв
Уроклöн тема: Фразеологизммез
Уроклöн мог: аркмöтны педагогическöй условиеэз, медбы тöдсöтны велöтчиссезöс топыта йитöм кыввезöн ( фразеологизммезöн), зорöтны кужöммез адззыны фразеологизммез текстiсь да вежöртöтны нiйö.
Уроклöн тип: виль тöдöммез осьтöм сьöртi урок.
Велöтчан удж организуйтöм формаэз: индивидуальнöй, фронтальнöй, групповöй
Оборудованнё: компьютер, нагляднöй материал – пазллэз, фразеологизммезöн карточкаэз, фразеологизммезöн кывчукöр, пестер.
Планируемöй результаттэз
| Предметнöй | -тöдсасьны «фразеологизммез» вежöртасöн; -кужны адззыны фразеологизммез текстiсь, вежöртöтны нiйö ; -зорöтны велöтчиссезлiсь сёрни. |
| Метапредметнöй | Регулятивнöй: -кужны сувтöтны моггез, петкöтны уроклiсь тема; - перыта пырны велöтчан уджö; -самостоятельнöя бöрйыны заданнё, донтны ассит удж; Познавательнöй: -анализируйтны, керны колана выводдэз; - кужны уджавны небöг, кывчукöр сьöртi, адззыны колана информация. Коммуникативнöй: - кужны висьтавны ассит мненнё; - внимательнöя кывзыны и вежöртны велöтiсьöс и ёрттэзöс; - сетны очакыв велöтiсь юасьöммез вылö; - кужны уджавны группаын; - участвуйтны очасёрниын. |
| Личностнöй | Вежöртны велöтчан моггез и кужны нiйö судзöтны; Кужны пыртны оланö виль тöдöммез; Зорöтны мам дынö радейтöм. |
|
| Уроклöн этаппез | Велöтiсьлöн удж | Велöтчиссезлöн удж |
| 1. | Класс организуйтöм . Мотивация. Туйдöтны велöтчиссезöс удж дынö. | Туйдöтö челядьöс урок вылын удж дынö. | Настраивайтчöны уджавны. |
| 2. | Проблема да уроклiсь моггез сувтöтöм Петкöтны тема, моггез. | История пырйöт вайöтö велöтчиссезöс уроклöн тема дынö. | Петкöтöны уроклiсь тема, сувтöтöны моггез. |
| 3. | Виль тöдöммез осьтöм Тöдсасьны фразеологизммез вежöртасöн. | Организуйтö фразеологизммез вежöртасöн удж, тöдсöтö фразеологизммез кувчукöрöн. | Уджалöны правило сьöртi, адззöны фразеологизммезлiсь вежöртассэз фразеологизммез кывчукöрись. |
| 4. | Медодзза закрепитöм Уджавны фразеологизммез вежöртассэз вылын. | Организуйтö орсан «Öктам пазллэз» | Öктöны серпас, кошшöны сы дынö лöсялана фразеологизм, вежöртöтöны сiйö. |
| 5 | Физминутка | Организуйтö физминутка. | Челядь керöны упражненнёэз. |
| 6. | Закрепленнё
| Организуйтö текст сьöртi удж. | Тöдсасьöны тексткöт, бöрйöны текстлiсь пытшкöс, керöны выводдэз. |
| 7. | Урок сьöртi итог Проверитны виль тöдöммезлiсь качество. | Сувтöтö челядь одзö юасьöммез. | Сетöны очакыввез велöтiсь юасьöммез вылö. |
| 8. | Рефлексия Сетны дон уджлö. | Таблица сьöртi тшöктö велöтчиссезöс донтны удж, шондi югöр вылын фразеологизм пырйöт.
| Сетöны дон асланыс уджлö. |
1.Класс организуйтöм.
Вöлi звонок, пондöтам урок.
Бур лун, менам дона ёрттэз,
Учöтик вежöра морттэз.
Вот кыдз тiянлö висьтала
Лунiсь лун ми сё одзлань оськалам
Тöдöммез, кужöммез паськöтам,
Мыйкö тöд вылö уськöтам.
Ась тiян удж дынö лоö терпеннё
Да ыджыт – ыджыт стремленнё.
2.Мотивация
Урок вылын асьнытö талун мыччалö только бур ладорсянь. Туриэсö оз ков лыддьыны. Киэз тэчöмöн не пукавны.
Кывзыны менö и ёрттэзöс колö пеллез öшöтöмöн. Кытöнкö колас юр жугдыштны. Керат кыдз ме шуа – быдöс лоас бур.
3. Проблема да уроклiсь моггез сувтöтöм
Талун миян ыбöс одзö кинкö сувтöтöма пестер. Тiйö эд адззылö кин сiйö вайис? А видзöтам мый сэтöн? Кытшöмкö торрез-деталлез куйлöны. Челядь, ме вежöртi мыйлö миянлö вайисö энö деталлесö.
Висьтася тiянлö сэтшöм история. Вöлöмась кужись мортлöн мастерскöйын кык вуг да ёсёк. Уджöтöмась нiйö кöр öтлаын, а кöр торйöн. Öтпыр уджалiсьыс босьтöм сварочнöй аппарат и варитыштöм нiйö. Сiдз аркмöм Ф шыпас вылö вачкисяна торок – деталь.
Этшöмыс овлö и кыввез оланын. Оласö - вöласö кыввез – торрез, нийö пыртасö сёрниö то öтлаын , то торйöн. И кыдзкö лоöм сiдз, что кыввез öтамöдкöт йитсьöмась сы бурна, нельки аркмöмась неторйöтана кывтэчассэз – фразеологизммез. А Ф шыпасыс лоöм нылöн символöн.
Кыдз Ф шыпасыс и доска вылiсь кывтэчассэз йитöмöсь öтамöд коласын ? (пондам баитны фразеологизммез йылiсь)
-Челядь, кытшöм лоас уроклöн тема? (Фразеологизммез)
-Кытшöм моггез сувтöтам одзаным?
1.Тöдны, мый сэтшöм фразеологизммез.
2. Велöтчыны фразеологизммезлö сетны вежöртас.
3.Зорöтны сёрни.
4. Виль тöдöммез осьтöм
Партаэз вылын тiян куйлöны уджалан листоккез. Гижам листок вылö ассиным ним, фамиллё. Гижам талунся число. Класснöй удж.
а) Правило сьöртi удж (фразеологизммезлöн вежöртас).
- Мый жö сэтшöм фразеологизммез? Осьтам небöг 39 листбок вылын. Адззам фразеологизммезлiсь вежöртас. Лыддьöтам. Листок вылын содтам кольöм кыввез.
Фразеологизммез – этö _____________________________________________, кöдна öтлаын сетöны виль _____________. Фразеологизммез басöксьöтöны
______________ , керöны сiйö ассямаöн да выразительнöйöн.
Донтам ассиным удж.
б) Фразеологизммезöн кывчукöрöн тöдсасьöм.
- Менам киам фразеологизммезöн кывчукöр. Мый туйö адззыны сэтiсь? Сэтшöм кывчукöр эм и миян небöгын.
- Лыддьöтам вит фразеологизм. Висьталам нылiсь вежöртас.
5. Медодзза закрепитöм
а) Орсан «Öктам пазллэз» (группаын удж)
Öктам серпас пазллэзiсь, 85 уджись адззам тiян серпас дынö колана фразеологизм, вежöртассö сылiсь адззам фразеологизммезöн кывчукöрись.
Киöн не судзöтны.
Пеллез адззыны.
Ныр öшöтны.
Кыкнан киöн кутчисьны.
Киэз тэчöмöн пукавны.
Донтö ассиныт удж.
6.Физминутка.
Невна шоччисям. Эм ли тiян сэтшöм тор, кöда йылiсь ме висьтала. Мыччалö сiйö.
-Нiя кымöс вылö вермасö кайны, вермасö куньсьыны (синнэз)
-Сы вылын сулавны туйö, сiйö туйö öшöтны, сiйö туйö сюйлыны не аслат делоö(юр)
-Ныись быдöс петö, туйö нiйö тэчöмöн пукавны, уджалiсь мортлöн нiя золотöйöсь (киэз)
-Нiйö туйö весь тальны, нылöн садь вермас бырны (коккез)
- Сiйö туйö лэбтавны, туйö и öшöтны.
7. Закрепленнё
Текст сьöртi удж.
Лыддьöтö текст аскöтя. Думайтö, мый йылiсь эта текст?
Мам – тэнат первöй ёрт. Ёрт ласковöй да заботливöй. Сыкöт пыр бур да гажа. Мам велöтiс тэнö ветлöтны да баитны. Сiя лыддьöтiс тэныт первöй книгаэз.
Мам уна уджалö. Сылöн кисис быдöс петö. Киэз тэчöмöн сiя оз пукав некöр.
Челядь, гордитчö асланыт мамöн и отсасьö сылö!
-Челядь, мый йылись эта текст?
- Кин вермас висьтавны , что эта текстыс сы мам йылiсь? Чеччö.
- Мыля сiдз вермат висьтавны?
- Кытшöм сёрникузяын текстлöн медшöр дума?
-Кытшöм юрним туйö сетны текстлö?
-Гижö сiйö.
-Адззö текстiсь фразеологизммез, увтöттяс кырöвтö нiйö зелёнöй рöма карандашöн. Кыдз вежöртат нiйö?
Чожа лоас маммезлöн вежалун, ме думайта, тiйö од вунöтö мамнытö поздравитны.
8. Урок сьöртi итог.
-Мый сэтшöм фразеологизммез?
-Кыдз нiя вежöны миянлiсь сёрни?
9.Рефлексия.
Донтам ассиным удж таблица сьöртi.
| Урокыс ме понда вöлi… | |
| Темасö урокыслiсь | м н э |
| Урокыс меным | |
| Урок вылын | м э |
| Аслым урок вылын удж понда ме бы сувтöтi… балл |
3 4 5 |
Тiян партаэз вылын куйлöны шондiлöн югöррез: шонытöсь, ласковöйöсь, кыдз мамлöн киэз. Югöр вылö гижам, кыдз тiйö талун уджалiт урок вылын, бöрьям колана фразеологизммез доска вылiсь.
- лыдди туриэз
- кывзi велöтiсьöс пеллез öшöтöмöн
-юр жугдыштi
- киэз тэчöмöн пукалi
Уджалан лист ___________________________________________________________
1.Мый сэтшöм фразеологизммез?
Фразеологизммез – этö _______________________________________________, кöдна öтлаын сетöны виль _____________________________.
Фразеологизммез басöксьöтöны __________________ , керöны сiйö ассямаöн да выразительнöйöн.
2.Лыддьöт текст.
_________________________________
Мам – тэнат первöй ёрт. Ёрт ласковöй да заботливöй. Сыкöт пыр бур да гажа. Мам велöтiс тэнö ветлöтны да баитны. Сiя лыддьöтiс тэныт первöй книгаэз.
Мам уна уджалö. Сылöн кисис быдöс петö. Киэз тэчöмöн сiя оз пукав некöр.
Челядь, гордитчö асланыт мамöн и отсасьö сылö!
Донтö ассиныт удж.
| Урокыс ме понда вöлi… | |
| Темасö урокыслiсь | м н э |
| Урокыс меным | |
| Урок вылын | м э |
| Аслым урок вылын удж понда ме бы сувтöтi… балл |
5 4 3 |
* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт
сьöкыт 
