Та?ырыбы: "М?тін т?рлерін ?айталау"

Қазақ тілі

Тақырыбы: Мәтін түрлерін қайталау

Мақсаты:

Білімділік - оқушылардың мәтін жайлы түсініктерін кеңейте түсу; Мәтінді талдауға,негізгі ойды табуға,ой қорытындысын жасай отырып,оған өз пікірін қосуға,мәтінді өзінше аяқтай білуге жағдайлар туғызу. Дамытушылық - тапсырмалар барысында оқушының өй-өрісініңдамуына, шығармашылықпен жұмыс істеуге дағдыландыру. Тәрбиелік - сөйлеу шеберлігін қалыптастыра отырып,өз ана тілін құрметттеуге,сүюге тәрбиелеу.

Әдісі:көрнекілік,талдау,ажырату,проблемалық дәлелдеу,ізденушілік,жұппен жұмыс,ҰОҚ әдісі(Ривин әдісі бойынша мәтінді талдау).

Көрнекілігі: Мәтінді талдаудың 2-сыныпқа арналған жинағы,интербелсенді тақта.

Пәнаралық байланыс: Ана тілі,дүниетану.

Сабақтың барысы:

1.Ұйымдастыру кезеңі.Психологиялық дайындық.

Қазақ тілім,анам тілі өз тілім.

Абай ,Мұхтар сөйлеген дана тілім,

Бақытым,болашағым дара тілім

-Балалар,бүгін қазақ тілі сабағымыздан алған білімдерімізді еске түсіріп,қаншалық ты меңгергенімізді ортаға саламыз

Өз - өздерін бағалап отыру

Бағалау парағы

45 – 50 ұпай –«5», 35-44 ұпай –«4», 25 – 34 ұпай – «3»

2.Өткен сабақ.Үй тапсырмасын тексеру.

«Біздің сынып» тақырыбына мәтін құру.

І топ - әңгімелеу мәтіні

ІІ топ – пайымдау мәтіні

ІІІ топ – сипаттау мәтіні

1 слайд сынып фотосы

Мәтін түрлерін қайталау тест сұрақтары арқылы пысықтау

1. Мәтін дегеніміз не?

а)1 – 2 сөйлемнен тұрады

ә) мағына жағынан бір – бірімен байланысқан екі не одан көп сөйлем

б) сөзден тұрады

2. Мәтіннің неше түрі бар?

А) 5 түрі ә) 4 түрі б) 3 түрі

3. Не істеді?сұрағына мәтіннің қай түрі жауап береді?

А) сипаттау ә) пайымдау б) әңгімелеу

4.Ұяң дауыссыздан басталған сөзді белгіле.

А) домбыра ә) радио б) сағат

5. Тек қана қатаң дауыссызы бар сөздерді белгіле.

А) жаңғақ ә) қатық б) қаңбақ

Кілті: 1.ә; 2.б; 3.б; 4.а; 5.ә

Бағалау: «5» - қате жоқ

«4» - бір қате бар

«3» - екі қате бар

«2» - үш –төрт, оданда көп қате бар

ІІ. Мотивациялық – бағдарлау кезеңі.

Оқушылардың сабаққа назарын аудару.Интербелсенді тақтаға назар салайық.

- Мәтін – мағына жағынан өзара байланысты екі не одан көп сөйлемнен құралады.

• Мәтін – сөйлемде жазғанда пайда болатын қажетті бір тұтас ойды айтады.

• Мәтін – сөзден, сөйлемнен, абзацтан тұрады.

• Мәтін - әртүрлі мазмұнға құралады,онда оқиға хабарланады, әңгімеленеді, сипатталады.

• Мәтінге – ат қоюға болады.

• Мәтінге – жоспар құруға болады.

• Кәне, біз осы сабаққа қандай мақсат алар едік. (Тақтадағы сөз тіркестерін таңдап алу)

• Мәтіннің түрлері жайлы түсінігімізді кеңейту.

• Тапсырмалар арқылы мәтінге ат қою;

• Мәтінді толықтыру, аяқтауды үйрену;

• Жұппен жұмыс істеу арқылы мәтінді талдауды жетілдіре түсіну;

• Сауаты да көркем жазуға талпыну.

ІІІ.Операциялық– орындаушылық кезең

Дәптерімізді ашып, бүгінгі күнді жазайық

• Көркем жазуды да ұмытпайық. Көркем жазу минуты.

Оқулықпен жұмыс

• 205 – жаттығумен жұмыс

• Оқушылар өз ойларым дәлелдейотырып, мәтінді дұрыс құрады.

• 206 – жаттығумен тақтада жұмыс істеу.

• Жұппен жұмыс. Алдарыңда әрқайсысыңда мәтін берілген . мынандай алгоритм бойынша орындаймыз.

1. Екеулерің мәтінді бірігіп оқып танысыңдар.

2. Берілген тапсырмаларды өзара талдап орындаңдар

Мәтінді жұппен орындау ережесін еске түсірейік.

1.Мәтінмен іштей оқу арқылы танысу.

2. Тапсырмаларды талдай отырып ортақ шешімге келу.

3. Бір – бірінің сөзін бөлмей тыңдау.

Слайд.

Бөрібасар – жақсы ит. Ол түнде ұйықтамайды. Мал қорасын күзетеді. Бір күні түнде қораға қасқыр келді.

Шіркін, иттің бәрі Бөрібасардай болса ғой.

Оқушылар өз нұсқаларын ұсынады. Мәтінге тағы қандай ат қояр едің?

ІV. Рефлексиялық – танымдық кезең Шығармашылық ойын « мен бастаймын, сен аяқта»

• Фото - слайд

• Мектеп, ұстаз, асхана, тіс дәрігері, кітапханашы фотоларына сүйене отырып, «Мектеп» тақырыбына мәтін құрау.

• Мақсатымыз орындалды ма, көрейік. (мақсатты оқып, не істегенін айту)

V. Рефлексиялық – бағалау кезеңі.

Слайд

Рефлексия

1. Мен бүгін.................. білдім.

2. ..........................қызықты болды.

3. Мен мына тапсырмаларды орындадым...................................................

4. Мен енді білемін ........................................................................................

5. ................................... қиын болды.

Тірек сөздер арқылы өз ойларын тиянақтау.

Бағалау парағын жинау.

VI. Үйге тапсырма:

207 – жаттығу, 153-бет

Өзің қалаған аң немесе құс туралы сипаттау мәтінін жаз.