Та?ырыбы: ?осуды? ?асиеттері

Қосудың қасиеттері

Тақырыбы:  Қосудың қасиеттері
Мақсаты:
Білімділігі:  

өрнектерді және олардың мәндерін салыстыру барысында қосудың ауыстырымдылық және терімділік қасиеттері туралы қорытынды жасау; кестелік қосу және азайтуға қатысты білімдерін бекіту.
Тәрбиелігі:

ұйымшылдыққа, өз бетімен жұмыс жасауға тәрбиелеу.
Дамытушылығы:

танымдық қабілетін дамыту, шығармашылыққа баулу.

Әдісі: түсіндіру, сұрақ-жауап, оқулықпен жұмыс, ойын, деңгейлік тапсырма
Түрі:аралас сабақ
Типі: дамыта оқыту
Көрнекілігі: ,кесте, дидактикалық материалдар, электрондық оқулық

Сабақтың барысы:
1. Ұйымдастыру кезеңі.
2. Психологиялық дайындық
Қайырлы күн, досым,

Қайырлы күн болсын.

Күнделікке бүгін

Кілең бестік толсын
3. Көркем жазу 14, 24, 34, 44, 54, 64, 74, 84, 94.

 Бұл сандардың ұқсастығы мен айырмашылығы неде?

4. Ой ширату

 «Үндемес» ойыны арқылы оқушылар берілген сұрақтың тек жауабын жазып көрсетеді

• 5 бірлік пен 1 ондықтан тұратын сан                                                      15

• Цифрлары әртүрлі ең үлкен екі таңбалы сан                                           98

• Мен ойлаған саннан 8-ді азайтқанда 9 шықты                                       17

• Азайғыш 32, азайтқыш 30 болғанда, айырманың мәні нешеге тең?    2

• 16 -дан 5 пен 2-нің қосындысын азайт                                                       9

• 18-ге 5 пен 2-нің қосындысын қос                                                              25

5. Жаңа сабақ. Қосудың қасиеттері

а) Сурет бойынша жақшалы өрнектер құрастыру арқылы қосудың терімділік қасиетін пысықтау. № 1 есеп

ә) Теңдіктерді салыстыру арқылы қосудың терімділік қасиеті сипатталады

б) Қосудың терімділік қасиетіне сәйкес тиімді тәсілді таңдауға болатыны түсіндіріледі. Сондай-ақ екі амалды есептерді шешу кезінде де тиімді тәсілді пайдалануға болады деген қорытынды жасалады.

6. Бекіту    № 4

 Қиып алды – 6 ү және 4 ш

 Бояды - 3 ф

 Қалды -? ф

1- тәсіл   (6 + 4) – 3=7        2-тәсіл  (4+6) -3 =7       3-тәсіл  4 + (6-3) =7

Ж: 7 фигура қалды.

7. Сергіту сәті 
    Қарашы, балақай,

    Ақылды тақтаға

    Сергіп бір қаласың,

    Би биле тоқтама.

Экранға қарап би қимылдарын айнытпай қайталау

  8. Өзіндік жұмыс

Кестеге сәйкес төрттік  мысал құрастыру

Мысалы,    2+9   9+2    11-2   11-9                      8+3    3+8     11-3    11-8

  9. Сәйкесін тап

Дұрыс жауапты дәлелдей білуін талап ету

10. Артығын тап, дәлелде.

Азайғыш

Айырманың мәні

6 + 4 + 5

8 + 3 + 4

10 – 4 + 9

15 – 7 + 4

11. Логикалық тапсырмала

• Үстелдің 4 бұрышы бар. Бір бұрышын кесіп тастағанда, оның неше бұрышы болады? Жауабы: 5 бұрышы болады.

• Дәу тоғыз қабатты үйдің 3-қабатында тұрады. Бір күні ол жоғары қабатта тұрғысы келіп, үйді  төңкеріп қойды. Дәу енді нешінші қабатта тұрады?

12. Рефлексия

- Бүгінгі сабақта не білдің, не үйрендің?

- Өзіңді-өзің қалай бағалайсың?

• барлық тапсырманы өзім дұрыс орындадым

•  кей тапсырмада қате жібердім

• тапсырманы орындау маған қиын болды

13. Үйге тапсырма

6-тапсырма, 87- бет Бірліктері 6-ға тең екі таңбалы сандарға 5-ті қосу және азайтумен тексеру

Астана қаласы №62 мектеп-лицейінің бастауыш сынып мұғалімі

Математика пәні 

1 сынып

Сабақтың тақырыбы: Қосудың ауыстырымдылық қасиеті
Сабақтың мақсаты: 
1) Біліктілігі: оқушылардың есептеуде қосудың ауыстырымдылық қасиетін қолдана білу дағдыларын қалыптастыру; суреттер бойынша өрнектер құрастырып оқушылардың қызығушылығын ояту; заттарды санау және санаудың нәтижесін цифрмен жазу дағдыларын дамыту.
2) Дамытушылығы: оқушылардың ойлау ,есте сақтау, сөйлеу қабілетін,шығармашылық- ұлттық дүниетанымдық қабілеттерін дамыту.
3) Тәрбиелігі: ұйымшылдыққа, еңбексүйгіштікке,ұқыптылыққа тәрбиелеу.

Сабақтың түрі: жаңа сабақ, дәстүрден тыс ашық сабақ.
Әдіс-тәсіл: СТО стратегиялары ,талдау, жинақтау,сұрақ-жауап, ойландыру, өзіндік, топтау.
Сабақтың көрнекілігі:интерактивті тақта, суреттер,тест.
Сабақтың барысы: ұйымдастыру кезеңі.
І.Психологиялық дайындық.
Оқушылар бір-бірінің қолынан тізбектеліп ұстайды.

Слайд 1
Кел, балалар,күлейік!
Күлкіменен түлейік!
Қабақ түйген не керек,
Көңілді боп жүрейік.
Кел,балалар,күлейік!
Күлкіменен түлейік.
Күлкі көңіл ашады,
Күліп өмір сүрейік! 

ІІ. Қызығушылықты ояту. Өткен сабаққа шолу жасау.
-Өткен сабағымызда біз « Пысықтау» тақырыбын өткен болатынбыз.
Жауабын оқушылар алдыларында жатқан сандар арқылы өрнектің мәнін шешеді.

Слайд 2
«Балық аулау» ойыны
Жасырын тұрған мәндерді табу.

1. Жаңа сабақ
Кіріспе бөлім
Слайд 3
« Өрнек-сөзжұмбақ» шешу арқылы «Қосу» сөзін шығару.Қосу сөзі арқылы тақырыпты таныстыру.
ІІ. Мағынаны ашу ( тақырыпты ашу)
2.Жаңа сабақты меңгерту.
-Қосу амалының қандай атауларын білесіңдер?

Қосылғыш
Қосылғыш
Қосындының мәні

1)Жаңа сабақты практикалық жұмыстан бастау.Жинақ полотносына 4көк және 1қызыл қошқармүйіз оюды шығарып қою.Оқушыларға сұрақ қойылады.
-Барлығы неше қошқармүйізді ою?Математикалық өрнек құраңдар.

4+1=5 

-Бірінші қосылғышты,екінші қосылғышты, қосындының мәнін атаңдар.
-Бірінші қосылғышты-4 ,екінші қосылғышты -1, қосындының мәні - 5.

2)Содан кейін қошқармүйізді оюлардың орнын ауыстырып қою.
-Барлығы неше қошқармүйізді ою?Математикалық өрнек құраңдар.

1+4=5 

-Бірінші қосылғышты,екінші қосылғышты, қосындының мәнін атаңдар. 
-Бірінші қосылғышты-1 ,екінші қосылғышты -4, қосындының мәні - 5.
-Қосындының мәндерін салыстырыңдар?
- Не өзгерді? (қосылғыштардың орны ауысты)
-Не өзгермей қалды? (қосындының мәні өзгермей қалды)
Ережемен таныстыру.

Слайд 4
Қосылғыштардың орнын ауыстырғаннан қосындының мәні өзгермейді.»
3.Кітаппен жұмыс
Слайд 5
№1 тапсырманың суреттері бойынша өрнектер құрастырып және олардың мәндерін табу. (Ауызша)

4.Сергіту сәті. 
Қолға қалам алайық.
Дәптерімізді ашайық.
Дәптерімізді ашқан соң,
Әдемі етіп жазайық.

5.Дәптермен жұмыс. №1тапсырманы жазбаша орындау.
 

3 + 1 = 4                   4 – 1 = 3

1 + 3 = 4                   4 – 3 = 1

6.Дәптермен жұмыс.Оқулықтағы №2 тапсырманы жұмыс дәптеріне орындату.( 3 оқушыға тақтаға орындату)

3+2=5         4+1=5       3+1=4
2+3=5         1+4=5       1+3=4
-Сонымен біз қандай қорытындыға келдік?
Қосылғыштардың орнын ауыстырғаннан қосындының мәні өзгермейді.

7.Сергіту сәті.
Кел балалар ,ойнайық
Тектен текке тұрмайық.
Жемістерді жинайық.
Үзіп алып бақтардан 
Жолдастарға сыйлайық.
Слайд 6
8.Кітаппен жұмыс. №3 тапсырма.
«Жеміс- жидек жинау» ойыны. Ойынды топпен өткізу. 3 топқа бөлу.
-Балалар бізге қонаққа Жалқаубек келді.
Жалқаубек жеміс – жидектерді себетке жинамайды. Жалқауланып тұр. Ал біз Жалқаубекке көмектесіп, қалай жинау керектігін үйретіп жіберейік. Көмектесеміз бе? Ол үшін біз кітаптағы №3 тапсырманы орындайық.
Тапсырмаларды орындау арқылы себетке жеміс-жидектерді жинаймыз.
-Жеміс-жидектерді не үшін жейміз?(денсаулығымыз жақсы болу үшін жейміз,жеміс-жидектердің құрамында денсаулығымызға пайдалы дәрумендер бар.)

9.Кітаппен жұмыс. №3 тапсырма.
3 топқа тапсырма беру. Әр топтан екі бала шығып тақтаға жазу. Салыстыру өрнегін оқу.
1+4 = 4+1            1+3 1+2

3+2 = 2+3            1+2 = 2+1

2+1 = 1+2            3+2 1+3

10.Сергіту сәті. «Жалқаубек» әніне сергіту сәтін тамашалау.
11.Дәптердегі №4 тапсырма –аралас тапсырма. Үш машинаны әртүрлі түспен әрқалай бояу керек. Бұл тапсырманы орындау кезінде қалай шатаспауға болады?
ІІІ. Ой толғау.

Слайд 7
12.№4 тапсырма. Есепте. Логикалық тапсырмалар.

 

13.Сергіту сәті.
1 дегенде тұрайық,
2, 3, 4 – алақанды соғайық,
Оң жаққа бұрылып,
Сол жаққа бұрылып,
Бір отырып, бір тұрып,
Біз жүгіріп алайық.
5 дегенде асықпай,
Орнымызды табайық

Слайд 8
13.Логикалық сұрақтар.

1) Бір үйдің 4 ұл баласы бар. Олардың әрқайсысының бір қарындасы бар. Осы үйдің барлығы неше баласы бар? Жауабы: 5 бала.
2)Торда 5 маймыл отыр, оларға 5 банан берілді, сонда әрқайсысы неше бананнан жеген? Жауабы: 1 баннан жеген.
3)Ыдыстағы 4 жұмыртқа 3 минутта піседі, сонда оның әрқайсысы неше минутта піседі? Жауабы: 3 минутта піседі.
Слайд 9
« Жолда сақ бол!»
14.Сабақты қорытындылау.
-Біз не өттік?
-Біз не білдік?
-Қандай жаңа ақпарат алдық?
-Не таң қалдырды?
15. Оқушыларды жұлдызша, төртбұрыштармен бағалау.