Тақырыбы: "Малды пайдаға жарату" Ы.Алтынсарин

Пәннің аты

Уақыты:

Кабинет:

Мұғалім

Сабақтың атауы

Ы. Алтынсарин. Малды пайдаға жарату

Мақсаты

- төрт түлік мал және оның пайдасы туралы біліп, әңгімелеп үйренеді;
- ойлау, танымдық қабілеттері, ойын жеткізе білу дағдылары артады;
- еңбекті бағалай білуге тәрбиеленеді.

Күтілетін нәтиже

Психологиялық ахуал

Көтеріліп шаңырақ,
Уықтары шаншылар
Керегелер керіліп,
Өрімдей боп өрілер.
Бәріміз жүрсек айналып,
Киіз үй боп көрінер.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Қызығушылықты ояту

Сиыр мөңірейді. (Әр малдың мөңіреген, маңыраған, кісінеген, боздаған дауыстарын өздері салады.).
- Қой не істейді?
- Қой маңырайды.
- Жылқы не істейді?
- Жылқы кісінейді.
- Түйе не істейді?
- Түйе боздайды.

Жаңа сабаққа деген қызығушылықтары оянып,ерекше ынтамен кіріседі.

Мағынаны тану

«Біз осы төрт түлік малдың адамға қандай пайдасы бар екені туралы айтамыз.(Әр оқушы өз ойын айтады)
«Қазақ халқы үшін төрт түлік мал өте маңызды болған. Олар адамның жан серігі, айрылмас досы болған.
Қосымша ақпарат беру.

Қой - төрт түлік малдың ішіндегі момыны. Қойдың еті, сүті, майы, терісі пайдалы. Жүнінен киіз басады. Киім-кешек, алаша, кілем тоқылады.
Сиыр - ірі қара малға жатады. Сиырдың еті, сүті пайдалы. Сүтінен айран, қаймақ, құрт, ірімшік жасалады.
Жылқы - ер қанаты. Ол - сезімтал, талғампаз жануар. Жылқының сүті қымыз денсаулыққа пайдалы. Жылқыны көлік ретінде пайдаланады. Қазақта ат ойындары көптеп саналады.
Төрт түліктің төресі - түйе. Оның еті - тамақ, шұбаты - сусын, жүні - киім. Түйе - таптырмас көлік. Ол шөлге төзімді келеді».
Сұрақтарға жауап береді.
- Қой бізге не береді?
- Ет, жүн, тері.
- Сиырдан адамдар не алады?
- Сүт, ет.
- Сиырдың сүтінен не жасайды?
- Сүттен айран, май, құрт жасайды.
- Жылқының қандай пайдасы бар?
- Жылқы ет, қымыз береді. Атпен шабады. Ат ойындары бар.
- Адамдар түйені қалай пайдаланады?
- Түйенің сүтінен шұбат жасайды. Түйені көлік ретінде пайдаланады.т.б.
IV. Бекіту.1. Оқулық, дәптермен жұмыс. Мәтінді оқу. Түсініктерін мәтін соңындағы сұрақтар арқылы анықтау.

Сабақты қорыту мақсатымен тест оқылып, оқушылар жауап береді.

Сергіту сәті

Ұшты-ұшты құлын ұшты.
Ұшты-ұшты мұрын ұшты.
Ұшты-ұшты кептер ұшты.
Ұшты-ұшты дәптер ұшты.
Ұшты-ұшты қарға ұшты.
Ұшты-ұшты арба ұшты.

Ой толғаныс

«Кішкен ғана бойы бар, Айналдырып киген тоны бар»
- Бұл не?
- Бұл қой.
- Қойдың төлі не?
- Қойдың төлі - қозы (оқушылардың жауабынан кейін төлінің суреті шығып отырады).
«Екі айнасы бар, Екі найзасы бар»
- Ол не?
- Ол сиыр.
- Сиырдың төлі не?
- Сиырдың төлі - бұзау.

Үйге тапсырма

Мазмұндау

Күнделіктеріне жазып алады

Бағалау

Оқыту үшін бағалау және оқуды бағалау

Бағалау парақшасын толтырады.

Кері байланыс

Сабақтың қай бөлігі ұнағанына өз ойларын білдіреді.