Табиғатпен табысу. Оразақын Асқар

Пәні: әдебиеттік оқу

Күні:

Сынып: 2 «Б»

Пән мұғалімі: Сейтмағанбетова К.Ж.

Сабақтың тақырыбы

Табиғатпен табысу. Оразақын Асқар

Мақсаты

Өлең мазмұнымен танысып, өлеңнің мағынасын ашу, ой түйіндей білу.

Күтілетін нәтиже

Өлең арқылы  табиғатты аялап,  қамқорлық  жасау керектігін түсінеді.

Табиғаттың таңғажайып сырларын  танып, біледі.
Шығармашылықпен жұмыс жасай алады.

Ресурстар

Интербелсенді тақта, суреттер, әдебиеттік оқу кітабы, топқа бөлуге арналған қиындылар, шарлар.

Уақыты, сабақ кезеңдері

Мұғалім іс-әрекеті

Оқушы іс-әрекеті

бағалау

Кіріспе

Психологиялық дайындық

(2 минут)

Оқушыларды сабаққа дайындап, психологиялық жақсы көңіл- күй сыйлау.

Мейірімді жүрекпен,

Ақпейілді тілекпен

Амандасып алайық,

Бір жадырап қалайық, - деп сабаққа дайындық жасау.

Оқушылар берілген сурет қиындыларымен топтарға бөлініп отырады. Ол суреттерде жыл мезгілдерінің суреті шығады. Сол бойынша жыл мезгілдеріне қарай топтарға атау беріледі.

1–топ көктем

2- топ жаз

3- топ қыс

4- топ күз

. Әр топ өзінің атына сай жыл мезгілі туралы мәлімет беріп өтеді.

Қол соғу арқылы бір-біріне қошемет көрсету.

Негізгі бөлім

Жаңа сабаққа кіріспе

(3 минут)

Жаңа сабақ

(15 минут)

Бүгінгі сабақты бастау үшін, бейнефильм қойылады. Сол бейнефильм бойынша оқушылардың ойлары тыңдалады.

Өлеңді мәнерлеп оқып өту.

Өлеңнің авторы

О. Асқар туралы мәлімет беріп өту.

1) Өлеңді мәнерлеп оқып бер.

2) табиғатқа қандай қамқорлық жасар едің?

3) табиғатқа байланысты мақал – мәтел айтып бер

Қосымша сұрақтар арқылы оқушылардың білімдері толықтырып өтіледі.

Табиғат туралы бейнефильмді көре отырып, сол туралы өздерінің ойларын айтып өтеді. Қосымша сұрақ жауап өткізіледі.

Өлеңді оқушылар мәнерлеп оқып өтеді.

Табиғатпен табысу

Келдім, тауым, тағы да,

Асылайын мойныңа.

Жеміс толы бағыңа

Қараудан көз тойды ма?!

Табиғатпен табысып,

Тас бұлақты сүйейін.

Қайыңмен төс қағысып,

Гүліңе бас иейін.

Елігіңді атпайын,

Үркітпейін құсыңды.

Қорғауға адамзат дайын,

Қателігін түсінді.

Оқушылар мәнерлеп оқығандарына қарай мадақталады.

Сергіту сәті

(2 минут)

«Көңілді күн» әніне қосылып би ырғақтарын жасау.

Топтық жұмыс

(15 минут)

Оқушыларға қосымша шығармашылық тапсырмалар беріледі.

І топ – табиғат суретін салу.

ІІ топ – жер анаға хат жазу.

ІІІ топ – табиғат сөзіне топтастыру жасау. Мақал – мәтелдер айту.

ІV топ – «Табиғатты аялайық» тақырыбында әңгіме жазу.

Осы аталған жұмыстарды әр топ орындап, қорғап көрсетіп береді.

Әр топты жеке жеке бағалау.

Қорытынды

(3 минут)

Эссе жазуға тапсырма беру.

Мен табиғатқа қалай қамқорлық көрсетемін тақырыбында эсселерін оқып өтеді.

Бағалау

(2 минут)

Сабаққа қатысып, сұрақтарға жауап беріп отырған оқушыларды бағалау.

Оқушылардың жауаптарына қарай 5 баллдық жүйемен бағалау.

Кері байланыс

(2 минут)

Оқушыларға гүл күлтешелері беріледі.

Гүл күлтешелеріне өздерінің ойларын жазып тақтаға іледі. Тілектерін оқып өтеді.

Үйге тапсырма

(1 минут)

Өлеңді жаттап келу.

Табиғатқа байланысты тиым сөздер жазып келу.