Тәрбие сағаты Тақырыбы:"«Көктем аруы » қыз сыны."

Тақырыбы: «Көктем аруы » қыз сыны

Мақсаты: қыз балалардың жан дүниесіндегі көркемдік талғамын

қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу

1 -жүргізуші: Құрметті қонақтар, ұстаздар, ата-аналар!

Көктем айының ең алғашқы айы аналармыздың салтанатты мерекесімен басталады. Бұл күн аналармыздың мереке күні. Қар астынан бәйшешек бой көтерген көктемнің алғашқы хабаршысындай болып, Аналар мерекесі келеді. Бәйшешек соншалықты нәзіктігіне қарамастан, қалың қардың астынан бүршік атады. Біздің асыл аналармыз да қанша нәзік болса да барлық қиындық атаулыға төзімді. Аналар, қыздар! Көктемгі күндей жарқырап, гүлдей құлпырған мерекелеріңіз құтты болсын!

Мерекелік «Көктем аруы» атты қыз сыны сайысына қош келдіңіздер! Бастауға рұқсат етіңіздер.

2-жүргізуші: Мың бұралған арулар билей басып,

Келеді міне ортаға толқып тасып.

Аруларын сыйлаған халқым менің,

Көңілді қошеметпен қарсы алайық!

№1-Жанадинова Айдана, №2-Абильдинова Санара,№3-Таңатқан Гүлден,№4-доскеева Диана,№5-төлеген Іңкәр,№6- жауғашты Алтынай,№7-Тулекова Аделия,№8- Лайкова Айнур.

1-жүргізуші: Қыз сыны, қыз өнері, қыз әдебі,

Тал бойына жарасқан күлкі әдемі.

Бір көріп, таңқалдырмай сахнада,

Өмірде сақталсыншы бұл әдебі.

2- жүргізуші: Шалқытып мерекеде ән салайық,

Өнерпаз өрендерге тамсанайық.

Әділдік пен шындықты арқа тұтқан

Әділқазы алқасымен танысайық.

/Әділқазыларды таныстыру/ .

1-жүргізуші: Өнер қуып арулар өтер дейміз,

Бір басына өнері жетер дейміз.

Сайысқа келген арулар кезектесіп,

Таныстырып өздерін өтсе дейміз.

/Қыздармен танысу/

Ахмет «Апатайым,анашым»

1- жүргізуші: Ал, арулар, бұл сайысқа қалайсыңдар,

Сендер өтер әлі де талай сын бар.

Тапсырма ал, сұраққа қымсынбай кеп,

Жауап берсең әрине, жарайсыңдар!

/ Сұрақтарға жауап беру/.

1. Еттен жасалатын тағам /бесбармақ/

2. Қазақстанның Президенті кім /Назарбаев/

3. Білім, оқу, жазуды үйретушы адам /ұстаз/

4. Сүттен жасалатын тағам /көже, айран, ірімшік, қаймақ, май/

5. Мойынға тағатын әшекей бұйым /алқа/

6. Киелі құс /аққу/

7. Жылқыда не жоқ /өт/

8. Ақ сүт берген аналардың анасы /әже/.

2-жүргізуші: Ал кімнің өнері бар қаншалықты,

Би билеп, ал біреу ән салыпты.

Бүгінгі күн сайыста бәйге алуға,

Арулар аянбай-ақ жан салыпты.

• Қане қыздардың өнерін тамашалайық.

/Өнер көрсету/.

Жанулу Мақсат «Анашым»:

Ақ қабақты анашым,

Күн көкірек анашым.

Ақ сүтіңмен суардың,

Бөбегіңнің санасын.

1-жүргізуші: Мен айтайын мақал,

Сен балақай тыңда.

Бұл мақалдарды жалғастырып,

Соңына дейін аяқта.

/Мақалдарды жалғастыру/.

1.Отансыз адам,

/Ормансыз бұлбұл/.

2. Отан- елдің анасы,

/Ел- ердің анасы/.

3.Еңбек түбі-береке,

/ Көптің түбі-мереке/.

4.Елінен безген-ер оңбас,

/ Көлінен безген-қаз оңбас/.

5.Ер бір рет өледі,

/ Қорқақ мың рет өледі/.

6.Сөз атасы-құлақ,

Жол атасы-тұяқ,

/су атасы-бұлақ/.

7.Ағасы бардың жағасы бар,

/інісі бардың жағасы бар./

8.Туған жердей жер болмас,

/туған елдей ел болмас/.

2-жүргізуші: Біреуін келсең қуанып,

Ал біреуң жүгіріп,

Біреуін келсең жылап,

Ал біреуің күліп.

Қалай сөйлеу керек кім білді?

Оқып берші мына сөйлемді:

• Мен бақытты баламын. Әр интонациямен айту.

1. Жай сөйлем.

2. Күліп сөйлеу.

3. Жылап сөйлеу.

4. Жүгіріп сөйлеу.

5. Сәби тілмен сөйлеу.

1-жүргізуші: Әділқазы алқасы аруларымыздың ұпайларын есептегенше Сейтбек Бекзаттың орындауында «Анаға сәлем» әнін тамашалаңыздар.

2-жүргізуші: Өнердің сан түрлерін сараладым,

Дайынба, әділқазы бағаларын,-деп сөз кезегін әділқазылар алқасына береміз.

Мұғалім: Құттықтау сөз мектеп басшы Мұхамеджанов Марат Байғонысұлына беріледі.

1-жүргізуші: Өнеріміз сайыста,

Жетелейді алысқа.

Бүгінгі күннің женісі,

Достық болып қалуда.

2-жүргізуші: Осыменен «Көктем ару»атты қыз сыны аяқталады. Бірге

болғаңдарыңызға рахмет.