22.09.2014
«Мемлекеттік тілде оқытатын Заречный орта мектебі» КММ
Тәрбие сағаты
Тәрбиеші: Айтжанова Р.А.
2014-2015 оқу жылы
Тақырыбы: «Туған тілім- ана тілім»
Мақсаты: Балаларды ана тілін құрметтеуге, оның адам өміріндегі маңызын ұғуға үйрету.
Көрнекілігі: Тіл туралы жазылған нақыл сөздер.
Әдіс-тәсілі: Мақал-мәтел сайысы, ән айту.
Сабақ барысы: Әнұран орындалады.
Көрнекіліктері: Тақырып жазылған сөз, қанатты сөздер, шарлар
І Ұйымдастыру кезеңі
Амандасу
Біз әдепті баламыз,
Біз ерекше боламыз,
Қонақтарды көргенде,
Сәлеметсіздер ме! – деп
Сәлемдесіп аламыз.
Қазақстан Республикасының – әнұраны орындалады.
ІІ Тәрбиеші сөзі:
Құрметті Ұстаздар мен ата-аналар,балалар!
Бүгінгі Айгөлек шағын балалар орталығының «Туған тілім- ана тілім» атты тәрбие сағатына қош келдіңіздер!
Туған елім – тірлігімнің айғағы,
Тілім барда айтылар сыр ойдағы,
Өссе тілім, мен де бірге өсемін,
Өшсе тілім, мен де бірге өшемін! – деп, ақын Әбділдә Тәжібаев ағамыз жырлағандай тіл қастерлі де құдіретті.
Тіл - таусылмайтын байлық.
ІІІ Тақпақ:
Жаннұр: Ана тілің біліп қой,
Еркіндігі, теңдігін.
Ақнұр: Ана тілің біліп қой,
Мақтанышы елімнің.
Сәбит: Ана тілің - арың бұл,
Ұятың боп тұр бетте.
Дана: Өзге тілдің бәрін біл,
Өз тіліңді құрметте!
Гауһар: Ана тілі - біздің туған анамыз!
Анамыздай сыйлап, бағып–қағамыз.
«Қошақаным» әні
Ахмад: Тілім барда мақтанам
Тілім менің аппақ ән.
Бекарыс: Бірлігімді бүгінгі
Ана тілім сақтаған.
Айым: Ақыл ойын дананың
Ана тілден аламын.
Ақерке: Ана тілім - тірегім
Ана тілім - жүрегім
Сергіту сәті: «Аю» туралы
Тәрбиеші: Тілге байланысты мақал-мәтелдер сайысына кезек береміз. Ата аналар мен мақал-мәтелдер айтысы.
ІV Мақал құрастыру:
Тіл - кілті \Тіл – көңілдің кілті\
Шешеннің - шебердің \Шешеннің тілі - шебердің бізі\
Тіл - жарады \Тіл тас жарады,
Тас - бас Тас жармаса бас жарады\
Халық - қалт \Халық айтса, қалт айтпайды\
Өнер - қызыл \Өнер алды қызыл тіл\
V Тәрбиеші: Ендігі кезекті «Қара жорға» биіне берейік.
Таза сәби жүректен,
Қабылдаңыз мың алғыс!
Бізді жақтап отырған,
Сіздерге де мың алғыс!- дей отырып құттықтау сөз кезегін Мектеп директоры Алимова Айткүл Едресқызына беріледі.
Келесі сөз кезегі ата анаға беріледі.
Осымен «Туған тілім – ана тілім» атты тәрбие сағаты аяқталды. Келгендеріңізге көптен – көп рахмет.
